𝐔𝐊 𝐔𝐧𝐝𝐞𝐫𝐠𝐫𝐚𝐝𝐮𝐚𝐭𝐞 𝐄𝐝𝐮𝐜𝐚𝐭𝐢𝐨𝐧 𝐒𝐲𝐬𝐭𝐞𝐦 အကြောင်း လေ့လာကြည့်ရအောင်။

ပထမဆုံး Types of University အကြောင်း ပြောပြပေးချင်ပါတယ်။ UK မှာတော့ Russell Group Universities ဆိုတဲ့ Top 24 University တစ်နည်းအားဖြင့် Top League Universities ၊ Post-1992 Universities လို့ခေါ်တဲ့ 1992 နောက်ပိုင်း တည်ထောင်တဲ့ Universities ၊ Specialist Universities လို့ခေါ်တဲ့ One Subject Focus Universities ဆိုပြီး သုံးမျိုးခွဲခြားနိုင်ပါတယ်။

ဒါဆို 𝐔𝐧𝐢𝐯𝐞𝐫𝐬𝐢𝐭𝐲 𝐀𝐝𝐦𝐢𝐬𝐬𝐢𝐨𝐧 ရဖို့ ဘာတွေပြင်ရမလဲ? 

University Direct Join မယ်ဆိုရင်တော့ High School Qualification ကို A level, International Baccalaureate (IB), Ontario Secondary School Diploma (OSSD) တို့ ပြင်သင့်ပါတယ်။

တကယ်လို့ ကိုယ်က University First Year Join ဖို့အတွက် Ready မဖြစ်သေးဘူးဆိုရင်တော့ Foundation Year တစ်နှစ်အရင်တက်ပြီးမှ Year 1 to 3 Join သင့်ပါတယ်။

Bachelor ပြီး Master ချက်ချင်းတက်ချင်တယ်ဆိုရင်တော့ Integrated Master’s Programs Join သင့်ပါတယ်။ Integrated Master’s Programs ဟာဆိုရင် Undergraduate နဲ့ Postgraduate နှစ်ခုပေါင်းထားတဲ့ Program ဖြစ်ပါတယ်။

Work Experience လည်းလိုချင်တယ် Undergraduate လည်း တက်ချင်တဲ့သူတွေအတွက်ကတော့ Sandwich Courses ရှိပါတယ်။ သူကတော့ တက္ကသိုလ် ဒုတိယနှစ်အပြီးမှာ ကျောင်းတစ်နှစ်နားပြီး internship တစ်နှစ်ဆင်း၊ ပြီးတော့မှာ နောက်ဆုံး တတိယနှစ် တက်တာပါ။ ဘွဲ့ရဖို့အတွက် သာမာန်ထက် တစ်နှစ်ပိုပြီး ၄ နှစ်ဖြစ်သွားပါတယ်။

ဘာတွေပြင်ရမလဲ သိပြီးရင် 𝐒𝐭𝐫𝐮𝐜𝐭𝐮𝐫𝐞 𝐨𝐟 𝐃𝐞𝐠𝐫𝐞𝐞 𝐏𝐫𝐨𝐠𝐫𝐚𝐦 အကြောင်း ကြည့်လိုက်ရအောင်။ 

US Education System နဲ့မတူတဲ့အချက်က UK မှာဆိုရင် University Subject ကို University မစခင်ကတည်းက အရင်ရွေးချယ်ရပါတယ်။ ဒါကြောင့် အထက်တန်းကျောင်းမှာ ကိုယ်တက်ချင်တဲ့ မေဂျာနဲ့ ကိုက်ညီတဲ့ ဘာသာတွေကို မယူမဖြစ် သင်ယူရပါတယ်။ US University တွေက ကိုယ်တက္ကသိုလ်လျှောက်တဲ့ ဘာသာနဲ့ တကယ် ကျောင်းမှာယူတဲ့ မေဂျာ မတူလို့ ရပေမယ့် UK University တွေကတော့ မေဂျာပြောင်းခွင့် မရှိပါဘူး။

ဘွဲ့လွန် Degree ရဖို့ သာမန်တော့ ၃ နှစ်ပဲ တက်ရောက်ရပါတယ် (Gap Year တို့၊ Sandwich Course တို့ မရှိရင်ပေါ့)။

First Year မှာတော့ ကိုယ်ရွေးချယ်ထားတဲ့ Subject အကြောင်း Foundation အနေနဲ့ အရင်ဆုံး သင်ကြားရပါတယ်။

Second and Third Year မှာတော့ ရွေးချယ်ထားတဲ့ Subject ရဲ့ Details and Advanced အကြောင်းအရာတွေ သင်ကြားရတဲ့အပြင် ကိုယ်စိတ်ဝင်စားတဲ့ Optional Modules ပါ ထပ်မံသင်ယူနိုင်ပါတယ်။

Final Year မှာတော့ Course ပြီးဆုံးရန်အတွက် Research Project ဒါမှမဟုတ် Long Essay တွေ ရေးသားရပါတယ်။

ကဲ ဘာတွေပြင်ရမလဲသိရင် University ဘယ်လို လျှောက်ရမလဲ လေ့လာကြည့်ရအောင်။

UK Universities တွေလျှောက်မယ်ဆိုရင်တော့ UCAS Centralised Application Platform ကို အသုံးပြုရပါတယ်။ University တစ်ခုစီ လိုက်လျှောက်မဲ့အစား UCAS Platform မှာပဲ Course Choices, Personal Statement, Reference တွေဖြည့်သွင်းပြီး တစ်ခါတည်းလျှောက်ထားနိုင်ပါတယ်။ အများဆုံး University 5 ခုထိလျှောက်လို့ ရပါတယ်။ UCAS အကြောင်းအသေးစိတ်ကို ချိတ်ရဲ့ Page မှာ အသေးစိတ်တင်ထားပြီး ဖြစ်လို့ သွားရောက်လေ့လာနိုင်ပါတယ်ရှင်။

UK Universities တွေလျှောက်မယ်ဆို ဘယ်လို Scholarship တွေရှိမလဲ 

ဒီမှာ သတိထားစရာကတော့ UK က Scholarship တွေက Automatically Considered မဟုတ်ဘဲ လျှောက်လွှာတင်ရသလို၊ သူ့ Deadline နဲ့သူ ရှိကြပါတယ်။ ပြီးတော့ လျှောက်လို့ရတဲ့ Scholarship အတော်များများကလည်း ကျောင်းဝင်ခွင့်ရပြီးမှ လျှောက်လို့ရပါတယ် (ကျောင်းဝင်ခွင့်နဲ့အတူ Scholarship Amount ဘယ်လောက်ရတယ်ဆိုတာ ချက်ချင်းသိရတဲ့ US Universitiesတွေနဲ့ မတူတာပါ)။

International Students တွေကို Scholarship ပေးတဲ့ တက္ကသိုလ်တွေလည်း များတာမို့ တက္ကသိုလ် Website တွေမှာ အသေးစိတ် ရှာဖွေနိုင်သလို၊ အောက်မှာလည်း Scholarships တွေ ဖော်ပြထားပါတယ်။

ပထမဆုံးတစ်ခုကတော့ UCL Scholarship ပါ။ သူ့မှာက Income နည်းတဲ့ နိုင်ငံတကာက ကျောင်းသားတွေအတွက် ပေးတဲ့ UCL Global Scholarship , Master and PhD Level ကျောင်းသားတွေအတွက်ပေးတဲ့ UCL Research Excellent Scholarship, Academic Background ကောင်းတဲ့ကျောင်းသားတွေအတွက် Tution Fees and Accommodation Fees Cover ဖြစ်တဲ့ UCL Access Opportunity Scholarship စတာတွေရှိပါတယ်။

အားလုံးသိကြတဲ့ Oxford အတွက်ဆိုရင် Developing Countries ကလူတွေအတွက်ပေးတဲ့ Reach Oxford Scholarship, Postgraduate သမားတွေအတွက်ပေးတဲ့ Clarendon Fund Scholarship အပြင် တခြား Scholarship တွေလည်းရှိပါသေးတယ်။

Cambridge University အတွက်ကတော့ Undergraduate ရော Graduate သမားတွေအတွက်ရော ပေးတဲ့ Cambridge Trust Scholarship ရှိပါတယ်။

 နောက်ဆုံးအနေနဲ့ University Admission Timeline လေးတွေ တစ်ချက် ကြည့်လိုက်ရအောင်။

September လမှာဆို Application Process စတင်လေ့ရှိပါတယ်။

Oxford University, Cambridge University, Medicine and Dentistry တို့အတွက် Deadline ကတော့ Mid October ပဲဖြစ်ပါတယ်။

အခြား Course တွေကတော့ January Deadline ဖြစ်ပါတယ်။

October to April မှာတော့ Admission Process Results တွေထွက်လေ့ရှိပါတယ်။

Reply Deadline ကတော့ May လပဲဖြစ်ပါတယ်။

Course မှာ တက်ရောက်မယ့် လူမပြည့်သေးရင်တော့ July to October အထိ Clearing Session ဆိုပြီးရှိပါသေးတယ်။ ဒါပေမယ့် လူအများကြီးလျှောက်တဲ့ High-Ranked University တွေမှာတော့ မရှိတတ်ပါဘူး။

September မှာတော့ University Life စတင်ပါပြီ။

ခုလောက်ဆိုရင်တော့ UK Undergraduate Education System အကြောင်း သိလောက်ပြီ ထင်ပါတယ်။ UK Dream ရှိတဲ့သူတွေအတွက် အခွင့်အလမ်းအသစ်တွေ ရရှိပါစေလို့ တစ်ပါတည်း ဆုမွန်ကောင်းတောင်းပေးလိုက်ရပါတယ်ရှင်။ 

Chat Your Dreams
ချိတ် - The Hook 

Content Writer - Shun Lae Naychi

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

How to Choose the Right Course

“UK မှာ မိမိနဲ့ သင့်တော်တဲ့ Course နဲ့ University ကို ဘယ်လိုရွေးချယ်ကြမလဲ” 

'Right person, wrong time’ ဆိုတဲ့ စကားစုကို အားလုံးပဲ ကြားဖူးကြတယ်မဟုတ်လား
အဲ့တာကို တက္ကသိုလ်အသုံးအနှုန်းနဲ့ ဖွင့်ဆိုရရင်တော့ ‘Right course, wrong university’ လိုမျိုးပါပဲ။

အထူးသဖြင့် UK မှာဆိုရင် တက္ကသိုလ်ပေါင်း (၁၆၀) ကျော်နဲ့၊ Course ပေါင်းထောင်ချီပြီးရှိတဲ့အပြင် Undergraduate အတွက်ဆို UCAS ကနေ အများဆုံး (၅) ကျောင်းပဲ လျှောက်လို့ရတာမလို့ မိမိတက်လိုတဲ့ Course နဲ့ ကျောင်းတွေကို မှန်မှန်ကန်ကန် ရွေးချယ်တတ်ဖို့ လိုပါတယ်။

ဒါကြောင့် ဒီတစ်ပတ်မှာတော့ ချိတ်က ကျောင်းသားတို့ ‘Right course, wrong university’ မဖြစ်စေဖို့ မိမိအတွက် သင့်တော်တဲ့ Course နဲ့ ကျောင်းတွေရွေးရာမယ် စဉ်းစားကျင့်သုံးသင့်တဲ့ အချက်တွေကို မျှဝေပေးသွားမှာပါ။ 

 Match Your Interests to the Right Course

ပထမဦးဆုံး Course တစ်ခုကို ရွေးချယ်တဲ့အခါ အရေးကြီးဆုံးကတော့ မိမိကိုယ်ကိုသိဖို့ပဲ ဖြစ်ပါတယ်။ မိမိဘယ်ဘာသာရပ်တွေကို စိတ်ဝင်စားလဲ၊ ဘယ်အရာတွေမှာ ထူးချွန်လဲ၊ ဘယ်လိုအလုပ်မျိုး လုပ်နေတာကို မြင်ယောင်ကြည့်နိုင်လဲ စတဲ့မေးခွန်းတွေမေးပြီး မိမိကိုယ်ကို ပြန်သုံးသပ်ကြည့်ပါ။
Coursera, edX တို့မှာလည်း စိတ်ဝင်စားရာ Course တွေကို အစမ်းတက်ရောက်ကြည့်ပြီး မိမိတစ်ကယ် နှစ်သက်တာ ဟုတ်/မဟုတ် စမ်းစစ်ကြည့်နိုင်ပါသေးတယ်။

မိမိစိတ်ဝင်စားတာကို ရှင်းရှင်းလင်းလင်း သိသွားပြီဆိုရင် အဲ့ဒီနယ်ပယ်တွေမှာ နာမည်ရထားတဲ့ ကျောင်းတွေအကြောင်း Research လုပ်လို့ရပါပြီ။
ဥပမာ - ဥပဒေပိုင်းဆိုင်ရာ လေ့လာလိုတယ်ဆိုရင် University of Cambridge, University of Oxford, LSE စတဲ့ ကျောင်းတွေက နာမည်ကြီးပြီး Design ပိုင်းနဲ့ ပတ်သက်ရင် University of the Arts London က လူသိများပါတယ်။

Research လုပ်တဲ့အခါ Prospects, UCAS Career Finder အစရှိတဲ့ Tools တွေကို သုံးပြီးလည်း မိမိစိတ်ဝင်စားတဲ့အရာတွေက ဘယ်လို Course တွေ၊ Career Pathway တွေနဲ့ ချိတ်ဆက်နေလဲဆိုတာ လေ့လာနိုင်ပါသေးတယ်။
ဥပမာ - ကိုယ်က Biology ကြိုက်တယ်ဆိုရင် Biomedical Science, Environmental Studies, ဒါမှမဟုတ် Biotechnology စတဲ့ ဆိုင်ရာဆိုင်ရာ Course တွေနဲ့ သင့်တော်ရာ Career Pathway တွေကို သူတို့က ညွှန်းပေးသွားမှာပါ။

သုံး‌၊လေးနှစ်တာ အချိန်ပေးလေ့လာရမှာမလို့ မိမိတကယ် နှစ်သက်ပြီး စိတ်အားထက်သန်တဲ့ တစ်ခုကို သေချာဆန်းစစ်ရွေးဖို့ တိုက်တွန်းလိုပါတယ်။ 

Compare Course Content and Structure

Course (၂) ခုက နာမည်တူရင်တောင် သင်ရတဲ့ Content တွေက တော်တော်လေး ကွာခြားနိုင်ပါတယ်။ တစ်ခါတလေ တက္ကသိုလ် တစ်ခုတည်းမှာပဲ နာမည်တူ Course က တစ်ခုမက ရှိပါ‌သေးတယ်။ ဥပမာ - Nursing တက်ချင်တယ်ဆိုပါစို့။ ဒါပေမဲ့ မိမိတက်ချင်တဲ့ တက္ကသိုလ်မှာ Nursing အတွက် Course က (၅) ခုလောက်ရှိနေရင် ဘယ်ဟာရွေးရတော့မလဲ။

ဒီနေရာမှာ Undergraduate ကျောင်းသားတွေအတွက် အသုံးဝင်တာကတော့ Discover Uni ပဲ ဖြစ်ပါတယ်။ Discover Uni ဆိုတာက UK Course ဒေတာတွေကို နှိုင်းယှဉ်လို့ရတဲ့ Website တစ်ခုပါ။ ဒီ Website မှာဆိုရင် Course တွေရဲ့ ကြာချိန် (Length), Modes of Study, Teaching Outcomes နဲ့ ကျောင်းတည်နေရာတွေကို ဘေးချင်းကပ်ရပ် နှိုင်းယှဉ်နိုင်ပါတယ်။ Course တစ်ခုစီအတွက် Key Information Set ရှိတာမလို့ Professional Accreditation, Student Satisfaction နဲ့ Employment Statistics စတာတွေကိုလည်း သိရှိနိုင်ပါသေးတယ်။

ဒါ့အပြင် ကျောင်းတော်တော်များများက သူတို့ရဲ့ Website မှာ Download လို့ရတဲ့ Course Outline/Handbook တွေ တင်ပေးထားပါတယ်။ အဲ့ဒီမှာ -

စာသင်နှစ်တစ်နှစ်စီမှာ ဘယ် Module တွေ ပါဝင်လဲ၊ Programme က ဘယ်လောက် Flexible ဖြစ်လဲ။
Course ကို ဘယ်လို Assess လုပ်သလဲ ( Exams, Coursework, Group Projects) ၊ ဘယ်ဆရာက သင်ပေးမှာလဲ။
စာတွေ့နဲ့ လက်တွေ့ ညီမျှလား။ (ဥပမာ - Industry Placement တွေ၊ Internship အခွင့်အရေးတွေရှိလား)
စတာတွေကို ကြည့်ပြီး နှစ်သက်ရာ Course က မိမိနဲ့ ကိုက်/မကိုက် ဆန်းစစ်နိုင်ပါတယ်။ 

မိမိသိလိုတာကို ‌ကျောင်း Website တွေမှာ ရှာမတွေ့ဘူးဆိုရင်တော့ တက္ကသိုလ်ကို တိုက်ရိုက်ဆက်သွယ်တာ အကောင်းဆုံးပါ။ တက္ကသိုလ်အားလုံးမှာ မိမိလိုအပ်ချက်တွေကို နားလည်တဲ့ International Department ဆိုတာ ရှိပါတယ်။ တချို့တက္ကသိုလ်တွေမှာဆိုရင် မိမိသိလိုရာ မေးပြီး လက်ရှိကျောင်းသားတွေနဲ့ စကားပြောနိုင်တဲ့ Online Live Session တွေလည်းရှိတာမလို့ ဒါတွေကို ကောင်းကောင်းအသုံးချဖို့ အကြံပေးလိုပါတယ်။

 Considering Location, Reputation, Career Prospects and Cost of Attendance

Course ရွေးချယ်တဲ့အဆင့် ကျော်ဖြတ်ပြီးသွားရင်တော့ တက္ကသိုလ်ရွေးဖို့ စဉ်းစားချိန်ရောက်ပါပြီ။

Location - တည်နေရာ
ပထမဆုံး သတိပြုရမှာကတော့ ကျောင်းရဲ့ တည်နေရာပါ။ UK အနှံ့အပြားမှာ တက္ကသိုလ်တွေ အများကြီးရှိတာမလို့ ကျောင်းရွေးရာမယ် မိမိနေပျော်မယ့် နေရာမှာရှိ‌ရဲ့လားဆိုတာကိုလည်း စဉ်းစားသင့်ပါတယ်။

မိမိက အေးချမ်းပြီး ဆိတ်ငြိမ်တဲ့ ပတ်ဝန်းကျင်မျိုးကို သဘောကျတယ်ဆိုရင်၊ စရိတ်စက သက်သာချင်တယ်ဆိုရင် Lancaster, Stirling, Aberystwyth စတဲ့ မြို့တွေမှာရှိတဲ့ University တွေကို တစ်ချက်ကြည့်သင့်ပါတယ်။ ဥပမာ - Lancaster University, University of Stirling, Aberystwyth University 

England တောင်ပိုင်းနဲ့ London လို လူနေမှုသိပ်သည်းတဲ့ နေရာတွေမှာတော့ အချိန်ပိုင်းအလုပ်တွေ၊ ယဉ်ကျေးမှုဆိုင်ရာပွဲတွေ၊ Networking Opportunity တွေ မဆုံးနိုင်အောင် ပေါသလောက် နေစရိတ်၊ စားစရိတ်ကလည်း မနည်းလှပါဘူး။ မိမိက ဒီလို လူတွေ အများကြီး သက်၀င်လှုပ်ရှားတဲ့ ပတ်၀န်းကျင်မျိုး ကြိုက်တယ်ဆိုရင် UCL, KCL, Imperial College London, University of Manchester, University of Birmingham, University of Glasgow စတဲ့ တက္ကသိုလ်တွေကို ထည့်သွင်းစဉ်းစားသင့်ပါတယ်။ 

အဆင်ပြေ/မပြေသိချင်ရင်တော့ မိမိတက်ချင်တဲ့ University မှာ လက်ရှိတက်နေဆဲ ကျောင်းသားတွေရဲ့ Review တွေကို ဖတ်ကြည့်တာ အကောင်းဆုံးပါ။
British Council ရဲ့ Study UK Blog မှာဆိုရင် ကျောင်း‌ပေါင်းစုံက Reviewတွေ စုံစုံလင်လင်ပါပဲ။ ဒါ့အပြင် လက်ရှိ ကျောင်းသားတွေရဲ့ YouTube Vlog တွေက‌နေလည်း မိမိနဲ့ ကိုက်ညီတဲ့ နေရာဟုတ်/မဟုတ် သိနိုင်ပါ‌တယ်။ 

Reputation - ဂုဏ်သတင်း
ကျောင်းတစ်ကျောင်းရဲ့ Reputation ဟာလည်း စာသင်ရတဲ့အတွေ့အကြုံနဲ့ အလုပ်အကိုင်အခွင့်အလမ်းတွေကို သက်ရောက်နိုင်ပါသေးတယ်။ ပုံမှန်အားဖြင့်တော့ Reputation ကို Global Ranking, National Ranking, Research Output, Faculty Expertise နဲ့ Student Satisfaction ကနေတစ်ဆင့် ခန့်မှန်းနိုင်ပါတယ်။ ဥပမာ - အပေါ်က Factor တွေအားလုံးမှာ ကောင်းမွန်တဲ့ Oxford, Cambridge, Imperial တို့လို တက္ကသိုလ်တွေက Reputation ‌တော်တော်မြင့်တာမို့ အလုပ်အကိုင်အခွင့်အလမ်းလည်း ပိုများတာမျိုးပါ။

ကျောင်းရဲ့ Academic Reputation က မိမိရွေးချယ်ရာ နယ်ပယ်ပေါ်လိုက်ပြီးလည်း ကွဲပြားနိုင်ပါသေးတယ်။ ကျောင်းရဲ့ Overall ranking မြင့်တာက မိမိရဲ့ Course အတွက် အကောင်းဆုံးဖြစ်တယ်လို့ မဆိုလိုပါဘူး။ ဘာသာရပ်အလိုက် Ranking ကောင်းပေမဲ့ Overall Ranking သိပ်မမြင့်တဲ့ ကျောင်းတွေအများကြီးပါ။

ဒီနေရာမှာ မှတ်ထားရမှာက Prestige က အရာအားလုံး မဟုတ်ဘူးဆိုတာပါပဲ။ လူသိသိပ်မများတဲ့ တက္ကသိုလ်တစ်ခုက မိမိကျင်လည်မယ့် နယ်ပယ်အတွက် ကောင်းမွန်တဲ့ Program တွေ Offer ပေးတယ်ဆိုရင် အဲ့ဒီကျောင်းက မိမိနဲ့ပိုပြီး ကိုက်ညီတာလည်း ဖြစ်နိုင်ပါတယ်။ 

Career Prospects - အလုပ်အကိုင်အခွင့်အလမ်းတွေ
တက္ကသိုလ်တက်တာဟာ ဘွဲ့ရဖို့ အတွက်သာ မဟုတ်ဘဲ အဲ့ဒီဘွဲ့က မိမိကို ဘယ်လိုတံခါးတွေ ဖွင့်ပေးနိုင်မလဲဆိုတာအတွက်လည်း ဖြစ်ပါတယ်။ Internship အခွင့်အရေးတွေ၊ Industry အချိတ်အဆက်တွေ များပြီး Alumni Network ကြီးတဲ့ ကျောင်းတွေမှာပြီးထားရင် အလုပ်အကိုင် အခွင့်အလမ်းအတွက် အားသာချက်တွေ ပိုများပါတယ်။ ဥပမာ - Imperial College London နဲ့ University of Warwick က စီးပွားရေး၊ STEM အစရှိတဲ့ နယ်ပယ်တွေက Employers တွေနဲ့ အချိတ်အဆက်‌ကောင်းကောင်းရှိပြီး University of Glasgow ဟာဆိုရင် Life Sciences နဲ့ Healthcare ပိုင်းမှာ ပိုပြီးအားသာပါတယ်။ ဒါကြောင့် ဒီနယ်ပယ်တွေမှာ အလုပ်ဝင်မယ်ဆို ဒီကျောင်းတွေက ပြီးထားရင် တစ်ပန်းသာမှာပါ။ 

Career Prospects ကိုလည်း အပေါ်မှာ‌ဖော်ပြခဲ့တဲ့ Discover Uni နဲ့ ကျောင်းတစ်ခုချင်းစီရဲ့ Website တွေမှာ ကြည့်နိုင်ပါတယ်။ နောက်ထပ်အသုံးဝင်တာကတော့ LinkedIn Alumni Tool နဲ့ QS & Times Higher Education (THE) Graduate Employability Rankings တို့ပါပဲ။

Cost of Attendance - ကုန်ကျစရိတ်
ကျောင်းလျှောက်တဲ့အခါ အရေးအကြီးဆုံးတွေထဲက တစ်ခုဖြစ်တဲ့ ကျောင်းလခနဲ့ ကုန်ကျစရိတ်တွေကိုလည်း မေ့ထားလို့မရပါဘူး။
မိမိလျှောက်ထားမယ့် ကျောင်းတွေရဲ့ ကုန်ကျစရိတ်ကို သိရဖို့ University Websites, UCAS Course Search, UKCISA Fee Status Guide တွေမှာ ရှာနိုင်ပါတယ်။

UK Government Loans တွေကို European မဟုတ်တဲ့ ကျောင်းသားတွေ မရနိုင်ပေမဲ့ တချို့ကျောင်းတွေက ကိုယ်ပိုင် Student Loan Scheme တွေရှိတဲ့အတွက် Loan ရနိုင်မလားသိချင်ရင် ကျောင်းရဲ့ Finance ဒါမှမဟုတ် Admissions ရုံးကို ဆက်သွယ်မေးမြန်းတာ ‌အကောင်းဆုံးပါ။

Academic Excellence, Talent, or Potential ပေါ်မူတည်ပြီး ပေးတဲ့ Full/Partial/Living Costs Scholarship တွေလည်း ရှိပါသေးတယ်။ ဒါတွေကိုတော့ များသောအားဖြင့် University Scholarship Page တွေနဲ့ British Council ရဲ့ “Study UK” site မှာ ရှာနိုင်ပါတယ်။ Companie တွေ၊ NGO တွေက ပေးတဲ့ Grant/Loan တွေလည်းရှိတာမလို့ များများရှာဖွေပြီး စာရင်းပြုစုထားသင့်ပါတယ်။

ဒီနေရာမှာ မှတ်ထားရမှာက International Student တစ်ယောက်အနေနဲ့ UK မှာ ဒီ Loan တွေ၊ Grant တွေရဖို့ အာမခံချက်မရှိတာမလို့ မရခဲ့ရင် မိမိကိုယ်ကို ဘယ်လို အကုန်အကျခံမလဲဆိုတာကို ကြိုတင်စဉ်းစားထားသင့်ပါတယ်။

ဒါမှသာ ကျောင်းတွေကို မိမိလိုအပ်ချက်အတိုင်း သေချာ ရွေးချယ်နိုင်မှာပါ။ 

 Taking Advantage of Virtual Tours

တက္ကသိုလ်ရွေးတဲ့အခါမှာ ကျောင်းကို ကိုယ်တိုင် သွားရောက်လေ့လာချင်ပေမဲ့ သွားဖို့ရာခက်ခဲတဲ့ နိုင်ငံတစ်ကာက ကျောင်းသားတွေအတွက် Virtual Tour တွေဟာလည်း ရွှေပါပဲ။

Virtual Tour တွေဟာ ကျောင်း Campus နဲ့ Student Accommodation တွေရဲ့ 360° ဓာတ်ပုံနဲ့ ဗီဒီယိုတွေကနေတစ်ဆင့် အဲ့ဒီမှာ နေတိုင်တက်ရောက်ရရင် ဘယ်လိုနေမလဲဆိုတာ ခန့်မှန်းလို့ရအောင် ကူညီပေးထားတာပါ။ တက္ကသိုလ်အများစုက သူတို့ Website ရဲ့ Prospective Students တွေအတွက် ရည်ရွယ်ထားတဲ့ နေရာမှာ Virtual Tour ကို တင်ထားပေးတတ်ပါတယ်။
ဒါ့အပြင် YouTube မှာ လက်ရှိတက်နေဆဲ ကျောင်းသားတွေရဲ့ Campus Tour တွေရှိတတ်တာမလို့ ဒါတွေကနေလည်း ဘယ်ကျောင်းက မိမိနဲ့ အဆင်ပြေမလဲဆိုတာ မှန်းဆကြည့်လို့ရပါတယ်ရှင်။ 

 Understanding Entry Requirements

မိမိ‌လျှောက်မယ့် တက္ကသိုလ်ကို ရွေးပြီးပြီဆိုရင်တော့ ဘာတွေပြင်ဆင်ထားရမလဲဆိုတာ နားလည်ဖို့လိုပါပြီ။ UK တက္ကသိုလ်တွေက Course ပေါ်မူတည်ပြီး သူတို့ကိုယ်ပိုင် ဝင်ခွင့်လိုအပ်ချက်တွေကို ချမှတ်ထားတာပါ။ ကျွန်မတို့လို နိုင်ငံတကာက ကျောင်းသားတွေအတွက်ဆိုရင် ပုံမှန်အားဖြင့်တော့ -

Academic Qualifications (ဥပမာ - A-levels, IB, NCUK, OSSD, or equivalent)
 English Language Proficiency Tests ( IELTS, TOEFL, or others)
 Subject-specific Prerequisites (ဥပမာ - Medicine အတွက်ဆိုရင် Chemistry နဲ့ Biology, Engineering အတွက်ဆိုရင် Chemistryနဲ့ Physics)
 Personal Statement
 Letters of Recommendation

စတာတွေ လိုအပ်ပါတယ်။

ဒါ့အပြင် တစ်ချို့ အပြိုင်အဆိုင်များတဲ့ Course တွေဆိုရင် ဝင်ခွင့်စာမေးပွဲလည်း ဖြေဖို့လိုပါသေးတယ်။ ဥပမာ - Medicine အတွက် UK ကျောင်းအများစုက UCAT(University Clinical Aptitude Test) ကို တောင်းပြီး၊ Law အတွက်ဆိုရင် LNAT (Law National Aptitude Test) ကို တောင်းတတ်ပါတယ်။ အသေးစိတ်ကိုတော့ University Website‌ တွေနဲ့ UCAS Portal မှာ သွားကြည့်တာက စိတ်အချရဆုံးပါ။

UK ကျောင်းအများစုမှာ Foundation ဒါမှမဟုတ် Pathway ပရိုဂရမ်တွေလည်းရှိတာမလို့ တက်ချင်တဲ့ Course နဲ့ ကျောင်းကို သိပြီဆိုတာနဲ့ များများ Research ဖို့ တိုက်တွန်းလိုပါတယ်။ မိမိလျှောက်ချင်တဲ့ ကျောင်းက Course ရဲ့ လိုအပ်ချက်တွေကို စောစောသိထားမှသာ သေချာပြင်ဆင်ချိန်ရပြီး ဖြေဖို့လိုတဲ့ စာမေးပွဲတွေ ဖြေထားနိုင်မှာမလို့ပါ။ 

ကဲ၊ အခုဆိုရင်တော့ ချိတ် ကနေပြီး မိမိနဲ့ ကိုက်ညီမယ့် Course နဲ့ UK University တွေကို ရွေးရာမယ် အသုံးဝင်တဲ့ အချက်တွေကို ဝေမျှပြီးပါပြီ။

အခုစက်တင်ဘာထဲမှာ UCAS Submission Window စဖွင့်နေပြီမလို့ ကျောင်းလျှောက်ဖို့ အကြံညဏ် လိုအပ်တယ်ဆိုရင် ကျွန်မတို့ရဲ့ “တက္ကသိုလ်များဆီသို့ (Global)” Advising Program လေးမှာ Advisor တွေနဲ့ ဆွေးနွေးဖို့ လျှောက်ထားနိုင်ပါတယ်ဆိုတဲ့ အကြောင်းလေးလည်း သတင်းကောင်းပါးပါရစေ။ မိမိအတွက် အသင့်တော်ဆုံး Course ကို မိမိနဲ့သင့်တော်တဲ့၊ တကယ်လည်း တက်ချင်တဲ့ ကျောင်းမှာ တက်ရောက်နိုင်ပါစေကြောင်း ချိတ်ကနေ ဆုမွန်ကောင်း တောင်းပေးလိုက်ပါတယ်ရှင်။

Chate your dreams 
ချိတ် - The Hook

Content Writer - Thinn Thiri Thwe

Graphic Designer - Kyail Nay La

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

How to Write a Strong UK Personal Statement
𝐔𝐊 𝐏𝐞𝐫𝐬𝐨𝐧𝐚𝐥 𝐒𝐭𝐚𝐭𝐞𝐦𝐞𝐧𝐭 အကြောင်းတစေ့တစောင်း

UK University တွေလျှောက်ထားတော့မယ်ဆိုရင် မဖြစ်မနေတင်ပြရမှာကတော့ Personal Statement ပဲဖြစ်ပါတယ်။ “A strong personal statement a strong impression for the whole application” ဆိုတဲ့ အတိုင်းပဲ မိမိက ဘယ်လိုကျောင်းသားမျိုးဖြစ်လို့ ကျောင်းဘက်က လက်ခံသင့်တယ်ဆိုတာကို ပြနိုင်မယ့် အခွင့်အရေးတစ်ခုဖြစ်ပါတယ်။

ဒါကြောင့် UK ရဲ့ပြောင်းလဲသွားတဲ့ Personal Statement ပုံစံနဲ့အတူ ထိရောက်တဲ့ Personal Statement တစ်ခုဘယ်လိုရေးရမလဲဆိုတာ ဝေမျှပေးသွားမှာဘဲ ဖြစ်ပါတယ်။

Personal statement အတွက်ဆိုရင် စာပိုဒ်အရှည်ကြီးတွေ ရေးပေးရတာကို တော်တော်များများ သိကြမယ်ထင်ပါတယ်။ ဒါပေမယ့် ယခု 2026 Entry (UK) ကစလို့ ကိုပြီး ရေးရလွယ်ကူတဲ့ ပုံစံမျိုးကို ပြောင်းလဲသွားပါပြီ။ အဲ့တာကတော့ စာပိုဒ်အရှည်ကြီးအစား မေးခွန်း ၃ ခုခွဲပေးလိုက်ခြင်းဘဲ ဖြစ်ပါတယ်။

Question 1 : Why do you want to study this course or subject?
ဒီမေးခွန်းကတော့ ကိုယ်ဒီဘာသာရပ်အပေါ်ဘယ်လောက်စိတ်ဝင်စားမှုရှိလဲ၊ ကိုယ့်ရဲ့ passion ကို မေးတာဘဲ ဖြစ်ပါတယ်။ ဒီမေးခွန်းကို ဖြေဖို့ အတွက်ဆိုရင်
“Be Personal” - ကိုယ်ဘာလို့ ဒီ course ကို ရွေးတာလဲရဲ့ “motivation” ကို ကိုယ့်ရဲ့ အတွေ့အကြုံတွေ personal experience တွေနဲ့ ချိတ်ဆက်ရေးဖို့ အကြုံပြုပါတယ်။

“Be specific” - စိတ်ဝင်စားမှုကို ရေးတဲ့ အခါမှာ အကုန်လုံးကို ခြုံပြီး ရေးတာ မဟုတ်ဘဲ sub subjects တွေပြောပေးနိုင်ရင် ပိုကောင်းပါတယ်။ ဥပမာ Computer Science ကို စိတ်ဝင်စားတယ်ဆိုတာက AI ကိုလား၊ computer networks တွေကိုလား ဆိုပြီး အသေးစိတ်ရေးတာမျိုးကို ပြောတာပါ။

“Have Plans” - ဒီဘာသာရပ်နဲ့ ရှေ့ဆက် ဘာလုပ်ချင်လဲဆိုတာကို သိရပါမယ်။ precession plan အထိမရှိခဲ့ရင်တောင် ကိုယ်ရှေ့ဆက်လုပ်ချင်တဲ့ အရာတွေအတွက် ဒီ course က ဘယ်လိုအထောက်အကူပြုလဲ ဆိုကို ထည့်ရေးပေးဖို့ အကြံပြုချင်ပါတယ်။

Question 2: How have your qualifications and studies helped you to prepare for this course?
ဒီမေးခွန်းကတော့ ပထမတစ်ခုလို out-of-school activities မဟုတ်ဘဲ in-school academic အကြောင်းကို မေးတာ ဖြစ်ပါတယ်။ တက္ကသိုလ်တွေဟာ ကျောင်းသားတစ်ယောက်က သူတို့ရဲ့ course ကို သင်ယူဖို့ အဆင်သင့်ဖြစ်ကြလားကို သိချင်ကြပါတယ်။ အဲ့တာကြောင့် ကိုယ့်မှာ လုံလောက်တဲ့ academic qualification ရှိတယ်ဆိုတာကို ပြသနိုင်ရပါမယ်။

ဒီနေရာမှာ ကိိုယ့်ရဲ့ အမှတ်စာရင်းတွေက application ထဲမှာပါပြီးသားမလို့ အမှတ်စာရင်းအစား တခြားသော educational achievement တွေကို ရေးသားပေးဖို့ အကြုံပြုပါတယ်။ ဒါမှသာ စာလုံးရေ Limited ဖြစ်တဲ့ Personal Statement မှာ ကိုယ့်အကြောင်းကိုထိထိမိမိ တင်ပြနိုင်မှာဖြစ်ပါတယ်။

Question 3: What else have you done to prepare outside of education, and why are these experiences useful?
ဒါကတော့ ကိုယ့်ရဲ့ ကျောင်းပြင်ပမှာ ရခဲ့တဲ့ experience တွေကို ပြောရမယ့်အချိန်ဘဲ ဖြစ်ပါတယ်။ internship တွေ၊ volunteer လုပ်တာတွေ၊ ကိုယ့်ရဲ့ personal life responsibilities တွေရေးသားလို့ရပါတယ်။ တက္ကသိုလ်တွေက ကျောင်းသားတွေရဲ့ work life balance ဖြစ်ရဲ့လားကိုလဲ သိချင်တာဖြစ်တဲ့အတွက် ကိုယ်အားတဲ့အချိန်မှာလုပ်တဲ့ ဝါသနာပါတာလေးတွေကိုလဲ ထည့်ရေးပေးလို့ရပါတယ်။ ဒီမေးခွန်းအတွက် ကိုယ့်ဘာလုပ်ခဲ့တယ်ဆိုတာချည်းမဟုတ်ဘဲ အဲ့အတွေ့အကြုံကနေ ဘယ်လိုလေ့လာခဲ့လဲကို ရေးပေးဖို့ အထူးသတိပြုသင့်ပါတယ်။

ကဲ ဒါဆိုရင် မေးခွန်း ၃ ခုနဲ့ ဘာတွေ ရေးသင့်တယ်ဆိုတာ ပြောပြပြီးသွားပြီဆိုတော့ ရှောင်ကျဉ်ရမယ့် “Red Flags” တွေကို ပြောပြပေးသွားပါမယ်။ 

* Don’t use AI for your Personal Statement
Personal statement ဆိုတာဟာ ကိုယ့်ရဲ့ အကြောင်းကို မေးတာပါ။ ကိုယ့်အကြောင်းကို ကိုယ်သာအသိဆုံးဖြစ်တာမလို့ AI ကို ရေးခိုင်းတာဟာ မဖြစ်သင့်တဲ့အရာဖြစ်ပါတယ်။ ဒါ့အပြင် ကျောင်းတော်တော်များများက AI detection tools တွေနဲ့ စစ်တဲ့အတွက်ကြောင့် AI generated personal statement တစ်ခုဟာ ကိုယ့်ရဲ့ application အပေါ် ဆိုးဆိုးရွားရွားသက်ရောက်မှုရှိပါတယ်။ သို့ပေမယ့် Brainstorming, Editing tools အစရှိသဖြင့်တော့ AI ကို အကျိုးရှိရှိအသုံးချလို့ရပါတယ်။

* Don’t lie
Personal statement ရေးသားရာမှာ အတုအယောင်တွေ ထည့်မရေးပါနဲ့။ Interview process ရှိတဲ့ကျောင်းတွေ ပိုသတိထားရပါတယ်။ ကိုယ်ရေးထားတဲ့အကြောင်းအရာတွေကိုဘဲ ပြန်မေးတာဖြစ်တဲ့အတွက်ကြောင့်ပါ။ အဆိုးဆုံးအခြေအနေကတော့ မဟုတ်မမှန်တဲ့ အချက်အလက်ထည့်ထားတာကိုသာကျောင်းက သိသွားရင် ကိုယ့်ရဲ့ application က auto-reject ဖြစ်သွားမှာဖြစ်ပြီး ထပ် apply လုပ်လို့မရအောင် ban ခံရတဲ့ အထိဖြစ်သွားမှာပါ

* Don’t put quotes
UK universities တွေရဲ့ personal statement တွေဟာ character အားဖြင့် 4000 ကန့်သတ်ထားတာမလို့ “quote” တွေ ထည့်ခြင်းဟာ မလိုအပ်ဘဲနဲ့ space တွေ ဖြုန်းတီးခြင်းဖြစ်ပါတယ်

* Don’t use clinches
လူတွေ အသုံးများပြီး admission officer တွေပါ အလွတ်ရနေတဲ့ စာကြောင်းတွေရှိပါတယ်။ ဥပမာ “I have always wanted to become … since I was young” လိုမျိုးတွေပါ။ ထိုစာကြောင်းမျိုးတွေဟာလဲ အနှစ်သာရမပါဘဲ အပေါ်ယံဆန်ပြီး space ဖြုန်းတီးခြင်းတစ်မျိုးဘဲ ဖြစ်ပါတယ်။

အဲ့ဒါဆိုရင်တော့ UK ကို ကျောင်းလျှောက်ချင်တဲ့ လူငယ်တွေအတွက် ချိတ်က personal statement structure ၊ ရေးသားပုံရေးသားနည်း၊ Do and Don’t တွေကို ဝေမျှပေးခဲ့တာဘဲ ဖြစ်ပါတယ်။ အကောင်းဆုံးသော personal statement တွေနဲ့အတူ ကိုယ့်ရဲ့ application ကို stand out ဖြစ်အောင်လုပ်နိုင်မယ်လို့ ယုံကြည်ပါတယ်။

Chate your dreams 
ချိတ်- The Hook

Content Writer - Chan Mya Mya Toe

Graphic Designer - Kyail Nay La

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

UCAS Walkthrough – A Step-by-Step Guide to Applying to UK Universities

သူမရှိရင် UK မှာ ကျောင်းသွားတက်လို့မရတဲ့ UCAS အကြောင်း ဒါတွေသိပြီးပြီလား?
Hello! အားလုံးမင်္ဂလာာပါဗျ၊ ဒီ ချိတ် Post လေးမှာ မှာတော့ UCAS ကဘာလဲနဲ့ UCAS ကို အထာကျကျ ဘယ်လိုသုံးရမလဲပြောပြပေးမှာပါ။

 UCAS (Universities and Colleges Admissions Service) ဆိုတာက UK မှာ တက္ကသိုလ်များ လျှောက်ဖို့ အဓိကနဲ့ အများဆုံးသုံးရတဲ့ platform တစ်ခုဖြစ်ပါတယ်ဗျ

ဟုတ်ပြီ UCAS ကို ဘယ်သူတွေကသုံးကြလဲ?

အထက်တန်းကျောင်းပြီးထားတဲ့ UK ကျောင်းသူ ကျောင်းသားများ

Undergraduate degree တွေကို UK
မှာတက်ရောက်ချင်တဲ့ International ကျောင်းသားများက အဓိကထားပြီးသုံးကြပါတယ်။

ဘာလို့ UCAS ကိုအဓိကထားပြီးသုံးလဲ

UCAS ဟာ UK universities အများစုကိုလျှောက်ဖို့ တစ်ခုတည်းသော official system ဖြစ်ပါတယ်။
US တက္ကသိုလ်တွေလျှောက်ကြရာမှာ သုံးကြတဲ့ Common Application၊ Coalition Application တို့လိုပါ။

တစ်နေရာတည်းနဲ့ တစ်ပြိုင်နက်တည်း course (5) ခုအထိလျှောက်နိုင်တဲ့အပြင်၊ စနစ်တကျ အလွယ်တကူ အသုံးပြုနိုင်တဲ့ platform တစ်ခုပါ။ ဒါအပြင့်၊ offer ရ/မရ ကြည့်လို့ရမယ် မရပါက UCAS Clearing၊ UCAS Extra နဲ့ တခြား တက္ကသိုလ် ထပ်လျှောက်လို့ရပါတယ်။

UCAS application လျှောက်မယ်ဆို ဘာတွေကအဓိကပါဝင်ရမလဲ

*ကိုယ်ရေးကိုယ်ရာအချက်အလက်များ (contact information, residency, etc)
*ကိုယ်တက်မည့် ဘာသာရပ်ရေ (ဆေးနဲ့သွားဆေးဆိုလျှင် ၄ခုထိသာ ရွေးနိုင်ပါတယ်။)
*ပညာရေးမှတ်တမ်း၊ တက်ရောက်ခဲ့တဲ့ ကျောင်းများ၊ Academic Certificate
*ကျောင်းမပြီးသေးတဲ့ ကျောင်းသားတွေအတွက် Predicted Grades၊ ကျောင်းပြီးပြီးသား ကျောင်းသားတွေအတွက် Final Grades
*Personal Statement - Essay တစ်ခုကို 4000 Characters Max ရေးလို့ရပါမယ်၊ skills, passions, suitability for the course you choose. Essay မှာ ကိုယ့်ကိုယ်အရွေးခံရအောင် အဓိကထားပြီးရေးရပါတယ်။
*Reference Letter - ဆရာ/ဆရာမ တွေများ counselors များမှ Both Academic skills ရယ် personal qualities များကို highlight ပေးနိုင်မယ့် References.

Important timelines!

Early September ဆိုရင်တော့ Application များဖွင့်ချိန်ပါဗျ။ UCAS Hub မှာစပြီး Register လို့ရပါတယ်။

Oxbridge/Medicine တွေကတော့ October 15 ဆိုပိတ်ပါပြီ လွတ်သွားပါက ဒီနှစ်အတွက်ထပ်လျှောက်လို့မရတော့ပါ

Admissions Test များအတွက်လဲ ပြင်ဆင်ထားသင့်ပါတယ် (BMAT, UCAT, TSA, etc)

Main deadline - Jan 31

Main Deadlin ကျော်သွားရင်လည်း Application များတင်လို့ရပါသေးတယ်။ ဒါပေမယ့် Late Deadline လို့ သတ်မှတ်ခံရပြီး Equal Consideration မရတော့ပါဘူး။ ဆိုလိုတာက အမှတ်တူ၊ အက်ဆေး အရေးအသား ကလည်း သိပ်မကွာကြတဲ့ ကျောင်းသားနှစ်ယောက်ရှိတယ်ဆိုရင် Deadline မှီတဲ့ ကျောင်းသားက ဝင့်ခွင့်ရသွားမှာပါ။ ဒါ့အပြင် Course မှာ Spot ကျန်မှသာ လက်ခံမှာမို့ ဝင်ခွင့်နည်းသွားပါတယ်။

Offers

October to April ဆို Offer လေးတွေစပြီးထွက်ပါပြီဗျ။

ကိုယ်ရတဲ့ Offer ထဲကမှ တက်ချင်တဲ့ Course ကို ဆုံးဖြတ်ဖို့ Decision Deadline ကတော့ Early to Mid-May ပါ။ ဒါပေမယ့်လည်း Offer တိုင်းက ရက်မတူသေးပါဘူး။

ရတဲ့ Offer တွေကိုလက်ခံ Enroll တဲ့အခါ Firm နဲ့ Insurance (၂) ကျောင်း ရွေးရပါတယ်။

Firm Choice က ကိုယ့်ပထမဆုံးရွေးချယ်မှုပါ။ ကိုယ့်အတက်ချင်ဆုံး၊ အကြိုက်ဆုံးဘာသာကို ရွေးရတာပါ။

Insurance Choice ကတော့ Back Up Plan လိုမျိုးပါပဲဗျ ကိုယ်ရွေးထားတဲ့ Firm Choice ရဲ့ Requirement မမိတဲ့ချိန်အတွက် ဒုတိယရွေးထားတဲ့ Offer ပါ။ UK ကျောင်းသားတွေက တက္ကသိုလ်ကို Final Exam မဖြေခင်လျှောက်ကြပြီး၊ Exam Grade လည်း ထွက်ကော တက္ကသိုလ်က သတ်မှတ်တဲ့ Requirement မကိုက်ပဲ ကျောင်းမတတ်ရ ဖြစ်မှာဆိုးလို့ ဝင်ခွင့် ခက်တဲ့ကျောင်းကို Firm ရွေး၊ ဝင်ခွင့်ပိုလွယ်တဲ့ ကျောင်းကို Insurance ရွေး ဆိုတဲ့ စနစ်ဖြစ်လာတာပါ။

ဒီလို ရွေးဖို့ကလဲ Deadline ရှိပါသေးတယ်။ Deadline အတွင်း မရွေးလိုက်ပါက offer များကို ဆုံးရှုံးနိုင်လို့ အရေးကြီးပါတယ်။

Types of Offers

Offer မှာ Conditional နဲ့ Unconditional ဆိုပြီး (၂)မျိုး ရှိပါတယ်။

Conditional Offer ကတော့ Application ထဲမှာ Test Score လေးတွေမ ထည့်ပေးလိုက်ရတာပဲဖြစ်ဖြစ်၊ ကိုယ်လျှောက်နေတဲ့အချိန်မှာ Test scores တွေမရောက်သေးတာ၊ မဖြေရသေးတာပဲဖြစ်ဖြစ်၊ Predicted Scores နဲ့ ကျောင်းလျှောက်သူတွေ ရတဲ့ Offer Letter ပါ။ “Conditional” ဆိုတဲ့ နာမည်နဲ့ အညီ ကျောင်းက Requirement ပြန်တောင်းတာပါ။ Offer Letter က Requirement နဲ့ မကိုက်ရင် ကျောင်းဝင်ခွင့်မရပြန်ပါဘူး။

Example: We will accept you if you achieve IELTS 6.5 or above(No band lower than 6.0)

Unconditional offer ဆိုရင်တော့ ကျောင်းကလက်ခံလိုက်ပါပြီ၊ အတန်းထဲမှာ နေရာရသွားပြီပေါ့။

Unconditional Offer ရဲ့ ကောင်းချက်တွေက Guaranteed Place ရထားတာဆိုတော့ ရှိနေသေးတဲ့ Exam တွေအတွက်မပူရပဲ Uni life ကိုပိုပြင်ဆင်လို့ရပါတယ်။

မကောင်းတဲ့အချက်ကတော့ ဆိုရင် ဒီ Offer ထပ် ပိုကောင်းတဲ့ Major၊ ပိုကောင်းတဲ့ ကျောင်းက Offer တွေရနိုင်သေးတာ မို့ ကိုယ်ကစောစော လက်ခံလိုက်ရင် ပြန်ပြောင်းဖို့ခက်သွားပါတယ်။

Guaranteed Place ဆိုတော့ Unconditional Offer တွေကို သေချာလေး စဉ်းစားပြီးရွေးချယ်စေချင်ပါတယ်ဗျ။ တစ်ချို့ဟာလေးတွေဆိုရင်တော့ DBS (Disclosure and Barring Service) & PVG (Protecting Vulnerable Groups) checks လေးတွေရှိမယ်။ သူတို့ကတော့ ကျောင်းသားရဲ့ Criminal Record၊ အရှုပ်အရှုင်းကင်းလင်းကြောင်း ထောက်ခံစာတွေပါ။ ဒါပေမယ့် ကျောင်းတိုင်းကတော့ တောင်းလေ့မရှိပါဘူး။

Exam Results, Financial Documents, Medical Documents တွေအတွက်လည်း Proof အနေနဲ့ တောင်းလေ့ရှိတာမို့ Deadline အမှီ ပို့ဖို့အတွက် Offer ကိုသေချာလေးဖတ်ဖို့လိုပါတယ်။

UCAS Extra, Clearing နဲ့ Adjustment ဆိုတဲ့ ကျောင်းထပ်လျှောက်ဖို့ အချိန်တွေလည်း ရှိနေပါသေးတယ်။

UCAS Extra ဆိုတာ ကိုယ်စလျှောက်တဲ့ UCAS Course ၅ခုထဲမှ Offer မရသူအတွက်၊ ဒါမဟုတ် ရထားတဲ့ Offer အကုန်လုံးကို မတတ်လိုသူတွေအတွက် လျှောက်ဖို့ အခွင့်အလန်းလေးတစ်ခုပါ။

သူက Original List ထဲကမဟုတ်တဲ့ Course အသစ်တွေကို တစ်ခါလျှောက်တစ်ခု One at a time လျှောက်လို့ရပါတယ်။ Extra မှာ ထပ်ငြင်းခံရရင်လည်း ထပ်လျှောက်လို့ ရပါသေးတယ်။

Clearing ကတော့ Offer မရတဲ့သူများ၊ Offer မှာပါတဲ့ “ဘယ် Grade၊ ဘယ်အမှတ်ရ ရမယ်” ဆိုတဲ့ Conditions မမှီလိုက်တဲ့သူတွေအတွက်ပါ။

ကျောင်းတွေက သူတို့ Course မှာ လူမပြည့်သေးရင် Available Spots လေးတွေတင်ပေးပါတယ်။ အဲ့မှာမှ ကျောင်းကို တိုက်ရိုက်ဆက်သွယ် ပြီး လျှောက်ရမှာပါ။

Adjustment ကတော့ Firm Choice ရဲ့ Condition တွေကိုက်တယ်ဆိုရင် ပိုမြင့်တဲ့ Course ပဲဖြစ်ဖြစ် Trade လုပ်ပြီး လဲချင်တဲ့ သူတွေအတွက်ပါ။

(ဥပမာ - Firm Choice က A Level Grades “AAA” ရဖို့ Requirement ရှိတယ်၊ ကိုယ်က “A*A*A*” ဆိုပြီး အမှတ်ပိုကောင်းနေရင် ပိုခက်တဲ့ Course ထက်လျှောက်လို့ရပါတယ်။)

Original Firm Place ကိုလဲမပေးရပဲနဲ့ Apply ပေးလုပ်ပါတယ်။ Apply လုပ်မယ်ဆိုရင်တော့ မြန်မြန်လုပ်တာကောင်းပါတယ်၊ ရက်အနည်းငယ်ပဲပေးတာမို့ပါ။

ဒါဆိုရင်တော့ ဒီလောက်နဲ့ပဲ UCAS Walkthrough လေး ပြီးမြှောက်ပါပြီ။ ကိုယ်လျှောက်တဲ့ ၅ ကျောင်းလုံး Offer Letter ရပြီး၊ ကိုယ့်ရဲ့ Firm Choice ကိုလည်း အထစ်အငေါ့မရှိ ဝင်ခွင့်ရကြပါစေလို့ ချိတ်အဖွဲ့သားတွေ ဆုတောင်းပေးလိုက်ပါတယ်။ အားလုံး Goodluck! ပါဗျ။

Chate Your Dreams!
ချိတ် - The Hook 

Content Writer - Sai Aung Pyae

Graphic Designer - Kyail Nay La

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

Transfer Scholarships 

ဒီကနေ့မှာတော့ ချိတ်ကနေ US က Community College ဒါမှမဟုတ် University တစ်ခုခုမှာ ကျောင်းတက်ရောက်နေပြီးတော့ 4-year University ကို ကျောင်းလျှောက်၊ ကျောင်းပြောင်းရမယ့် Transfer Students တွေအတွက် Transfer Scholarships အကြောင်း မျှဝေပေးချင်ပါတယ်။

Transfer Students တွေအတွက် Scholarships ကတော့ First-year Students တွေထက် ရဖို့ ပိုခက်ပါတယ်။ ဘာဖြစ်လို့လဲဆိုရင် Freshman တွေနဲ့ ယှဉ်ရင် ကျောင်းအများစုက Transfer တွေအတွက် Scholarships တွေနဲ့ Financial Aid တွေသိပ်ရက်ရက်ရောရော မပေးကြလို့ပါ။ ဒါ့အပြင် International Transfer Students တွေကို Financial Aid လုံးဝ မပေးတဲ့ ကျောင်းတွေလဲ ရှိပါတယ်။ အဲ့ဒီ့အတွက် ကိုယ့်မှာ ကျောင်းတက်ဖို့ Funds လုံလုံလောက်လောက် မရှိရင် အဲ့ကျောင်းကို လျှောက်လို့ မရပါဘူး။

ဒါပေမဲ့ Transfer Scholarships တွေက ရှားလားဆိုတော့လဲ မရှားပါဘူး။ $ 1,000ကနေ $ 5,000 စသဖြင့် ပမာဏနည်းနည်းပဲပေးတဲ့ Scholarships တွေလဲ ရှိသလို၊ Full Ride နီးပါး ရက်ရက်ရောရောပေးတဲ့ scholarships တွေလဲ ရှိပါတယ်။ ဒါကြောင့် ဒီနေ့မှာတော့ ချိတ်ကနေ Transfer Scholarships အမျိုးအစားတွေထဲက နာမည်ကြီးတဲ့၊ သိသင့်တဲ့ အချို့ကို မျှဝေပေးသွားပါမယ်။ Transfer Scholarships တွေမှာ -

* Merit-based Transfer Scholarships
* Honor Society (especially Phi Theta Kappa) Scholarships
* Institutional Transfer Scholarships စသဖြင့် အမျိုးမျိုးရှိပါတယ်။

Merit-based Transfer Scholarships

Merit-based Transfer Scholarships တွေမှာတော့ Public organizations တွေ စသဖြင့် အပြင်က ပေးတဲ့ scholarships နဲ့ College တွေ၊ University တွေက ပေးတဲ့ Scholarships ဆိုပြီး နှစ်မျိုးရှိပါတယ်။ College တွေ၊ University တွေက ပေးတဲ့ Merit-based scholarships ကတော့ ကျောင်းလျှောက်တာနဲ့ အလိုအလျှောက် စဉ်းစားပေးတဲ့ Scholarships တွေပဲ ဖြစ်ပါတယ်။ Merit-based Scholarships တွေအကြောင်း နောက်ထပ်သိချင်ရင်တော့ အောက်က လင့်မှာ ဝင်ရောက်ဖတ်ရှုလို့ ရပါတယ်။

https://www.facebook.com/share/p/1UFxJ86ndD/

Public organizations က ပေးတဲ့ transfer scholarships တွေထဲမှာ မပါမဖြစ်ကတော့ Jack Kent Cooke Undergraduate Transfer Scholarship ပဲဖြစ်ပါတယ်။ JKC scholarship ကတော့ တကယ့်တော်ပေ့ဆိုတဲ့ ကျောင်းသားတွေကိုပဲ ပေးတာဖြစ်တဲ့အတွက် အပြိုင်အဆိုင်များသလို ပေးမယ့်ငွေပမာဏကလဲ စာသင်နှစ်တစ်နှစ်ကို $ 55,000 အထိ အများဆုံး ရနိုင်ပါတယ်။ ဒီ JKC scholarship က tuition fee, books fee စသဖြင့် အကန့်အသတ်မရှိဘဲ ကိုယ်ပေးရမယ့် ပမာဏအားလုံးကို ပေးပေးတာဖြစ်ပါတယ်။ ဆိုလိုတာကတော့ ကိုယ့်ရဲ့ ကျောင်းစရိတ်၊ နေစရိတ် အားလုံးစုစုပေါင်းက $ 60,000 ဆိုပါစို့။ ကိုယ့်ရဲ့ တစ်ခြားအပြင်က ရတဲ့ scholarships တွေ၊ ကျောင်းက ပေးတဲ့ scholarships တွေ အားလုံးပေါင်းက $ 20,000 ဆိုရင် JKC က ကျန်တဲ့ $ 40,000 ကို အကုန် cover ပေးမှာ ဖြစ်ပါတယ်။

ကဲဒါဆိုရင် ဒီလောက်ကောင်းလှတဲ့ scholarship ကို ဘယ်သူတွေလျှောက်လို့ ရလဲ?

* ပထမတစ်ချက်ကတော့ ကိုယ်က community college တစ်ခုခုမှာ ဒုတိယနှစ်ကျောင်းသား ဖြစ်ရပါမယ်။
* ပြီးရင် Four-year university ကို Fall intake အတွက် ကျောင်းလျှောက်မယ့် သူ ဖြစ်ရပါမယ်။
* ကီုယ့်ရဲ့ GPA (Grade Point Average) က 3.5 (on 4.0 scale) အနည်းဆုံးရှိရပါမယ်။
* ကိုယ့်အိမ်ရဲ့ တစ်နှစ်ဝင်ငွေက $ 95,000 ထက် မများတဲ့သူ ဖြစ်ရပါမယ်။
* နောက်ဆုံးတစ်ချက်ကတော့ ကိုယ်က four-year institution ကို တစ်ခါမှ မတက်ဖူးတဲ့ သူ ဖြစ်ရပါမယ်။

အပြိုင်အဆိုင်များတဲ့ scholarship ဖြစ်တဲ့အတွက် ကိုယ့်ရဲ့ extracurriculars တွေ၊ leadership positions တွေ ချပြနိုင်ရပါမယ်။ 

JKC scholarship ကို ဘယ်အချိန်၊ ဘယ်နေရာကနေ လျှောက်ရမှာလဲ။

ဒီနှစ်အတွက် Application ဖွင့်တဲ့ အချိန်ကတော့ Oct 1st, 2025 ဖြစ်ပြီးတော့ Jan 07, 2026 မှာ Application ပိတ်မှာ ဖြစ်ပါတယ်။ လျှောက်ရမဲ့ နေရာကတော့ Common App (for Transfer) ကနေ တစ်ဆင့် လျှောက်ရမှာ ဖြစ်ပါတယ်။

Honor Society (Phi Theta Kappa) Scholarships

နောက် Transfer scholarship တစ်မျိုးကတော့ Honor Society တွေကနေ ပေးတဲ့ scholarships တွေပဲ ဖြစ်ပါတယ်။

ဒီလို scholarships အတွက်ကတော့ ပထမဦးဆုံး ကိုယ်က Honor society တစ်ခုခုရဲ့ အဖွဲ့ဝင်ဖြစ်ရပါမယ်။ Honor society ဆိုတဲ့အတိုင်း ဝင်ချင်တိုင်း ဝင်လို့တော့ မရပါဘူး။ အဖွဲ့ဝင်ဖြစ်ဖို့ အတွက်ဆိုရင် -
* အနည်းဆုံး GPA 3.5 ရှိပြီး College Credits 12 ခု ပြီးထားတဲ့ သူဖြစ်ရပါမယ်။
* ပြီးရင်တော့ ကိုယ့်ရဲ့ Community College က ဆရာ (သို့) Advisor တစ်ယောက်က ကိုယ့်ကို Nominate လုပ်ပေးမှ Honor Society တစ်ခုက ကိုယ့်ကို အဖွဲ့ဝင်ဖြစ်ဖို့ လာဖိတ်မှာ ဖြစ်ပါတယ်။
* ပြီးရင်တော့ Membership Fee ပေးပြီး အဖွဲ့ဝင်ဖြစ်ပါပြီ။

ဥပမာအနေနဲ့ Phi Theta Kappa (PTK) မှာဆိုရင် Competitive Scholarships ဆိုပြီး ရှိပါတယ်။ ဒီ Competitive scholarships ဆိုတဲ့ ခေါင်းစဉ်အောက်မှာ $1,000 - $7,500 အတွင်း ရှိတဲ့ scholarships တွေကို application တစ်ခုထဲနဲ့ လျှောက်လို့ ရတာပဲဖြစ်ပါတယ်။ အဲ့ဒီ့ Competitive scholarships ဆိုတဲ့ ခေါင်းစဉ်အောက်မှာ ပါတဲ့ scholarships အချို့ကတော့ -

* American Medical Student Association Scholarship
* Christopher Calhoun Transfer Scholarship
* Coca-Cola Academic Team
* Coca-Cola World Impact Scholarship
* Adam James Pre-Medical Student Scholarship
* Gordon Graham Leadership & Ethics in Criminal Justice Scholarship
* Guistwhite Scholarship
* Hites Transfer Scholarship အပြင် အခြား scholarships တွေလဲ ပါဝင်ပါသေးတယ်။

ပြီးရင်လဲ သူနဲ့ ပါတနာလုပ်ထားတဲ့ အခြား university တွေကို transfer လျှောက်တဲ့အခါလဲ PTK အဖွဲ့ဝင်အနေနဲ့ ကျောင်းက ပေးတဲ့ scholarship ကိုလဲ ရနိုင်ပါသေးတယ်။

Institutional Transfer Scholarships

ဒီ scholarships တွေကတော့ ကျောင်းတွေက ပေးတဲ့ Transfer scholarships တွေပဲ ဖြစ်ပါတယ်။ ဒါကတော့ ကိုယ့်ဘက်ကနေ ကိုယ်လျှောက်မဲ့ ကျောင်းက ဘာ scholarships တွေ ပေးလဲဆိုတာကို သေသေချာချာ လေ့လာထားဖို့တော့ လိုပါတယ်။

University တွေကနေ ပေးတဲ့ fully-funded scholarships တွေနဲ့ transfer students တွေကို financial aid အပြည့်ထိ ရက်ရက်ရောရောပေးကြတဲ့ ကျောင်းအချို့ကိုလဲ မျှဝေပေးသွားပါမယ်။

financial aid အပြည့်ထိ ရက်ရက်ရောရောပေးတဲ့ ကျောင်းတွေကတော့ အပြိုင်အဆိုင်များပြီး ဂုဏ်သတင်းကြီးမားတဲ့ Ivy League ကျောင်းတွေနဲ့ အချို့သော acceptance rate နည်းတဲ့ ကျောင်းတွေဖြစ်ပါတယ်။ ဒီ financial aid အပြည့်ပေးတဲ့ ကျောင်းတွေရဲ့ ကောင်းတဲ့ အချက်ကတော့ scholarships တွေလိုမျိုး essay တွေရေးရတာမျိုး မဟုတ်ဘဲ ကျောင်းက acceptance ရတာနဲ့ တန်းရမှာ ဖြစ်ပါတယ်။ ဒါပေမဲ့ financial aid အတွက် လိုအပ်တဲ့ CSS နဲ့ FAFSA ဖြည့်ရတာနဲ့ ကျောင်းက တောင်းတဲ့၊ လိုအပ်တဲ့ financial documents တွေကိုတော့ ပို့ပေးရပါမယ်။ financial aid အပြည့်ထိ ပေးတဲ့ ကျောင်းအချို့ကတော့ -

Amherst College
Vanderbilt University
University of Chicago
Stanford University
Yale University
Harvard University
Columbia University
Swarthmore College
Princeton University
Massachusetts Institute of Technology

Transfer students တွေအတွက် fully-funded scholarships ပေးတဲ့ University အချို့ကတော့ -
Boston University (offers full-tuition to students from specific Community Colleges)
University of Maryland (Frederick Douglass Scholarship for students from Maryland Community Colleges)
Belhaven University (Angie Thomas Writers Scholarship)
Georgia Tech (Zell Miller Scholarship for students with in-state tuition fees)

ဒီမှာတော့ Transfer students တွေကို ကျောင်းအလိုက် သီးသန့် fully-funded ပေးတဲ့ scholarships ကတော့ ရှားပါတယ်။ fully-funded ပေးတာ တွေ့ထားပေမဲ့ သူတို့ ပြောထားတဲ့ criteria နဲ့ ကိုယ်နဲ့ မကိုက်တာတွေလဲ ရှိတတ်ပါတယ်။ ဒါကြောင့် ဒီအပေါ်က scholarships တွေကို လျှောက်ချင်တဲ့ အခါမှာလဲ ကျောင်းရဲ့ website မှာ အသေးစိတ် ဖတ်ကြဖို့လဲ အကြံပြုချင်ပါတယ်။

Financial aid တွေ၊ Scholarships တွေ ရက်ရက်ရောရောပေးကြတဲ့ ကျောင်းတွေ အများစုကလဲ နာမည်ကြီးပြီး အပြိုင်အဆိုင်များတဲ့ ကျောင်းတွေ ဖြစ်ကြတဲ့အတွက် ကိုယ့်ဘက်ကနေလဲ academic ပိုင်းသာမက extracurriculars အဖက်ဖက်ကနေ ပြင်ဆင်ထားဖို့လဲ အရေးကြီးပါတယ်။

ကဲ ဒီလောက်ဆိုရင်တော့ Transfer Scholarships တွေအကြောင်း အကြမ်းဖျဉ်းသိရှိပြီးတော့ ကိုယ်လျှောက်ချင်တဲ့ Scholarships အချို့အကြောင်းကိုလဲ သိရှိသွားမယ်လို့ မျှော်လင့်ပါတယ်။ ကျောင်းသားတို့လဲ အခက်အခဲတွေ မှန်သမျှကို ကျော်လွားနိုင်ပြီး ကိုယ်အလိုရှိတဲ့ ပန်းတိုင်ကို ရောက်ရှိအောင် ကြိုးစားအားထုတ်နိုင်ကြပါစေလို့ ချိတ်ကနေလဲ ဆုတောင်းပေးလိုက်ပါတယ်။

Content Writer - Shoon Lai Paing
Graphics - Kyail Nay La
Chate Your Dreams
ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

ဒီကနေ့မှာတော့ ချိတ်ကနေ High School Diploma ရှင်းတမ်းဆိုပြီး series လေးထဲက International သင်ရိုးမဟုတ်တဲ့ မြန်မာကျောင်း အထက်တန်း သင်ရိုးနဲ့ရော ပညာသင်ဆုနဲ့ ကျောင်းဝင်ခွင့် အခြေအနေတွေက ဘယ်လို​ ရှိပါသလဲ  ဆိုတဲ့ မြန်မာတက္ကသိုလ်ဝင်တန်းအပြီး ဘယ်ကျောင်းတွေ သွားလို့၊ တက်လို့ရလဲ ဆိုတဲ့ အကြောင်းလေးကို တင်ဆက်ပေးချင်ပါတယ်။

အခုချိန်လို နိုင်ငံတကာပညာရေးဘက်ကို ကျောင်းသားထု အများအပြား စိတ်မဝင်စားခင်ကတည်းက မြန်မာအစိုးရ ဆယ်တန်း သင်ရိုးကနေ အောင်မြင်ပြီး တခြားနိုင်ငံက တက္ကသိုလ်တွေမှာ ဘွဲ့ကြိုတန်းကို ပညာသင်ဆုနဲ့ သွားရောက်တက်ခဲ့သူတွေ ရှိခဲ့ပါတယ်။ ဒီနေရာမှာ Language School တို့လို၊ Foundation Year တွေလိုမျိုးကို ပြန်တက်ရတာမျိုးက ဆယ်တန်းစနစ်ဟောင်းမှာတုန်းက အများဆုံး ဖြစ်ပါတယ်။ အခုတော့ ၁၂ တန်းသင်ရိုး ဖြစ်သွားပြီမို့ နိုင်ငံတော်တော်များများမှာ သတ်မှတ်တဲ့ “အခြေခံပညာ ၁၃နှစ်” ဆိုတဲ့ Bachelors’ Degree မတက်ခင် General Education လိုအပ်ချက်ကို ပြည့်မှီတယ်လို့ မြန်မာကျောင်း အထက်တန်း သင်ရိုး ကျောင်းသားတွေအတွက် Argue လုပ်ဖို့ ပိုလွယ်သွားစေပါတယ်။ ဆယ့်နှစ်တန်းသင်ရိုးက အခုမှ အစမို့လို့ ခဲသားရောင် ဧရိယာတွေ များစွာရှိနေသေးပေမယ့်လည်း နောက်ကျရင် အရွေ့တခု ဖြစ်လာနိုင်ပါတယ်။

မြန်မာ အစိုးရ သင်ရိုးနဲ့ ထိပ်တန်း တက္ကသိုလ်တွေ ဝင်နိုင်ပါသလား။

အတိုဆုံး အဖြေကတော့ ဝင်နိုင်ပါတယ်။ ဒါပေမယ့် ဘယ်နိုင်ငံက ဘယ်ကျောင်းကို လျှောက်မလဲဆိုတာလည်း အများကြီး မူတည်ပါသေးတယ်။ အရင် ဆယ်တန်းသင်ရိုးနဲ့အောင်မြင်ပြီး အမေရိကားမှာ ရှိတဲ့ ထိပ်တန်းတက္ကသိုလ် တက်နေတဲ့သူတွေကို “ချိတ်” ကနေပြီး ခေါ်ယူပြီး Webinar တွေလုပ်ဖူးသလို Higher Education Circle ထဲမှာလည်း အတိုင်းအတာ တခုထိ ရှိပါတယ်။ ဒါပေမယ့် တခြားသင်ရိုးတွေကနေပြီး အောင်မြင်ခဲ့တဲ့ ကျောင်းသားအရေအတွက်နဲ့ ယှဉ်ရင်တော့ နည်းပါတယ်။

အချို့ထိပ်တန်းကျောင်းတွေမှာတော့ မြန်မာသင်ရိုးနဲ့ ကျောင်းလျှောက်လို့မရဘူးဆိုတာ တိတိပပ ရေးထားတဲ့ ကျောင်းတွေရှိပါတယ်။ ဥပမာအားဖြင့် University of Oxford နဲ့ University of Cambridge တို့ဆိုရင် မြန်မာကျောင်း အထက်တန်းသင်ရိုးကနေ ပြီးလာတဲ့သူတွေကို ကျောင်းဝင်ခွင့်အတွက် လက်မခံဘူးလို့ သူတို့ Website မှာ ရေးထားပါတယ်။ (Source: https://tinyurl.com/czt5ene5, https://tinyurl.com/3rjt7cya) အချို့ တက္ကသိုလ်တွေကတော့ Foundation Year ကနေပြန်ပြီး တက်ရမယ်လို့ ရေးထားပါတယ်။ ဒါအတွက်ဆိုရင် The University of Manchester က အကောင်းဆုံး ဥပမာပါ။ (Source: https://tinyurl.com/42c4h45f)

US က တက္ကသိုလ်တွေအတွက်ကတော့ မြန်မာကျောင်းသင်ရိုးက ပြဿနာမဟုတ်ပါဘူး။ Harvard ကစလို့ MIT ကျောင်းတွေကနေ အစ Community College တွေကနေအဆုံး အမေရိကန် ကျောင်းအကုန်လုံးက Curriculum နဲ့ ပတ်သက်လာရင် အင်မတန် Flexible ဖြစ်တာမို့လို့ ကျောင်း “လျှောက်” ခွင့်ရှိပါတယ်။ ဝင်ခွင့်၊ မဝင်ခွင့်ကတော့ ကျောင်းကကြည့်နေတဲ့ တခြား Experience တွေ အပေါ် အများကြီး မူတည်ပါတယ်။ မြန်မာကျောင်းကနေ တိုက်ရိုက် ကျောင်းလျှောက်ခဲ့ပြီး အခု Rice University မှာတက်နေတဲ့ မယဉ်မင်းသန့်ရဲ့ Experience ကိုတော့ အောက်က YouTube မှာ သွားနားထောင်နိုင်ပါတယ်။ (Source: https://tinyurl.com/c9cbm7hs)

ဒီနှစ်နောက်ပိုင်းမှာ အမေရိကန် ထိပ်တန်းတက္ကသိုလ်တွေကို G10/G12 System နဲ့ ဝင်ခွင့်ရခဲ့သူတွေလဲရှိသလို ဂျပန်၊ ကိုရီးယား၊ စင်ကာပူစတဲ့ နိုင်ငံတွေရဲ့ ထိပ်တန်း တက္ကသိုလ်တွေကိုလည်း Admissions တွေ ရခဲ့ကြတဲ့ မြန်မာကျောင်းသားတွေလည်း ရှိပါတယ်။ ဒါ့အပြင် Asean MOE Scholarship, MEXT Scholarship တို့လို Undergraduate Scholarship တွေကိုပါ ဆွတ်ခူးနိုင်ခဲ့ကြတာပါ။ သေချာတာ တခုကတော့ မြန်မာသင်ရိုးညွှန်းတမ်းကို လုပ်ခဲ့ပေမယ့် ဒီကျောင်းသားတွေဟာ သင်ရိုးပြင်ပ Experience တွေကို သေသေချာချာ ပြနိုင်လို့သာလျှင် ဖြစ်ပါတယ်။

တခြား သင်ရိုးတွေနဲ့ မတူတဲ့ စိန်ခေါ်မှုတွေ

ကျောင်းဝင်ခဲ့သူတွေ ရှိပေမယ့် မြန်မာကျောင်း သင်ရိုးကနေပြီး ကျောင်းလျှောက်ရတဲ့ Experience က ထင်သလောက် မလွယ်ကူလှပါဘူး။ အဓိက ပြဿနာတွေကတော့ -
* Digitized မဖြစ်တာ - မြန်မာ သင်ရိုးရဲ့ အကြီးမာဆုံး စိန်ခေါ်မှု ဖြစ်ပါတယ်။ Transcript, အမှတ်စာရင်း တခုပို့ဖို့အတွက် Centralized Email System မရှိတဲ့အတွက် ကျောင်းလျှောက်တဲ့နေရာမှာ Official Transcript တွေ တင်ဖို့ အခက်အခဲ ကြီးပါတယ်။ ဒါတွေကို ကျောင်းသားတွေ ကျော်လွှားတဲ့ နည်းကတော့ DHL တို့လိုမျိုး အမြန်ချောပို့နဲ့ ပို့တာတွေ၊ ကျောင်းအုပ်တွေရဲ့ အကူအညီနဲ့ သင့်လျော်သလို ဆောင်ရွက်တာမျိုးတွေပါ။
* Curriculum နဲ့ International Education ကြားမှာ ရည်မှန်းချက်ချင်း ကွာတာ - မြန်မာကျောင်းသင်ရိုးရဲ့ အဓိက ရည်ရွယ်ချက်က တက္ကသိုလ်ဝင်တန်း စာမေးပွဲမှာ အမှတ်ကောင်းဖို့ပါ။ ဒါပေမယ့် များသောအားဖြင့် International Edcuation ရဲ့ ရည်ရွယ်ချက်က အမှတ်ကောင်းဖို့ တခုထက် အများကြီးပိုပါတယ်။ သင်ရိုးပြင်ပ လှုပ်ရှားမှုတွေ ကစလို့၊ လိုတဲ့ Standardized Test, English Profiency Test ပေါင်းများစွာက အလယ်၊ Creativity ကို ဦးစားပေးတဲ့ Essay Writing တွေအထိ အားလုံးဟာ မြန်မာသင်ရိုးရဲ့ Objectives တွေ မဟုတ်ခဲ့တော့ Gap ကြီး လှပါတယ်။ ဒါ့အပြင် များသောအားဖြင့် မြန်မာကျောင်းက ဆရာ၊ ဆရာမတွေအနေနဲ့လည်း Recommendation Letter တွေ ရေးပေးနေကြ မဟုတ်တဲ့အတွက် အခက်အခဲတွေ ရှိလာနိုင်ပါတယ်။
* မိမိလျှောက်တဲ့ တက္ကသိုလ်က မြန်မာသင်ရိုးညွှန်းတမ်း အကြောင်းကို သေချာ နားမလည်တာ - မြန်မာသင်ရိုးဟာ တခြား International သင်ရိုးတွေထက်စာရင် Recognized လုပ်ခံရခြင်း နည်းတဲ့အတွက် ဒီသင်ရိုးမှာ သုံးတဲ့ အမှတ်ပေးပုံစံတွေကို ကိုယ်လျှောက်တဲ့ တက္ကသိုလ်သိအောင် သေသေချာချာ ရှင်းပြဖို့လိုပါတယ်။ ဥပမာဆိုရင် US က တက္ကသိုလ်တွေကို အရင်နှစ်တွေ လျှောက်တုန်းက မြန်မာကျောင်းသားတွေ မှားလေ့ရှိတဲ့ အမှားတခုက မိမိရဲ့ တက္ကသိုလ်ဝင်တန်းအမှတ်ကို တိုက်ရိုက်ကြည့်ပြီး US System အတိုင်း GPA တွက်တဲ့ ကိစ္စပါ။ တက္ကသိုလ်ဝင်တန်းမှာ မြန်မာစာ ၇၆ ရတာ Distinction မှန်ပေမယ့် US System မှာဆို ၇၆ မှတ်ဟာ C (GPA Equivalent - 2.0) ပဲ​ရှိတာမို့ ကျောင်းသားဘက်က နာမှာပါ။ ထိုင်းက တက္ကသိုလ်တွေဆိုရင် ဒီပြဿနာကို ဖြေရှင်းဖို့အတွက် Thai University Central Admission System (TCAS) ကနေတဆင့် Standardized လုပ်လေ့ရှိပါတယ်။

ကျောင်းသားတွေအတွက် “ချိတ်”ရဲ့ Suggestion

Content ရဲ့ အစောပိုင်းမှာ ပြောခဲ့သလိုပဲ ကျောင်းသားတယောက်အနေနဲ့ Curriculum တခုကို ရွေးချယ်မလဲဆိုတာ ဘတ်ဂျက်၊ ရည်မှန်းထားတဲ့ နိုင်ငံ၊ ပေးရမယ့် အချိန်တွေနဲ့ တွေ့ရမယ့် အခက်အခဲတွေအားလုံးကို ကြိုပေါင်းပြီး စဉ်းစားသင့်ပါတယ်။ အကြောင်းအမျိုးမျိုးကြောင့် မြန်မာသင်ရိုးကို ရွေးချယ်ခဲ့သူ အနေနဲ့ မြန်မာပြည်က တက္ကသိုလ်တွေကို တက်နိုင်မယ်ဆိုတဲ့ အာမခံချက် ရှိတယ်ဆိုတာ မှန်ပေမယ့် တခြားနိုင်ငံတွေကို လျှောက်မယ်ဆိုရင်တော့ စိန်ခေါ်မှုက တခြားသင်ရိုးကို ရွေးချယ်ခဲ့တဲ့ လူတွေထက် ကြီးပါတယ်။ ဒါ့အပြင် နိုင်ငံတကာ တက္ကသိုလ်တွေမှာ သင်ကြားပုံ၊​ သင်ကြားနည်းတွေနဲ့ တက္ကသိုလ်မတိုင်ခင်မှာ ဖြေရတဲ့ Standardized Test တွေဟာလည်း မြန်မာကျောင်းနဲ့ ကွာတာကြောင့် ကျောင်းသားအနေနဲ့ အခက်အခဲဖြစ်နိုင်ပါတယ်။ ဒီတော့ မြန်မာကျောင်းသင်ရိုးနဲ့ နိုင်ငံတကာ ကျောင်းလျှောက်လို့မရတာ မဟုတ်ဘူးဆိုပေမယ့် မိမိအနေနဲ့ နိုင်ငံခြားမှာ ဘွဲ့ကြိုသွားတက်မှာလို့ ဆုံးဖြတ်ထားရင် စျေးသက်သာတဲ့ O Level/ A Level ကျောင်းမျိုးတွေကို ပိုရွေးချယ်သင့်ကြောင်း စာရေးသူရဲ့ တဦးတည်းအမြင်အရ Suggest လုပ်ပါတယ်။

Chate your dreams

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

OSSD ပြီးနောက် ပညာရေးလမ်းကြောင်းများ 

ဒီကနေ့မှာတော့ ချိတ်ကနေ High School Diploma ရှင်းတမ်းဆိုပြီး series လေးထဲက OSSD နဲ့ ဘယ်နိုင်ငံတွေမှာ ပညာသင်ကြားရလဲ ဆိုတာကို မျှဝေပေးသွားပါမယ်။

 Ontario Secondary School Diploma လို့ခေါ်တဲ့ OSSD ကတော့ ကနေဒါနိုင်ငံ Ontario ပြည်နယ်က ပေးတဲ့ အထက်တန်းပညာရေး တစ်ခုဖြစ်ပါတယ်။ Grade 12 နဲ့ ညီမျှ တဲ့ High School Diploma ဖြစ်တဲ့ အတွက် ကျောင်းလျှောက်တဲ့ အခါမှာ အခြေခံအားဖြင့် တက္ကသိုလ်တိုက်ရိုက်တက်ရောက်နိုင်ပါတယ်။

OSSD + IELTS/Duolingo (English Proficiency) + SAT/ACT လမ်းကြောင်းပြင်ထားမယ်ဆိုရင် Canada, US နဲ့ UK မှာ ရှိတဲ့ ကျောင်းအများစုကို လျှောက်ထားနိုင်ပါတယ်။ တစ်ချို့သော တက္ကသိုလ်တွေရဲ့ Requirements မှာ တော့ တိုက်ရိုက်၀င်ခွင့် မသေချာတာကြောင့် မလျှောက်ခင်မှာ Email ပို့ပြီး စုံစမ်းသင့်ပါတယ်။ Final Grades Average အနေနဲ့ 90 ကျော်ရထားမှသာ Top Universities ကြီးတွေမှာ ယှဉ်နိုင်မှာဖြစ်ပါတယ်။

 OSSD ပြီးထားရင် Ontario ပြည်နယ်မှာ ရှိတဲ့ Canadian Universities တွေကို တိုက်ရိုက်လျှောက်ထားနိုင်ပါတယ်။ Canada University အများစုကတော့ OSSD ကို လက်ခံကြပါတယ်။

ဒီနေရာမှာ သတိပြုရမှာက မြန်မာနိုင်ငံမှာ လက်ရှိဖွင့်ထားတဲ့ OSSD Centre ကျောင်းတွေက Canada မှာရှိတဲ့ ဘယ် Institute က စစ်ဆေးတဲ့ OSSD Diploma ဆိုတာကို ကြည့်ဖို့ လိုပါတယ်။ Institute ကောင်းကောင်းကနေပေးတဲ့ OSSD Diploma နဲ့ မှသာ တခြား ပြည်နယ်တွေက Canadian Universities တွေရော၊ US Colleges နဲ့ နိုင်ငံတကာက တက္ကသိုလ်တစ်ချို့က လက်ခံတာဖြစ်ပါတယ်။

နောက်ထပ် OSSD ကျောင်းသားတွေ အရွေးများတဲ့ နိုင်ငံကတော့ US ပဲဖြစ်ပါတယ်။ OSSD နဲ့ဆိုရင် US မှာရှိတဲ့ Liberal Arts College တွေနဲ့ University တွေကို လျှောက်ထားနိုင်ပါတယ်။ သို့ပေမယ့် High Ranking University ‌ကြီးတွေကို လျှောက်မယ်ဆိုရင်တော့ ကိုယ့်ရဲ့ Application ကို Standout ပိုဖြစ်အောင် SAT နဲ့ AP courses or Additional courses တွေ ယူပြီး Academic Rigor ပိုကောင်းအောင်ပြနိုင်ပါတယ်။

Germany နိုင်ငံမှာဆိုရင် OSSD နဲ့ တိုက်ရိုက်တက်လို့ရတဲ့ University တွေရှိသလို့ မရတာတွေလည်း ရှိတာမလို့ Admission Requirements ကို ကြည့်ပါ။ တိုက်ရိုက်တက္ကသိုလ်တက်လို့မရဘူးဆိုရင် Studienkolleg လို့ခေါ်တဲ့ Pre-college Prep Course ကို တစ်နှစ်ထပ် တက်ကြပါတယ်။

 OSSD နဲ့ ဆေးကျောင်းတက်လို့ ရ မရ။

အဖြေကတော့ “ရပါတယ်”။ OSSD ပြီးထားရင် Poland, UK, Malaysia, Italy, Australia, China စတဲ့နိုင်ငံတွေမှာ ဆေးကျောင်းလျှောက်ထားနိုင်ပါတယ်။ OSSD တစ်မျိုးတည်းနဲ့ ရတာတော့မဟုတ်ဘဲ သက်ဆိုင်ရာနိုင်ငံရဲ့ ဆေးကျောင်း၀င်ခွင့်စာမေးပွဲ ကို ဖြေဆိုရပါတယ်။ UK လျှောက်မှာဆို UCAT-UK, Australia ဆို UCAT-ANZ, Italy ဆို IMAT, Netherlands တို့ဆို BMAT စတဲ့ Medical School Entry Test တစ်မျိုးမျိုးဖြေပြီးမှသာ ၀င်ခွင့်ရမှာပါ။ ဒါပေမဲ့ China ရဲ့ ထိပ်တန်းဆေးကျောင်းအများစုကိုတော့ OSSD + IELTS ရှိထားရင် လျှောက်ထားလို့ရပါတယ်။ မြန်မာကျောင်းသားတွေ အရွေးများတာကတော့ Poland, Italy, Malaysia, China, UK နဲ့ Ireland မှာ ရှိတဲ့ ဆေးကျောင်းတွေ ဖြစ်ပါတယ်။

ဆေးကျောင်း၀င်ခွင့်အတွက်ဆိုရင် Overall 90% ရနေဖို့လိုအပ်ပြီး Biology, Chemistry နဲ့ 4U subjects တွေမှာ အမှတ်ကောင်းတွေ ထိန်းထားဖို့လိုပါတယ်။

 အချုပ်အနေနဲ့ ပြောရရင် OSSD ပြီးထားရင်
Canadian Universities တွေကို တိုက်ရိုက် လျှောက်ထားနိုင်မယ်
OSSD + SAT နဲ့ US Colleges တွေ
UK, EU နဲ့ Asian Universities တစ်ချို့နဲ့
OSSD + Medical School Entry Test + Language Proficiency နဲ့ ဆေးကျောင်းတွေ လျှောက်နိုင်ပါတယ်။

OSSD သည် A Level နဲ့ IB တို့နဲ့ယှဉ်မယ်ဆိုရင် Academic Rigor ပိုင်းမှာယှဉ်လို့မရတဲ့ အတွက် မိမိအနေနဲ့ ထိပ်တန်းကျောင်းကြီးတွေ မှန်းတယ်ဆိုရင် လျှောက်မယ့် တက္ကသိုလ်ကို Email ပို့ပြီး OSSD တစ်မျိုးတည်းနဲ့ လက်ခံသလား။ Foundations လိုသလား၊ တစ်ခြားသော Standardized Test လိုအပ်သလား စတာတွေကို ကြိုပြီး စုံစမ်းသင့်ပါတယ်။

နိုင်ငံတကာ ပညာရေးမှာ Canada ကကျောင်းတွေကို အဓိက ထားပြီး လျှောက်ချင်တဲ့ မြန်မာကျောင်းသားတွေအတွက်တော့ OSSD က အချိန်ကုန် အသက်အသာဆုံးနဲ့ အသင့်လျော်ဆုံး လမ်းကြောင်း ဖြစ်ပါတယ်။

Chate your dreams

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

 IBDP (International Baccalaureates) ပြီးထားရင် ဘယ်လို ပညာရေးလမ်းကြောင်းတွေ ဆက်သွားလို့ရမလဲ

ဒီကနေ့မှာတော့ ချိတ်ကနေ High School Diploma ရှင်းတမ်းဆိုပြီး series လေးထဲက IB နဲ့ ဘယ်လို လမ်းကြောင်းတွေ ရှိလဲ ဆိုတာကို မျှဝေပေးသွားပါမယ်။

 ပထမဆုံးအနေနဲ့ IB Diploma Program က ဘယ်လို အတက်တန်းပညာရေးမျိုးလဲ ဆိုတာကို ရှင်းပြပါမယ်။

International Baccalaureates လို့ခေါ်တဲ့ IBDP ဟာဆိုရင် ၂ နှစ်တက်ရောက်ရတဲ့ High School Curriculum တစ်ခုဖြစ်ပြီး နိုင်ငံတကာ Grade 12 နဲ့ ညီမျှတယ်လို့ ဆိုနိုင်ပါတယ်။ အသက် ၁၆ နှစ်ကနေ ၁၉ နှစ်အရွယ် ကျောင်းသားတွေ တက်နိုင်ပြီး IB Accredited ရထားတဲ့ ကျောင်းတွေမှာသာ သင်ယူလို့ရပါတယ်။ ဘာသာရပ်တွေကတော့ Language and Literature, Foreign Language, Humanities, Sciences, Mathematics, Arts or Elective ဆိုပြီး ၆ ခု ကို Higher Level နဲ့ Standard Level ဆိုပြီး ခွဲယူရတာကြောင့် ဘာသာရပ်အထူးပြုလေ့လာနိုင်သလို ဘာသာရပ်ပေါင်းစုံကို ကျယ်ကျယ်ပြန့်ပြန့် ထိတွေ့မှုရစေပါတယ်။ Core subject တွေဖြစ်တဲ့ Theory of Knowledge (TOK), Extended Essay, နဲ့ CAS (Creativity, Activity, Service) စတာတွေက IB Program ကို ပိုမိုထူးခြားစေတာကြောင့် ကမ္ဘာ့ထိပ်တန်း တက္ကသိုလ်ကြီးတွေက အသိအမှတ်ပြုကြပါတယ်။

International Baccalaureates ပြီးထားရင် ဆက်သွားနိုင်မယ့် ပညာရေးလမ်းကြောင်းများ

IB ပြီးထားတယ်ဆိုရင်တော့ နိုင်ငံတိုင်းက တက္ကသိုလ်အများစု ကို တိုက်ရိုက် လျှောက်ထားနိုင်ပါတယ်။ ဘယ်လို Foundations တန်းမျိုးမှ မလိုဘဲ ၀င်ခွင့်လျှောက်ထားနိုင်ပါတယ်။ နိုင်ငံတကာ အဆင့်မြင့်ပညာ‌ရေးပေးစွမ်းတဲ့ US, UK, Australia , Europe, နဲ့ Canada တို့မှာ IB ကို လက်မခံတဲ့ကျောင်းရှားပါတယ်။

IBDP ပြီးထားရင် ကမ္ဘာတစ်ဝှမ်းက ထိပ်တန်းတက္ကသိုလ်ကြီး‌တွေဖြစ်တဲ့ Harvard , MIT, UCL, Oxbridge, HKU, NUS, University of Melbourne, ETH Zurich စတဲ့ Ranking မြင့် ထိပ်တန်းကျောင်းများမှာ Direct Admission လျှောက်ထားနိုင်ပြီး သက်ဆိုင်ရာကျောင်းရဲ့ Admission Policy အရ Preferential Admission, Advanced Standing နဲ့ ၀င်ခွင့်စစ်ဆေးပါတယ်။ ဆိုလိုတာက Admission မှာ IB နဲ့လျှောက်ရင် early အဆင့်တွေ ကျော်ပြီး ၀င်ခွင့်ကိုစစ်ဆေးပေးပါတယ်။

IB Diploma ကို နိုင်ငံပေါင်း 100 ကျော်မှာရှိတဲ့ Universities ပေါင်း 5000 ကနေပြီး လက်ခံကြပါတယ်။
စစ်တမ်းတွေအရ IB graduates တွေဟာ တခြား High School Curriculum တွေထက် 21% ပိုပြီး ထိပ်တန်းကျောင်းတွေမှာ ၀င်ခွင့်ရကြပါတယ်။

 United Kingdom (UK) 
UK တက္ကသိုလ်တွေက ဘာသာရပ်အထူးပြုလေ့လာတဲ့ In-depth Learning ကို သဘောကျတာကြောင့် IB Higher Level Subjects တွေမှာ Predicted Grades တွေ ကောင်းတယ်ဆိုရင် လျှောက်ထားနိုင်ပါတယ်။ Oxford နဲ့ Cambridge တက္ကသိုလ်ကြီးများအတွက်ဆိုရင် 38-42 Grades ရှိထားသင့်ပြီး အခြားသော Russell Groups Universities ကြီးတွေရဲ့ Specific grades requirements တွေရှိထားရင် လျှောက်ထားနိုင်ပါတယ်။ UK တက္ကသိုလ်တွေက Conditional offer ပေးတာဖြစ်လို့ IB Exam မှာပါ Grades ကောင်းဖို့လိုပါတယ်။

 United States (US) 
American college တွေက Holistic Admission နဲ့ကြည့်ပြီး ကိုယ်ရေးကိုယ်သွေးရော Academic မှာရော ဘက်စုံထူးချွန်တဲ့ ကျောင်းသားတွေကို ရွေးချယ်တာဖြစ်လို့ IB ကျောင်းသားတွေကတော့ US ကျောင်းတွေရဲ့ အကြိုက်ပဲ ဖြစ်ပါတယ်။ Common App မှာဆိုရင်လည်း IB Program အတွက် အလွယ်တကူ လျှောက်ထားနိုင်အောင် လုပ်ပေးထားပြီး IB experience တွေက Supplemental Essay တွေနဲ့ Interview တွေမှာဆို ပိုပြီး Standout ဖြစ်စေပါတယ်။ US colleges အကုန်လုံးက IB ကို လက်ခံပြီး College ပထမနှစ်နဲ့ ဒုတိယနှစ်တွေမှာ Credits ပါ ပေးလို့ အတန်းယူရတာရော Tuition Fee ပါသက်သာစေပါတယ်။ ဆိုလိုတာကတော့ ဥပမာ Econ HL ဘာသာရပ်မှာ Grade 5 အထက်ရတယ်ဆိုရင် Econ အတန်းတွေကို တက္ကသိုလ်ပထမနှစ်မှာ ယူစရာမလိုပါဘူး။

 Canada 
Canada ကလည်း IB Diploma ကိုလက်ခံရုံသာမက Predicted scores ပေါ်မူတည်ပြီး Direct Admit လုပ်တာမျိုး၊ Early Offer ကို တခြားကျောင်းသားးတွေထက် စောပေးတာမျိုးပါရှိပါတယ်။ Introductory coursework တွေကို ကျော်နိုင်ပါတယ်။

 Australia  & New Zealand 
Aussie နဲ့ New Zealand တက္ကသိုလ်တွေကလည်း IB grades ကို ATAR equivalents ကို ပြောင်းပေးပြီး တခြားသော Additional Testing မလိုဘဲ Apply လုပ်နိုင်ပါတယ်။ Foundations နဲ့ Bridging programs တွေ တက်စရာမလိုပဲ တိုက်ရိုက်၀င်ခွင့်လက်ခံပါတယ်။

 Netherlands , Switzerland  and Europe 
ဥရောပ တက္ကသိုလ်တွေအနေနဲ့ English taught Bachelor's program တွေ အကုန်လုံးမှာ IBDP ကို တိုက်ရိုက်လက်ခံပါတယ်။ Law နဲ့ Medicine စတဲ့ အဆင့်မြင့်ပညာရေးတွေကိုပါ IB ပြီးထားရင် Foundation year မလိုဘဲလက်ခံပါတယ်

 IBDP Graduates တွေ အနေနဲ့ စကေားလားရှစ်အခွင့်အရေးတွေလည်း ပိုများပါတယ်။ UK, Australia နဲ့ Canada တက္ကသိုလ်‌တွေမှာဆိုရင် IB ကျောင်းသားတွေကို သီးသန့်ပေးတဲ့ Scholarship တွေရှိပါတယ်။

Example
*HKUST IB Entrance Scholarship
*Uni of Melbourne
*The American University of Paris (AUP)
*University of Sussex (UK)

 အချုပ်အနေနဲ့ ပြောရရင် IB Diploma ပြီးထားတယ် ဆိုရင် တစ်ကမ္ဘာလုံးမှာရှိတဲ့ ထိပ်တန်းတက္ကသိုလ်ကြီးတွေ မှာ ဘယ်လို Foundation မှမလိုပဲ Direct Admission လျှောက်ထားနိုင်ပါတယ်။ IB ရဲ့ ရည်ရွယ်ချက်ကိုက ကျောင်းသား‌တွေကို ဝေဖန်တွေးခေါ်နိုင်စွမ်း၊ သုတေတနလုပ်နိုင်စွမ်း၊ ကျောင်းပြင်ပလှုပ်ရှားမှု နဲ့ နိုင်ငံတကာ အမြင်ကျယ်မှုစတာတွေကို ဦးစားပေးတာဖြစ်တာကြောင့် ဘက်စုံတော်တဲ့ ကျောင်းသားတွေကို မွေးထုတ်ပေးနိုင်လို့ နိုင်ငံတကာ တက္ကသိုလ်ကြီးတွေ အကုန်လုံးနီးပါးက ကြိုက်ကြပါတယ်။ IB Diploma ရှိထားတယ်ဆိုရင် Passport ကိုင်ထားသလို US က Harvard, MIT အစ UK က Oxbridge နဲ့ အာရှက HKU နဲ့ NUS အလယ် ဥရောပ တက္ကသိုလ်တွေ အဆုံးအမျိုးမျိုး ကို လျှောက်ထားနိုင်ပါတယ်။ US က လက်ရှိမှာ မြန်မာကျောင်းသားတွေအတွက် Visa ပိတ်ထားပေမယ့် High Ranking Universities ကြီး‌တွေနဲ့ တခြားသော နိုင်ငံအားလုံးကလည်း IB ကိုလက်ခံတာမလို့ လက်ရှိမှာအကောင်းဆုံး High School Curriculum ပဲဖြစ်ပါတယ်။

Chate your dreams

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

နိုင်ငံခြားကို တက္ကသိုလ်သွားတက်တဲ့ ကျောင်းသားတွေ များလာတာနဲ့ အမျှ မြန်မာကျောင်းသားတွေအနေနဲ့ International Education ကို ကူးပြောင်းလာတဲ့ အရွေ့မှာ ဘယ် High School Curriculum ကို ရွေးရမလဲ ဆိုတာက အဓိက ကျတဲ့ နေရာက ပါ၀င်လို့လာပါတယ်။ ဒါကြောင့် ဒီကနေ့မှာတော့ ချိတ်ကနေ High School Diploma ရှင်းတမ်းဆိုပြီး series လေးနဲ့ ဒီ Curriculum တစ်ခုကို ပြီးလို့ရှိရင် နောက်ထပ်ဘာဆက်လုပ်လို့ရမလဲ၊ ဘယ်နိုင်ငံသွားလို့ရမလဲဆိုတာကို အဓိကထား ဖြေရှင်းပေးမှာပါ။

ဒါဆိုရင် ဒီကနေ့မှာတော့ မြန်မာကျောင်းသားတွေနဲ့ ရင်းနှီးတဲ့ GED အောင်ပြီးရင် ဘာလုပ်လို့ရလဲ ဆိုတဲ့ အကြောင်းလေးကို မျှတေပေးသွားပါမယ်။

General Education Diploma လို့ခေါ်တဲ့ GED ကတော့ Grade 12 နဲ့ညီမျှတဲ့ အထက်တန်းအောင်လက်မှတ်ဖြစ်ပြီး US ကနေ တိုက်ရိုက်ပေးအပ်တဲ့ Diploma ဖြစ်တာမို့လို့ Accredible ဖြစ်တဲ့ လက်မှတ်တစ်ခုလို့ ပြောလို့ရပါတယ်။ Mathematical Reasoning, Reasoning Through Language Arts (RLA), Social Studies နဲ့ Science စတဲ့ ဘာသာရပ်လေးခုကို အဓိကသင်ယူရပြီး သတ်မှတ်ထားတဲ့ Passing Score ရတဲ့အခါ GED Diploma ရနိုင်မှာဖြစ်ပါတယ်။

GED ၏အားသာချက်များ 

GED ဟာ တစ်ခြား High School Curriculum တွေလို Exam ဖြေဆိုဖို့အတွက် ကျောင်းတွေမှာ Enrolled လုပ်ထားဖို့မလိုဘဲ ကျောင်းသားတွေစိတ်ကြိုက် Self-study လုပ်ပြီးဖြေနိုင်သလို၊ သင်တန်းတက်ပြီးမှလည်း ဖြေဆိုနိုင်ပါတယ်။

GED Exam Schedule တွေက Fix မဖြစ်ဘဲ အချိန်မရွေး Booking လုပ်ပြီး ဖြေဆိုလို့ရတာကြောင့် ကျောင်းသားတွေ အဆင်သင့်ဖြစ်မှသာ ဖြေခွင့်ရတာကလည်း GED ရဲ့ အားသာချက်တစ်ခုဖြစ်ပါတယ်။

ဒါ့အပြင် ၆လကနေ ၁နှစ်လောက် အချိန်ပေးရုံနဲ့ GED ကိုပြင်ဆင်ဖို့အတွက် လုံလောက်တာမို့ High School Diploma ကို အမြန်လိုချင်တဲ့ ကျောင်းသားတွေနဲ့ စရိတ်စက အများကြီး မသုံးနိုင်သူတွေအတွက် အတော်လေးအဆင်ပြေတယ်လို့ ပြောလို့ရပါတယ်။
—----------------

GED ဖြေပြီးရင် ဒီအောက်ကနိုင်ငံတွေမှာ ပညာသင်ဆုတွေနဲ့ တက္ကသိုလ်တွေ လျှောက်ထားပြီး တက်ရောက်နိုင်ပါတယ် 

Thailand
ကျွန်တော်တို့အိမ်နီးချင်းနိုင်ငံ ဖြစ်တဲ့ ထိုင်းနိုင်ငံက တက္ကသိုလ်အကုန်နီးပါးကတော့ GED ကို Grade 12 Equivalence အနေနဲ့လက်ခံပေးပါတယ်။ Ranking ကောင်းတဲ့ Public တက္ကသိုလ်ဖြစ်တဲ့ Chulalongkorn University, Mahidol (MUIC), Thammasat University, KMUTT, KMILT စတဲ့ကျောင်းကြီးတွေကစလို့ Private တက္ကသိုလ်တွေဖြစ်တဲ့ Bangkok University, Rangsit University, UTCC ကျောင်းတွေအဆုံး GED နဲ့ ကျောင်းလျှောက်လို့ရနိုင်ပါတယ်။

ဒါပေမယ့် တစ်ခုမှတ်ထားရမှာက GED ဟာ Application Requirement တွေထဲက တစ်ခုဖြစ်ပြီး ကိုယ်သွားချင်တဲ့ Faculty အလိုက် Additional Qualification တွေထပ်ဆောင်းပေးရတာရှိပါတယ်။ ဥပမာဆိုရင် CHULA ISE အတွက် GED အပြင် English Proficiency Score, Math Score (SAT, ACT, IB, AP etc.), Science Score (ACT, IB, AP etc.) တွေကို Admission အတွက်လိုအပ်ပါတယ်။

ဒါပေမယ့်လည်း ကိုယ်က ကိုယ်တက်မယ့်မေဂျာနဲ့ပတ်သက်ပြီး Background Experience တွေနဲ့ Project တွေကောင်းကောင်းလုပ်ထားတယ်ဆိုရင် GED & English Proficiency Test Score နဲ့တင် Admission သာမက Scholarship ပါရနိုင်ပါတယ်။ အရင်နှစ်ကဆို SIIE (KMITL) ကို GED + Portfolio (Without English and SAT Score ) နဲ့တင် 100% စကော်လာရှစ်ရသွားတဲ့သူတွေပါ ရှိပါတယ်။ ကျောင်းသားရဲ့ Portfolio ကောင်းရင်ကောင်းသလို တခြားတက္ကသိုလ်တွေလည်း Scholarship တွေပါပေးလေ့ရှိပါတယ်။

ထိုင်းက တက္ကသိုလ်တွေအတွက်ဆိုရင်တော့ တခြား အချိန်နဲ့ ပိုက်ဆံပိုကုန်တဲ့ High School သင်ရိုးတွေထက်စာရင် လွယ်ကူ လျင်မြန်တဲ့ GED က ရွေးချယ်သင့်တဲ့ အထက်တန်း သင်ရိုးတခုဖြစ်ပါတယ်။

—----------------
 Japan

Japan နိုင်ငံက တက္ကသိုလ်တစ်ချို့ကပဲ GED ကို လက်ခံကြပါတယ်။ ဒီထဲမှာမှ International College of Liberal Arts (iCLA), Kyoto University of Advanced Science (KUAS), Tokyo International University (TIU) နဲ့ Asia Pacific University Ritsumeikan (APU) စတဲ့ Private University တွေက GED ကို Admissions အတွက် လက်ခံကြပါတယ်။

ဒါပေမယ့်လည်း GED တစ်ခုတည်းနဲ့ လျှောက်ထားလို့ရမှာမဟုတ်ဘဲ English Test Score, SAT/ACT, Essay, Recommendation Letter, High School Records တွေပါ တစ်ပါတည်း လျှောက်ပေးရမှာဖြစ်ပါတယ်။ KUAS အတွက်တော့ GED သမားတွေအနေနဲ့ SAT အစား ACT လိုအပ်ပါတယ်။ GED ကိုလက်ခံတဲ့ Japan က Private School ၃ကျောင်း အကြောင်းကို https://www.facebook.com/share/p/1QaAx2UuiM/ မှာ လေ့လာကြည့်နိုင်ပါတယ်။

—----------------
 Malaysia

ထိုင်းနိုင်ငံအပြင် မြန်မာကျောင်းသားတွေ တော်တော်များများ သွားကြတဲ့ နိုင်ငံကတော့ မလေးရှားနိုင်ငံပဲဖြစ်ပါတယ်။ အင်တာနက်ပေါ်မှာလည်း Malaysia Private University တွေကို ကျယ်ကျယ်ပြန့်ပြန့် Promote လုပ်နေကြလို့ မြန်မာကျောင်းသားကျောင်းသူတွေနဲ့လည်း ရင်းနှီးပြီးသားဖြစ်ကြမှာပါ။ ခြုံပြောရမယ်ဆိုရင် မလေးရှားနိုင်ငံက Private University အကုန်လုံးနီးပါး GED ကိုလက်ခံပြီး English Proficiency Test Score နဲ့ လျှောက်လို့ရပါတယ်။

Private University လို့ဆိုပေမယ့်လည်း World Ranking အရကတော့ ဒေသအတွင်းမှာ ကောင်းမွန်တဲ့ အနေအထားမှာ ရှိနေကြတာမို့ ကျောင်းရဲ့ Review, Location, Campus Size, Major, Job Opportunities စတာတွေကို သေချာလေးကြည့်ပြီး ကိုယ်နှစ်သက်ရာကို တက်ရောက်လို့ရပါတယ်။ Scholarship Opportunity အနေနဲ့ကတော့ တစ်ကျောင်းနဲ့ တစ်ကျောင်းမတူနိုင်ပေမယ့် (45%) Tuition Fee Waiver အထိ ပေးလေ့ရှိပါတယ်။ ကျောင်းသားတစ်ယောက်ဆို GED Total Score 600 ဝန်းကျင် တစ်ခုတည်းနဲ့တင် Private University တစ်ခုမှာ Tuition Fee Waiver 15% ရသွားတယ်လို့ သိရပါတယ်။

စိိတ်မကောင်းစွာနဲ့ပဲ Public ကျောင်းတွေကတော့ GED နဲ့မရဘဲ တခြား High School Curriculum တွေကိုသာ လက်ခံပါတယ်။
—----------------
 US

US က Community College ကအစ University တွေအဆုံး GED ကို High School Diploma တွေအနေနဲ့ လက်ခံကြပါတယ်။ အခုလက်ရှိမှာတော့ Admission ရထားလည်း Travel Banned ထားတာကြောင့် US ကကျောင်းတွေအကြောင်းကို အသေးစိတ်မဖော်ပြ‌တော့ပါဘူး။

GED ပြီးထားပြီး US က ထိပ်တန်း IVY League တက်ချင်သူတွေကို Travel မ Ban ခင်က “ချိတ်”က ပေးနေကျ Advice ကတော့ GED ပြီးရင် US မှာ Community College လာတက်ဖို့ပါ။ ဒီ Community College မှာ တက်နေစဉ် နှစ်နှစ်အတွင်း Course Rigor ကောင်းအောင် ယူမယ်၊ Research တွေလုပ်မယ်၊ တခြား စိတ်ဝင်စားရာ Extracurricular တွေကို ဖြစ်ဖြစ်မြောက်မြောက် လုပ်မယ်ဆိုရင် US က ထိပ်တန်းတက္ကသိုလ်တွေကို သေချာပေါက် ဝင်ခွင့်ရအောင် လျှောက်ထားနိုင်ပါတယ်။ MIT, Columbia နဲ့ Cornell တို့လို ကျောင်းမျိုးတွေကို မြန်မာပြည်မှာ GED ပဲပြီးပြီး Community College လမ်းကြောင်းကနေတဆင့် Transfer လုပ်ခဲ့တဲ့သူတွေ အများအပြား ရှိပါတယ်။
—----------------
GED ရဲ့ မရေရာမှု အထွေထွေ

GED ရဲ့ Website မှာကော၊ မြန်မာပြည်က GED သင်တန်းတွေကပါ GED ကို ကမ္ဘာတစ်ဝှမ်းက ကျောင်းတွေ၊ တက္ကသိုလ်တွေက “လက်ခံ”ကြတယ်လို့ ဆိုကြပေမယ့် တကယ်တမ်းတော့ လက်တွေ့မှာ အမှန်မဟုတ်နေပါဘူး။ “လက်ခံ” တယ်ဆိုတာက “ကျောင်းလျှောက်” လို့ရတယ်ဆိုတာသာ ဖြစ်ပြီး “ကျောင်းဝင်ခွင့်” အတွက်တော့ တခြားသင်ရိုးတွေနဲ့ ယှဉ်ရင် အတော့်ကို မသေချာ မရေရာတာပါ။

GED ရဲ့ သဘောကိုက Formal အထက်တန်း ကျောင်းပညာရေးအတွက် ဝေးနေသူတွေအတွက် ကျောင်းပညာရေးဘက်ကို ပြန်ရောက်လာစေဖို့အတွက် ရည်ရွယ်တဲ့ Bridge Curriculum (တနည်းအားဖြင့် “ဖြတ်လမ်း”) ဖြစ်ပါတယ်။ Rule of Thumb အရတော့ ကိုယ်က Ranking မြင့်တဲ့ တက္ကသိုလ်တွေကို ဘွဲ့ကြို အတွက် တိုက်ရိုက် တက်ရောက်ချင်တယ်ဆိုရင် GED ကို (လုံးဝ) မလုပ်သင့်ပါဘူး။ တက္ကသိုလ်တွေရဲ့ Admission Criteria တွေထဲမှာ အရေးကြီးတဲ့ Factor တခုဖြစ်တဲ့ Course Rigor (အထက်တန်းသင်ရိုးရဲ့ ခက်ခဲနက်နဲမှု) မှာ GED ဟာ တခြားသင်ရိုးတွေဖြစ်တဲ့ American Grade 12, IB, IAL တို့လို သင်ရိုးတွေကို မယှဉ်နိုင်ပါဘူး။ ဒါကြောင့်မို့ Admission Officer ဘက်ကနေ ကြည့်မယ်ဆိုရင်လည်း GED ဖြေဆိုထားတဲ့သူက တမူ မထူးမခြားနားဘူးဆိုရင် IB, IAL လုပ်ထားတဲ့ ကျောင်းသားတွေကို ပိုပြီး သဘောကျတယ်ဆိုတာ မထူးဆန်းပါဘူး။

ဒီလိုပြောလိုက်လို့လည်း ကိုယ်က GED ဖြေထားပြီးမို့လို့ World Ranking မြင့်တက္ကသိုလ်တွေကို သွားချင်တဲ့ အိပ်မက်ကို စွန့်လွှတ်လိုက်ဖို့ ပြောချင်တာလည်း မဟုတ်ပြန်ပါဘူး။ ဖြစ်နိုင်ချေရှိတဲ့ အကြံပြုချက်တခုကတော့ ကိုယ့်ရဲ့ course rigour level တွေ ကို တခြား Course Rigor ပိုကောင်းတဲ့ သင်ရိုးတွေနဲ့အညီမြင့်နိုင်သမျှမြင့်အောင် ဆက်ပြင်ပြီးကျောင်းလျှောက်တာပါ။ ဒီမှာ အထင်သာ အမြင်သာဆုံးကတော့ Advanced Placement (AP) ပါ။ AP လို College Level နဲ့ ညှိထားတဲ့ Course တွေကိုဆက်ပြင်ခြင်းအားဖြင့် တက္ကသိုလ် သင်ရိုးတွေကို လိုက်နိုင်တဲ့ ကျောင်းသားတယောက်ဖြစ်ကြောင်း သက်သေပြနိုင်ပါတယ်။ AP အကြောင်းကိုပိုပြီးသိချင်တယ်ဆိုရင်တော့ ဒီမှာ သွားရောက်ဖတ်ရှုနိုင်ပါတယ်။ https://www.facebook.com/share/p/udBJw45gdKnSrcgA/?mibextid=qi2Omg

AP ရဲ့ အားသာချက် နောက်တခုကတော့ GED လက်မခံတဲ့ကျောင်းတွေကိုတောင် AP subject အနည်းဆုံး ၃ ခု (တခါတလေ ၅ ခု လောက်အထိ) လောက် ဖြေထားပြီး အမှတ် “5” ရထားလို့ ဆိုလို့ရှိရင် ကျောင်းလျှောက်လို့ရနိုင်တာပါ။ ကိုယ်ယူမဲ့ AP ဘာသာရပ်ကလည်း ကိုယ်သင်ယူလိုတဲ့ Major နဲ့ သက်ဆိုင်နေမဲ့ ဘာသာရပ်တွေ ဖြစ်နေဖို့လည်း လိုပါသေးတယ်။ ဥပမာအနေနဲ့ University of Oxford မှာဆိုရင် Economics မှာ ဘွဲ့ကြိုတက်ဖို့ ကိုယ်ဖြေထားတဲ့ AP တွေမှာ Microeconomics, Macroeconomics နဲ့ Calculus BC တို့လို Economics နဲ့ သက်ဆိုင်တဲ့ဘာသာရပ်တွေ ပါဖို့လိုပါတယ်။ (စကားချပ် - SAT ကိုလည်း 1480 နဲ့ အထက် လိုပါသေးတယ်။)

ကဲ ဒီလိုဆို နောက်ဆုံးအကြံပေးချင်တာက GED လုပ်ပြီးအဆင်မပြေဘူးပြီး စိတ်ဓာတ်ကျပြီး မကြိုးစားတော့မယ့်အစား ကိုယ့်ရဲ့ Academic စွမ်းရည်တွေကိုပိုသွေးနိုင်မဲ့ သင်ရိုးတွေကိုဆက်ပြင်ပြီး ဆက်လက်လျှောက်လမ်းလို့ရသလို ကိုယ့်မှာ အပေါ်က GED လက်ခံတဲ့နိုင်ငံတွေက တက္ကသိုလ်တွေမှာ ဘွဲ့ကြိုတန်းကို ပျော်ပျော်ပါးပါးသွားလိုက်ပြီး Master’s နဲ့ PhD တွေကို တခြားနိုင်ငံမှာ လည်းတက်လို့ရနိုင်သေးတယ်ဆိုတဲ့အချက်ကို နှလုံးသွင်းထားပြီး ဆက်ကြိုးစားဖို့ပါပဲ။ ဆိုတော့ “ချိတ်”ရဲ့ ကျောင်းသားတွေအတွက် ပြောပြချင်တာက လုပ်စရာရှိတာတွေကို အကောင်းဆုံးနဲ့ Realistic အဖြစ်ဆုံး လုပ်ဖို့ဆိုတာပါပဲ။

More Reference: https://www.facebook.com/share/p/19a6RGUCDM/ 

Chate your dreams

ချိတ် - The Hook

Content Writers - Yoon Ei Ko Ko, Kyaw Zin Tun, Phuu Pwint Thura, Aung Khant Paing

Graphics - Aung Khant Paing

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

ချိတ်’s Top Tips Before Studying Abroad (Focus on the US)

နိုင်ငံခြားမသွားခင် ဘာတွေ ပြင်ဆင်ထားသင့်လဲ။

ဒီအပတ်မှာတော့ ချိတ်ကနေ နိုင်ငံခြားမှာ ပညာသင်ကြားဖို့အတွက် ကြိုတင်ပြင်ဆင်ခဲ့သင့်တဲ့ အချက်တွေနဲ့ ကြိုပြီး သိသင့်တဲ့ အကြောင်းအရာလေးတွေကို မျှဝေပေးချင်ပါတယ်။ အဓိကအားဖြင့် US ကို မလာခင်သိသင့် ပြင်ဆင်ထားသင့်တဲ့ အကြောင်းလေးတွေကို ပြောပြပေးသွားမှာပါ။ 

📌မှတ်ချက် - ယခုမျှဝေပေးသွားမယ့် အချက်တွေကတော့ ယခုလက်ရှိ အမေရိကန်နိုင်ငံမှာ ပညာသင်ကြားနေတဲ့ ချိတ်က Co-Founders တွေ အပါအဝင် members တွေဆီကနေ ကောက်နုတ်ထားတာ ဖြစ်ပါတယ်။ US အကြောင်းကို အဓိကထားပြောထားပင်မယ့်လည်း တခြား general ကျတဲ့ အချက်တွေလည်း ပါဝင်တာကြောင့် နိုင်ငံခြားမှာ ပညာသင်ကြားမည့် လူငယ်တွေအားလုံးအတွက် တစ်ဖက်တစ်လမ်းကနေ အထောက်အကူပြုမယ်လို့ ယုံကြည်ပါတယ်။ 📌

ပထမဦးဆုံးအနေနဲ့ကတော့ 🤔ဘာပစ္စည်းတွေ သယ်သင့်လဲ၊ သယ်လာခဲ့ရမလဲ❓🧳

အရေးအကြီးဆုံးကနေ ပြောရမယ်ဆိုရင်တော့ - 

Passport and Visa ➡️ ဒီနှစ်ခုကတော့ သိကြတဲ့ အတိုင်းမပါမဖြစ်ပါ။ ဒီနှစ်ခု မရှိရင် ကိုယ့်နိုင်ငံကနေတောင် ထွက်လို့လဲ ရမှာ မဟုတ်ပါဘူး။ 😅

Form I-20 ➡️ I-20 ကတော့ ကျောင်းသားတွေ အတွက်ကတော့ အသက်ပါပဲ။ US မရောက်ခင်ကတော့ Student Visa ရဖို့က အရေးအကြီးဆုံးဖြစ်ပင်မယ့် အမှန်မှာတော့ Visa က US ကို ဝင်လာနိုင်ရန် လက်မှတ်တစ်ခု သာသာပါပဲ။ US နိုင်ငံအတွင်းရောက်ပြီဆိုရင်တော့ Form I-20က ကျောင်းသား အဖြစ် သက်သေ proof ဖြစ်ပြီးတော့ ကျောင်းသား status နဲ့ ဘယ်နှစ်နှစ်နေရမလဲ၊ နေနိုင်မလဲဆိုတာကိုလဲ I-20 ကပဲ အဆုံးအဖြတ်ပေးတာပါ။ 

⚠️ဒီသုံးခုကတော့ ကိုယ့်ရဲ့ လွယ်အိတ်ထဲမှာ မဖြစ်မနေ သယ်သွားရပါမယ်။

Form I-20 ကိုလဲ print ထုတ်သွားဖို့ လုံးဝ မမေ့ပါနဲ့။ ဘာဖြစ်လို့လဲဆိုရင် US က immigration ဖြတ်တဲ့အခါ Passport, Visa အပါအဝင် Form I-20 ကိုပါ စစ်လို့ပါ။ ပြီးတော့ Immigration officer တွေနဲ့ တွေ့တဲ့အခါမှာလဲ စိတ်ငြိမ်ငြိမ်ထားပြီး ဖြေပါ။ (ကိုအောင်ခန့်ပိုင်တုန်းကတော့ I20 က Print ထုတ်ထားတဲ့ မပါလို့ Secondary Inspection ဆိုတဲ့ အခန်းဖြူကြီးထဲ ရောက်သွားပါသေးတယ်၊ ဆိုတော့ သူ့လို မဖြစ်ရအောင် သင်ခန်းစာ ယူကြပါ ချိတ်ကလေးတို့။)

အဲ့ဒါအပြင် အရေးကြီးတဲ့ စာရွက်စာတမ်းတွေ Admission Letter, SEVIS Payment Receipt, Transcripts, Test Scores တွေကိုလဲ တစုတစည်းထဲ ထားပါ။ ‼️ဖြစ်နိုင်ရင်တော့ Passport, Form I-20 တို့နဲ့အတူတူ ကိုယ့်ရဲ့ လွယ်အိတ်ထဲမှာ ထည့်ထားသင့်ပါတယ်။‼️အဖြစ်နည်းပင်မယ့် ကိုယ်က လေယာဉ် transit တွေ အများကြီးနဲ့ဆို တစ်ခါတစ်လေ transit လုပ်တဲ့ မြို့တစ်မြို့မှာ ကိုယ့်အိတ်မှ ကွက်ကျန်ခဲ့တာတွေ ဖြစ်တတ်ပါတယ်။ အဲ့တာကြောင့် အရေးကြီးတာတွေကို သတိထားပြီး သယ်ပါ။ ဒီစာရွက်စာတမ်းတွေကိုလဲ ကိုယ့် လွယ်အိတ်၊ လက်ကိုင်အိတ်မှာ ထည့်သွားရင် အကောင်းဆုံးပါပဲ။

⚠️ပြီးတော့ ကိုယ်က US dollar $10,000💵 အထက် သယ်လာခဲ့ရင်လည်း declare လုပ်ရပါမယ်။

❗️နောက်အရေးကြီးတဲ့ အချက်တစ်ချက်ကတော့ ဖြစ်နိုင်ရင် အဲ့စာရွက်စာတမ်းတွေကိုလဲ copyများများ ကူးထားရင်လဲ ကောင်းပါတယ်။❗️

 ယခုလက်ရှိမှာတော့ ကျောင်းတော်တော်များများက international students တွေကို အပြင်သွားရင် ဒီအောက်ပါ စာရွက်စာတမ်းတွေရဲ့ copy တွေကို ကိုယ်နဲ့ မကွာ ယူသွားဖို့လဲ အကြံပေးကြပါတယ်။

Form I-94 (ဒါကတော့ ကိုယ် US ကို ဘယ်နေ့က စရောက်လဲ၊ ထွက်ခွာလဲ ဆိုတာကို မှတ်တမ်းတင်ထားတဲ့ စာရွက်ပါ။ Form I-94 ကို US ရောက်ပြီး ရက်အနည်းငယ်အတွင်း ရပါတယ်။)

Form I-20

Copy of Passport

Copy of Visa

DSO’s contact information (DSO - Designated School Official ကတော့ international students ရဲ့  immigration အချက်အလက်တွေကို အဓိက တာဝန်ယူ ကူညီပေးတဲ့ ကျောင်းက officers တွေပါ။ 

🤔အရေးကြီးတဲ့ စာရွက်စာတမ်းတွေ ပြီးသွားရင်တော့ ကိုယ့်ရဲ့ အသုံးအဆောင်နဲ့ အစားအသောက်ထဲက ဘာတွေ ယူခဲ့သင့်သလဲ❓

အဝတ်အစားအတွက်ကတော့ Burmese suits, formal suits, clothes တွေနဲ့ ပွဲတက် ဝတ်ချင်တာ စသဖြင့် စျေးကြီးတာ မှန်သမျှ ယူခဲ့ရင် အကောင်းဆုံးပါပဲ။ ဒါပင်မယ့် အနွေးထည်တို့ jacket တွေကတော့ US မှာ ဝယ်တာ ပိုကောင်းပါလိမ့်မယ်။ ကိုယ်လာမယ့် အချိန်ကို ကြည့်ပြီးတော့ အနွေးထည် တစ်ထည်၊ နှစ်ထည် ထည့်ခဲ့လဲ ရပါတယ်။ (ကိုအောင်ခန့်ပိုင်ကတော့ Formal Style Pants နဲ့ Suit တွေအတွက် ကိုယ်တိုင်းနဲ့ ချုပ်လို့ရတဲ့ ဗိုလ်ချူပ်စျေးထဲက Liberal ဆိုင်ကို Recommend ပေးပါတယ်တဲ့။)

အစားအသောက်အတွက်ကတော့ ကိုယ်က ကျောင်းက အဆောင်မှာနေမှာ၊ ချက်မစားဖြစ်ဖူးဆိုရင်တော့ ကိုယ်ကြိုက်တာလောက်ပဲ သယ်လာခဲ့လို့ရပါတယ်။ ( ချိတ်ရဲ့ founders တွေကတော့ အဝတ်အစားသာ များများ ယူခဲ့ဖို့ အကြံပေးထားပါတယ်။😅) ပြီးတော့ US မှာကတော့ ဘာပဲဖြစ်ဖြစ်မရှိတာ ရှားသလောက်ပါပဲ။ အကုန်ဝယ်လို့ရပါတယ်။ အမေရိကန် အစားအစာမကြိုက်ရင်လဲ Asian stores တွေမှာ အစားအသောက်တွေ တော်တော်များများ ဝယ်လို့ရပါတယ်။ စျေးကြီးတာပဲ ရှိတာပါ။🥲

ပြီးရင်တော့ ကိုယ်သောက်နေကျ ဆေးတွေ၊ အခြားဆေးတွေ ယူလာခဲ့လို့လဲ ရပါတယ်။ ကိုယ့်ရဲ့ ကျောင်းမှာ health care တွေ ရှိပင်မယ့်လဲ လိုလိုပိုပို ဆောင်ထားတာ အကောင်းဆုံးပါ။ health insurance ဝယ်တဲ့အခါမှာလဲ plan တစ်မျိုးထဲကိုပဲ ကြည့်ပြီး မဝယ်ပဲနဲ့ တစ်ခြား plan တွေကိုပါ လေ့လာပြီးမှ ဝယ်ပါ။

အဲ့ဒါအပြင် အကုန်အကျများတဲ့ အရာတွေ မှန်သမျှ မြန်မာနိုင်ငံမှာ လုပ်ခဲ့ပါ။ ဥပမာအားဖြင့် မျက်မှန် ဒီဂရီ စစ်ခဲ့တာတို့၊ medical checkup တို့၊ သွား🦷 စစ်ခဲ့တာတို့ လုပ်ခဲ့သင့်ပါတယ်။ health insurance ဝယ်တယ်ဆိုပင်မယ့်လဲ များသော အားဖြင့် သွားဆို🦷 သွား၊ မျက်စိဆို 👁️မျက်စိ သပ်သပ်ဆီ ဝယ်ရတာပါ။ ပြီးတော့ မျက်စိတို့၊ သွားတို့ ဆိုတာ တစ်နှစ်မှ တစ်ခါလောက်ပဲ စစ်ရတာဆိုတော့ insurance ထပ်ဝယ်ရင် အကုန်အကျ ပိုများပါတယ်။ မျက်မှန်ဒီဂရီတစ်ခါစမ်းရင်လည်း $100 ကျော်လောက် ကျသင့်တာ ဖြစ်တဲ့ အတွက် ဖြစ်နိုင်ရင် မြန်မာနိုင်ငံမှာ လုပ်သင့်တာတွေ လုပ်ခဲ့တာ အကောင်းဆုံးလို့ ထင်ပါတယ်။ (ကိုအောင်ခန့်ပိုင်ကတော့ သူ့လို မျက်မှန်ခဏခဏ ပျောက်တတ်တဲ့သူဆိုရင် မျက်မှန် သုံး လေး လက်လောက် လုပ်လာဖို့ အကြံပြုပါသတဲ့ရှင်။)

ပြီးရင်လဲ ကျောင်းအတွက် vaccination records အတွက် ဆေးထိုးရမယ့် အရာတွေကိုလဲ မြန်မာပြည်မှာ လုပ်ခဲ့တာ အကောင်းဆုံးပါပဲ။

ဒါ့အပြင် မိမိ ဘာသာ တစ်ယောက်ထဲ နေရတော့မှာ ဖြစ်တဲ့အတွက် လိုအပ်တဲ့ skills တွေကိုလဲ သင်ခဲ့သင့်ပါတယ်။ ဥပမာအားဖြင့် ထမင်း၊ ဟင်း ချက်တာတို့၊ သန့်ရှင်းရေးလုပ်တာတို့။ 

ပြီးရင်လဲ ကိုယ်သင်ချင် လုပ်ချင်တဲ့ အရာတွေကိုလဲ မြန်မာနိုင်ငံမှာ လုပ်ခဲ့သင့်ပါတယ်။ ဥပမာအားဖြင့် ကားမောင်းသင်တာတို့။ ကိုယ်က ကျောင်းအဆောင်မှာ မနေဘူး။ ကိုယ်နေတဲ့ အိမ်နဲ့လဲ ကျောင်းက အလှမ်းဝေးတယ်ဆိုရင်တော့ ကားမောင်းသင်ခဲ့တာကတော့ အကောင်းဆုံးပါ။ ပြီးရင်လဲ တရားစခန်းဝင်တာပဲ ဖြစ်ဖြစ်၊ တရားထိုင်တာကို လေ့ကျင့်တာပဲ ဖြစ်ဖြစ် လုပ်ခဲ့သင့်ပါတယ်။ ရေမြေရပ်ခြားမှာ နေရတဲ့ အခါ မတူညီတဲ့ culture တွေအပြင် ကျောင်းက စာတွေပါ ပိလာတဲ့အခါ ကိုယ့်စိတ်ကို ထိန်းနိုင်အောင်၊ စိတ်ကို ကြံ့ကြံ့ခံနိုင်အောင် တရားထိုင်တာကတော့ အလေ့အကျင့် လုပ်ပေးသင့်ပါတယ်။

🤔US နိုင်ငံထဲ ဝင်လာပြီဆိုရင် ဘာတွေ အရင်လုပ်သင့်လဲ၊ သိထားသင့်လဲ❓

ပထမဆုံး US ကို ခြေချတာနဲ့ လုပ်ရမယ့် အရာကတော့ ကျောင်း (သို့) ကိုယ်ငှားထားတဲ့ နေရာကို သွားတာပါပဲ။ ဒီမှာ အကြံပေးချင်တာကတော့ လေဆိပ်က Taxi တွေကို❌ ဖြစ်နိုင်ရင် ရှောင်ပါ။😅 မိမိရဲ့ အသိ (သို့) ကျောင်းက DSO ဖြစ်ဖြစ် officer တွေနဲ့ဖြစ်ဖြစ် US ကို မလာခင်ကတည်းက လာကြိုပေးနိုင်မလားလို့ အရင်ကြိုမေးထားကြည့်ပါ။ တစ်ကယ်လို့ လာမကြိုနိုင်ရင်တောင် Uber ဖြစ်ဖြစ် ငှားပေးလို့ ရမလားဆိုတာပါ မေးကြည့်ပါ။ 

ပြီးရင် ရောက်တာနဲ့ Bank acc ဖွင့်ပါ။ US မှာက card 💳 ကို အဓိက သုံးတာ ဖြစ်တဲ့ အတွက် ဖြစ်နိုင်ရင် Bank Acc အမြန်ဆုံး ဖွင့်ပြီး debit card လျှောက်ပါ။

‼️ကိုယ့်ရဲ့ student status ကို ထိန်းဖို့ အတွက် immigration laws/rules တွေကို အကုန်လေ့လာပါ။‼️  ဒါတွေကတော့ များသော အားဖြင့် ကျောင်းက orientation မှာ DSO က ပြောပြပါတယ်။ တစ်ခုခု ရှိရင်လဲ သူတို့နဲ့ တိုင်ပင်ပြီးမှ လုပ်တာ အကောင်းဆုံးပါ။ ပြီးရင်လဲ ကျောင်းက advisors တွေ၊ officers တွေ၊ professors တွေကို လိုအပ်ရင် အကူအညီတောင်းလို့လဲရပါတယ်။ သူတို့က အကြံဉာဏ်မပေးနိုင်ရင်တောင် လမ်းပြပေးနိုင်ပါတယ်။ အဓိကကတော့ တစ်ခုခုလိုလာရင် မရှက်မ​ကြောက်နေပဲ မေးဖို့ပါပဲ။

ပြီးရင်လဲ ကျောင်းက အလုပ် (campus job) တွေကို ချက်ချင်းရှာပြီး လျှောက်ထားပါ။ (ဒီမှာက ကိုအောင်ခန့်ပိုင်က ကျောင်းမလာခင်တည်းက Campus Job တွေ ကြိုပြီး လျှောက်ထားသင့်ပါတယ်တဲ့၊ ဘာလို့ဆို Campus Job တော်တော်များများက နွေရာသီမှာ ဖွင့်လို့ပါတဲ့၊ ဒါမှာ Chinatown မှာ မုန့်ဝယ်စားနိုင်မှာပါတဲ့။) သူတို့ application ဖွင့်တုန်းလျှောက်ရတာ ဆိုတော့ နောက်ကျမှ လိုက်ရှာရင် အလုပ်ရဖို့ ခက်ပါတယ်။ ပြီးတော့ SSN (social security number) ရဖို့ အတွက်လဲ ကျောင်းက campus job လုပ်ရမှာ ဖြစ်ပါတယ်။ SSN ကတော့ ကျောင်းသားတွေအနေနဲ့တော့ ကျောင်းပြင်ပမှာ အလုပ်လုပ်ချင်တာတို့ (ဒါက CPT နဲ့ EAD ထပ်လိုပါသေးတယ်)၊ credit card လျှောက်ချင်တာတို့ အတွက်တော့ လိုပါတယ်။ မရှိလဲ ရပင်မယ့် အပြင်မှာ part-time ဖြစ်ဖြစ် တရားဝင်အလုပ်လုပ်ချင်ရင်တော့ SSN ရှိမှ ရပါမယ်။ ပြီးတော့ Bank တွေမှာလည်း acc ဖွင့်ရင် SSN ကို တောင်းကြပါတယ်။ ဒါပင်မယ့် Bank တော်တော်များများ (e.g. Bank of America, Chase, Fifth Third) ကတော့ SSN မရှိလဲ ဖွင့်လို့ရပါတယ်။

Extra Tips: US မှာ ပညာသင်ကြားနေစဉ် ဘာတွေ လုပ်သင့်လဲ၊ လုပ်ရမလဲ

US ကို ရောက်ပြီး အထက်ပါဖော်ပြထားတဲ့ ချက်ချင်းလုပ်သင့်တဲ့ အချက်တွေ လုပ်ပြီးပြီ၊ ပတ်ဝန်းကျင်နဲ့ အခြေတကျဖြစ်ပြီဆိုရင်တော့ ကိုယ့်ရဲ့ future plans တွေအတွက် အစီအစဉ်ချလို့ရပါပြီ။ (ဒီအချက်တွေကတော့ ကြိုပြီး စဉ်းစားထားတာ ကောင်းပင်မယ့် ကိုယ့်အတွက် stress အရမ်းကြီး မပိစေချင်ပါဘူး။ ပြီးတော့ ဒီအချက်တွေကိုလည်း နောက်ပိုင်းကျရင် စဉ်းစားပြီး plan ချလာနိုင်မှာပါ။)

🤔School break ကျောင်းပိတ်တုန်း ဘာတွေလုပ်မလဲ❓

Internships လား။ volunteering ပဲ လုပ်မလား။ ဒါမှမဟုတ် အလုပ်ပဲ လုပ်မလား။ (အမေရိကန်က high school students တွေ၊ college students တွေကတော့ ‌နွေရာသီကျောင်းပိတ်ရက်မှာ အလုပ်လုပ်ဖို့ ကျောင်းမပိတ်ခင်ကတည်းက အလုပ်က ကြိုရှာပြီးပါပြီ။) ဒါကြောင့် ကိုယ်ဘာလုပ်ချင်လဲ ဆိုတာ ကြိုစဉ်းစားပြီး အစီအစဉ်ချထားရင်တော့ အကောင်းဆုံးပါပဲ။

📌ကိုယ်က ကျောင်းပြီးရင် ဘာဖြစ်ချင်တာလဲ၊ ဘယ်မှာ အလုပ်လုပ်ချင်တာလဲ၊ နေချင်တာလဲ ဆိုတာကို သိထားရင် ကောင်းပါတယ်။ 📌

US မှာတော့ ဘွဲ့ရပြီးသွားရင်တော့ OPT (Optional Practical Training) တစ်နှစ်လုပ်လို့ ရပါတယ်။ OPT ကတော့ US မှာ နေပြီး ကိုယ့်မေဂျာနဲ့ သက်ဆိုင်ရာ နယ်ပယ်မှာ အလုပ်လုပ်တာပါ။ ပုံမှန်မေဂျာတွေ ဆိုရင် တစ်နှစ်လုပ်လို့ ရပြီးတော့ STEM majors ဆိုရင်တော့ နှစ်နှစ် ပိုလုပ်လို့ ရတာကြောင့် စုစုပေါင်း သုံးနှစ် နေထိုင်ပြီး အလုပ် လုပ်လို့ ရပါတယ်။ အလုပ်လဲ မလုပ်ဘူး၊ graduate schools လဲ မသွားဘူး ဆိုရင်တော့ international students အနေနဲ့ နှစ်လ အတွင်း ကိုယ့်နိုင်ငံ ပြန်ရပါတယ်။ ဒါကြောင့် ကိုယ်က American dream🇺🇸 ရှိတယ်ဆိုရင်တော့ US မှာ ဘယ်လို status နဲ့ နေလို့ ရလဲ၊ ဘယ်လို immigration လမ်းကြောင်းတွေ ရှိလဲ ဆိုတာကို လေ့လာထားသင့်ပါတယ်။

ဒီလောက်ဆိုရင်တော့ US သို့ နိုင်ငံခြားမှာ ပညာသင်ကြားဖို့အတွက် ဘာတွေ ကြိုတင်ပြင်ဆင်ထားသင့်လဲဆိုတာကို အကြမ်းမျဉ်းသိရှိပြီးပြီလို့ ထင်ပါတယ်။ ကျောင်းသားတို့လဲ US ဖြစ်ဖြစ်၊ ဘယ်နိုင်ငံပဲ ဖြစ်ဖြစ် ကိုယ်ရွေးချယ်ထားတဲ့ နိုင်ငံမှာ ပညာသင်ကြားနိုင်ပြီး မျှော်မှန်းထားတဲ့ ရည်မှန်းချက် ပန်းတိုင်တွေကိုလဲ အရောက်လှမ်းနိုင်ကြပါစေလို့ ချိတ်ကနေ ဆုတောင်းပေးလိုက်ပါတယ်။❣️

Content Writer - Shoon Lai Paing

Graphics - Wine Zin Moe

Chate Your Dreams 🪝

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

Student Visa Application Process and Tips for Visa Interview

ကဲ… အခုဆိုရင် ကျောင်းတွေ အသီးသီးက Acceptance Letters တွေ ရကြပြီးလို့ ကျောင်းရဲ့ Form I-20 ကို စောင့်နေကြပြီ (သို့) ရပြီးကြပြီလို့ ထင်ပါတယ်။ ဒီအဆင့်ရောက်ပြီဆိုရင်တော့ “အမေရိကရဲ့ တက္ကသိုလ်များဆီသို့” လမ်းခရီးက တစ်ဝက်ပဲ ရှိပါသေးတယ်။ ဘာဖြစ်လို့လဲဆိုရင် လမ်းခရီးမှာ ကျော်ဖြတ်ရမယ့် တောင်ကြီးတစ်တောင် ကျန်ပါသေးတယ်။ အဲ့တာကတော့ Visa Application and Interview Process ဖြစ်ပါတယ်။

ဒါကြောင့် ဒီနေ့မှာတော့ ချိတ်-The Hook ကနေ Visa Application Process အကြောင်း အကြမ်းဖျဉ်းပြောပြပေးပြီးတော့ Interview ကို ဘယ်လို ဆရာကျကျ ဖြေရမလဲဆိုတဲ့ Interview ဖြေစဉ်မှာ သိသင့်တဲ့ အချက်လေးတွေနဲ့ Tips လေးတွေကို ဝေမျှသွားပေးပါမယ်။

Visa Application Process

1. Get Accepted by and Get Form I-20 from SEVP-approved school

Visa Application ရဲ့ ပထမဆုံးလုပ်ရမည့် အချက်ကတော့ SEVP (Student and Exchange Visitor Program) က approved ဖြစ်တဲ့ ကျောင်းတစ်ကျောင်းကနေ Acceptance letter ရထားပြီးတော့ Form I-20 ("Certificate of Eligibility for Nonimmigrant Student Status”) ကိုလဲ ရထားရပါမယ်။
ကိုယ့်ရဲ့ ကျောင်းက SEVP-approved ဖြစ်တဲ့ ကျောင်းလား သိချင်ရင်တော့ အောက်က လင့်ကတစ်ဆင့် စစ်ကြည့်လို့ ရပါတယ်။

https://studyinthestates.dhs.gov/school-search

2. Pay the SEVIS Fee

ပြီးရင် SEVIS I-901 fee ကို ပေးရမှာ ဖြစ်ပါတယ်။ SEVIS (Student and Exchange Visitor Information System) ကတော့ အကြမ်းဖျဉ်းအားဖြင့် ကျောင်းသားတွေရဲ့ records တွေကို ထိန်းသိမ်းပေးတဲ့ စနစ်တစ်ခုဖြစ်ပါတယ်။ ကျောင်းသားတွေအတွက် Form I-20 ထုတ်ပေးတဲ့ အခါမှာတို့၊ ကျောင်းတွေ ပြောင်းတဲ့ အခါမှာ SEVIS records ကို သုံးကြပါတယ်။ SEVIS I-901 fee အတွက် F-1 students (Academic students) တွေကတော့ $350 ပေးရပြီး M-1 students (Vocational students) $220 ပေးရပါတယ်။

SEVIS Fee ပေးပြီး သွားရင်တော့ Receipt slip ကို print ထုတ်ထားပါ။ 

3. Complete Form DS-160

အပေါ်က ကျောင်းကိစ္စပြီးရင်တော့ Form DS-160 (Online Nonimmigrant Visa Application)  ကို ဖြည့်ရမှာပါ။ Form DS-160 ကို ဖြည့်ပြီးသွားရင် form ဖြည့်ပြီးကြောင်း confirmation page ကို print ထုတ်ထားပေးရပါမယ်။ 

4. Schedule a Visa Interview

DS-160 ကို ဖြည့်ပြီး သွားရင် interview အတွက် appointment ယူပြီး visa application fee ဖိုး $185 သွင်းရပါမယ်။ Interview ဖြေဖို့ Schedule အရမ်းကျပ်နေတယ်ဆိုရင်၊ ဒါမဟုတ် ရမယ့်ရက်က အရမ်းဝေးနေတယ်ဆိုရင် Website ကို ခဏ ခဏ ဝင်ကြည့်ပြီးတော့ Slot ရနိုင်ပါတယ်၊ အသေအချာတော့ မဟုတ်ပေမယ့် ဖြေခါနီးမှ အချို့လူတွေ Cancel ဖြစ်သွားတာတွေ ရှိနိုင်တာကြောင့်မို့ပါ။


5. Gather required documents and Attend the Visa Interview

နောက်ဆုံးအချက်အနေနဲ့ လိုအပ်တဲ့ စာရွက်စာတမ်းတွေ ယူပြီး Interview ဖြေရမှာ ဖြစ်ပါတယ်။

Interview ဖြေဖို့ လိုတဲ့ စာရွက်စာတမ်းတွေကတော့ -

- DS-160 confirmation page
- Photo ( DS-160 ဖြည့်တုန်းက ပို့ပေးရတဲ့ ပုံပါပဲ။)
- Form I-20
- Passport
- Additional Form
- Appointment letter
- SEVIS slip
- College acceptance letter
- Scholarship grant letter ( Scholarship လက်ခံရရှိထားရင်ပါ။ )
- High School Transcript and Certificate (Original, Notary)
- English Proficiency Test Scores
- Bank statement and transaction (သက်တမ်းခြောက်လထက်မကျော်ရပါဘူး။)
- Business licence of sponsor
- Standardized test scores report
- Recommendation letter (for Master degree applicant)

Things to know about US Interviews

ကဲနောက်ဆုံးအနေနဲ့ အရေးကြီးလှတဲ့ VIsa Interview ဖြေဖို့ အတွက် သိသင့်တဲ့ အချက်လေးတွေ မျှဝေပေးချင်ပါတယ်။

ပထမဆုံးအနေနဲ့ visa officer တွေကလည်း သူတို့အလုပ် သူတို့လုပ်နေတဲ့ သူတွေပါပဲ။ “They are also human beings.” သူတို့မှာလဲ အိမ်က မိန်းမနဲ့ ရန်ဖြစ်လာတဲ့ အခါလည်း ရှိမှာပဲလေ။  ပြီးတော့ တစ်ရက်ကို လူပေါင်း ရာချီမေးပြီး အချိန်တိုတို အတွင်းမှာ visa ပေးသင့်၊ မပေးသင့် ဆုံးဖြတ်ရတာပါ။ အဲ့တာကြောင့် ကိုယ်ကလည်း သူတို့ အလုပ်လွယ်အောင် ကိုယ့်ကို interview မေးတဲ့အခါ visa officer တွေက ‘ဘာကို ရှာနေတာလဲ’ ဆိုတာ သိဖို့ လိုပါတယ်။

အဓိက အားဖြင့် officer တွေ အချက်သုံးချက်ကို ကြည့်ပါတယ်။

(၁) ဒီကျောင်းသားဟာ ကျောင်းအမှန်အကန်တက်မယ့် သူလား။ 

(၂) ကျောင်းသားက ကျောင်းတက်ဖို့ ငွေကြေးတတ်နိုင်လား၊ သို့မဟုတ် မိဘတွေက ထောက်ပံ့ဖို့ ပြည့်ပြည့်စုံစုံရှိရဲ့လား။ 

(၃) ဒီကျောင်းသားဟာ ကျောင်းပြီးရင် အိမ်ပြန်မှာလား ဆိုတဲ့ အချက်သုံးချက်ကို ကြည့်ပြီး ဒီကျောင်းသားက visa ရဖို့ qualify ဖြစ်လား၊ မဖြစ်လား ဆုံးဖြတ်တာပါ။ 

ဒီ အဓိကအချက် သုံးချက်ကို မပြောခင် interview ဘာကြောင့် မေးရတာလဲ၊ interview ရဲ့ သဘော သဘာဝကို မျှဝေပေးချင်ပါတယ်။

အရိုးရှင်းဆုံးသာဓကပြရရင် “interviewer က ကားဘယ်လိုမောင်းလဲ”  ဆိုတဲ့ မေးခွန်းကို မေးတယ် ဆိုကြပါစို့။ “စက်နှိုးပြီး မောင်းပါတယ်” ဒါမှ မဟုတ် “စတီယာတိုင်ကို ထိန်းပြီး ဘက်မှန်ကြည့် မောင်းပါတယ်” စသဖြင့် အမျိုးမျိုးဖြေလို့ရပါတယ်။ အဖြေက မှားလား ဆိုရင် မမှားပါဘူး။ အကုန်မှန်ပါတယ်။  မေးတဲ့ သူကလည်း အဖြေကို သိပြီးသား ဖြစ်ပါလိမ့်မယ်။ ဒါဆိုရင် “ဘာကို သိချင်လို့ ဒီလိုမေးရတာလဲ?” ဆိုရင် interviewee တွေရဲ့ စိတ်ဝင်စားမှု၊ သူတို့ရဲ့ အမြင် အဲ့တာတွေကို လိုချင်လို့ပါ။

အဲ့လိုပဲ visa interview မှာလဲ visa officer က Why US လို့ မေးတဲ့အခါ တစ်ခြားနိုင်ငံတွေနဲ့ ယှဉ်ရင် USရဲ့ အားသာချက်တွေ၊ uniqueဖြစ်တာတွေ၊ ကိုယ်နဲ့ ဘယ်လိုကိုက်ညီလဲ ဆိုတာတွေကို ပြောပြနိုင်ရပါမယ်။ cliche answers တွေ၊ အလွတ်ကျက် ဖြေတာတွေ ရှောင်သင့်ပါတယ်။ လူတိုင်းက interview မှာ ဘာတွေ မေးမလဲဆိုတာ အကုန်သိပြီးသားပါ။ အဲ့လို မေးခွန်းက မှန်းလို့ရတဲ့ဟာတွေ မေးပြီဆိုကတည်းက officer တွေက အဖြေကိုပဲ လိုချင်တာလား၊ ဘာကို သိချင်တာလဲ၊ ဘာကိုရှာနေတာလဲ ဆိုတာ ကိုယ်က သိနေရပါမယ်။

1. Proving that You are a Real Student

(ကျောင်းအမှန်အကန်တက်မယ့်သူ ဖြစ်ကြောင်း ဘယ်လို convinced လုပ်မလဲ??)

Visa Interview မှာ officers တွေ ကျောင်းသားတွေကို ပထမဆုံးမေးကြတာကတော့ Why this school “ဘာလို့ ဒီကျောင်းကို တက်ချင်တာလဲ” ပဲ ဖြစ်ပါတယ်။ ဒီလိုမေးခွန်းအတွက်ကတော့ ကျောင်းရဲ့ unique ဖြစ်တဲ့ အချက်တွေ၊ ကိုယ်က ကျောင်းရဲ့ အကြောင်းဘယ်လောက်သိလဲဆိုတာကို ပြောပြနိုင်ရပါမယ်။

ဒီလိုမေးခွန်းမျိုးကို ဘယ်လိုချဉ်းကပ်ရမလဲဆိုတာကို Temple University ကို သာဓက ပြပြီး ပြောပြပေးချင်ပါတယ်။ Temple University ရဲ့ အထင်ကရဖြစ်တဲ့ အချက်တစ်ချက်ကတော့ R1 research institution ( Research Activities အရမ်းကောင်းတဲ့ ကျောင်း ) တစ်ခု ဖြစ်တာပဲ ဖြစ်ပါတယ်။ အဲ့လို အကြောင်းတွေကို highlight ပြပြီး ကိုယ်နဲ့ ဘယ်လိုကိုက်ညီလဲဆိုတာကို ဆက်စပ်ပြီး ပြောပြပေးနိုင်ရမယ်။

ပြီးရင် ကိုယ်ရဲ့ major နဲ့လဲ ဆက်စပ်ပြောပြပေးသင့်ပါတယ်။ ဥပမာအနေနဲ့ ကိုယ့်မေဂျာက Architecture ဆိုရင် ကျောင်းရဲ့ မြို့ (Philadelphia) က historic city ဖြစ်တဲ့ အတွက် ကိုယ့်မေဂျာ (Architecture) အတွက် hands-on experience ရစေတယ် စသဖြင့် ပြောလို့ရပါတယ်။

နောက်တစ်ချက်က ကိုယ်က scholarship ရထားရင်လဲ ထည့်ပြောသင့်ပါတယ်။ တစ်ခါတစ်လေမှာ officer တွေက I-20 က scholarships information ကို တွေ့ရင်လဲ ဘယ်လိုရတာလဲ စသဖြင့် မေးတက်ပါတယ်။

2. Proving that You have sufficient funds

(ကျောင်းတက်ဖို့ ‌‌ငွေကြေးတက်နိုင်ကြောင်း ဘယ်လို ဖြေရမလဲ??)

ဒုတိယအချက်ဖြစ်တဲ့ fundings  လုံလုံလောက်လောက်ရှိရဲ့လားဆိုတာ ဆန်းစစ်ဖို့ အတွက် မိဘအလုပ်အကိုင် (သို့) Sponsor ရဲ့ အလုပ်အကိုင်ကို မေးကြပါတယ်။

ဒီအချက်ကို ဖြေတဲ့အခါမှာလည်း သတိထားသင့်တာလေးတွေ ဝေမျှပေးချင်ပါတယ်။ ဥပမာအနေဖြင့် ကိုယ့်မိဘက စတိုးဆိုင်တစ်ဆိုင်ပိုင်တယ်  ဆိုပါစို့။ အဲ့တာကို ကိုယ်က “My parents own a grocery store and they can earn 50,000$ annually.” ဆိုရင် သိပ်မထိရောက်တဲ့ အဖြေမျိုးဖြစ်ပြီး officer အနေနဲ့လဲ ယုံဖို့ ခက်ပါလိမ်ံ့မယ်။

ဘာဖြစ်လို့လဲဆိုရင် ကိုယ့်နိုင်ငံက လုပ်ငန်းတွေ အကြောင်းကို officerတွေက တစ်ခါတစ်လေ မသိတာတွေ၊ မရင်းနှီးတာတွေလဲ ရှိတတ်ပါတယ်။ အဲ့တာကြောင့် strong ဖြစ်စေတယ်လို့ ထင်တာလေးတွေ နဲနဲထည့်ပြောသင့်တယ်။

ဉပမာအနေနဲ့ ဆိုင်က လက်လီရော လက်ကားရော ရောင်းတဲ့ဆိုင်၊ ပြီးရင် ဆိုင်ရဲ့ သက်တမ်း ၊ ဝန်းထမ်းအရေအတွက် စသဖြင့် ကိုယ့်လုပ်ငန်းကြီးကြောင်း detailsပြောပြရင် officer တွေကို convince လုပ်နိုင်ပါလိမ့်မယ်။

3. Proving Your ties to Your Country

(ကျောင်းပြီးရင် ပြန်မှာဆိုတဲ့ ရည်ရွယ်ချက်ကို ဘယ်လို ပြောပြမလဲ??)

နောက်ဆုံးနဲ့ အရေးကြီးဆုံးအချက်ကတော့ အိမ်ပြန်မှာ ဆိုတဲ့ after graduation plan  ကို ယုံအောင် ပြောပြရမှာပဲ ဖြစ်ပါတယ်။ ဒီအချက်က အရမ်းအရေးကြီးပါတယ်။ ဘာဖြစ်လို့လဲဆိုတော့ အရင်ထဲက US လို တိုးတက်နေတဲ့ နိုင်ငံမှာ စာသင်ပြီး developing country ကို ပြန်မယ် ဆိုတဲ့ အချက်ကို officer အနေနဲ့ ယုံဖို့ ခက်ပါတယ်။ အခုလို ကာလမှာ ဆိုရင် ပိုတောင် မယုံပါဘူး။ အဲ့တာကြောင့် after graduation plan မှာ home ties တွေ၊ ကိုယ့်ရဲ့ specific goals တွေနဲ့ လူတွေကို ဘယ်လိုအကျိုးပြုမှာတွေ ထည့်သင့်ပါတယ်။ (တစ်ချို့ officer တွေက အဲ့လိုပတ်ဝန်းကျင်ကို အကျိုးပြုတာတွေ ကြိုက်ကြပါတယ်။)

home ties ကတော့ မိဘတွေ ရှိသေးလို့ စောင့်ရှောက်ရမယ်တို့၊ မိဘလုပ်ငန်းကို ဆက်ခံရမှာတို့ ပြောလို့ရပါတယ်။
မတိုးတက်သေးတဲ့ ကိုယ့်နိုင်ငံအတွက် ကိုယ်က တစ်စိတ်တစ်ပိုင်းကနေ ပါဝင်ပြီး ဘယ်လို contribute လုပ်မှာ အဲ့လိုပြောလို့ရပါတယ်။

ပြီးတော့ ကိုယ်က ရှေ့က မေးခွန်းတွေ ဖြေတုန်းမှာလဲ ကိုယ်က အိမ်ပြန်မယ့်သူ၊ ကိုယ့်နိုင်ငံကို အကျိုးပြုချင်တဲ့ သူဆိုတာကို officer တွေ convinced ဖြစ်အောင် ဖြေသင့်ပါတယ်။ အိမ်ပြန်မှာပါ ဆိုပြီး မေးခွန်းတိုင်းကို ဖြေခိုင်းတာ မဟုတ်ဘူးနော်။

ဥပမာအားဖြင့် ကိုယ့်ရဲ့ မေဂျာကို ဘာလို့ စိတ်ဝင်စားလဲ မေးရင် ကိုယ့်ရဲ့ interest အပြင် ကိုယ့်ပတ်ဝန်းကျင်ရဲ့ impact ကိုပါ ပြောပြလို့ရပါတယ်။

 သာဓကအနေနဲ့ Architecture major နဲ့ ဆက်စပ်ပြီး ပြောပြပေးချင်ပါတယ်။ကိုယ့်ရဲ့ societyမှာ အိမ်ကို architect ခေါ်ဆောက်မယ့်အစား ကိုယ့်ဘာသာဆောက်ကြတာ များတဲ့ အတွက် အိမ်ရဲ့ ဟာကွက်တွေ၊ ရေရှည်ပြဿနာတွေ အမြဲကြုံတွေ့ကြတယ်။ အဲ့ဒီ့ ပြဿနာတွေကို ဖြေရှင်းချင်တဲ့ စိတ်က ကိုယ့်ရဲ့ architect ဖြစ်ချင်တဲ့ ရည်မှန်းချက်မှာ တစ်စိတ်တစ်ပိုင်းပါတယ်လို့ ပြောလို့ရပါတယ်။ ဒီအချက်ကို ကြည့်ခြင်းဖြင့် ကိုယ့်ရဲ့ မေဂျာအပေါ် interests ပြနိုင်တဲ့ အပြင် home ties ကိုပါ မသိမသာ ပြောပြပြီးသား ဖြစ်ပါတယ်။

 Tips for Interviews 

Interviewဖြေနေစဉ်မှာ စိတ်မလှုပ်ရှားဖို့ အင်မတန်အရေးကြီးပါတယ်။ ကိုယ့်ဘက်က အချိန်ရော၊ လူရော၊ ငွေရော အကုန်ကျခံပြီး အားထုတ်ခဲ့ပြီးမှ 3 minsပဲရှိတဲ့ interview က ကိုယ့်ဘဝအတွက် အဆုံးအဖြတ်ဆိုတော့ လူတိုင်း anxious ဖြစ်တာ အမှန်ပါပဲ။ ဒါပင်မယ့် တက်နိုင်သလောက် စိတ်ငြိမ်အောင် လုပ်ပြီး ဖြေသင့်ပါတယ်။

Interview မဖြေခင် တရားထိုင်တာတို့၊  ပြီးတော့ Interview အတွက် တန်းစီနေစဉ်မှာလဲ ဘုရားစာ ရွတ်တာတို့ စသဖြင့် ကိုယ့်ကို စိတ်ငြိမ်စေအောင် တစ်ခုခု လုပ်တာ ကောင်းပါတယ်။

ပြီးတော့ interview ဖြေတဲ့အခါ officerကို ကြောက်မနေပဲနဲ့ ကိုယ့်ရဲ့ friend တစ်ယောက်ကို စကားပြောနေသလို သဘောထားပြီး ဖြေသင့်ပါတယ်။ ဒီမှာ ဆိုလိုချင်တာကတော့ officer ကို မကြောက်ပဲ ပေါ့ပေ့ါပါးပါး နဲ့ လေးလေးစားစား ပြောတာ ဖြစ်ပါတယ်။

နောက်တစ်ခု သတိပြုစေချင်တာကတော့ ရိုးသားဖို့ပါ။  DS-160 ကို ဖြည့်တဲ့အခါမှာလဲ တတ်နိုင်သမျှ အမှန်အတိုင်းဖြည့်ဖို့ အကြံပေးချင်ပါတယ်။ ကိုယ့်ဘက်က အထောက်အထား ခိုင်ခိုင်လုံလုံ ပြနိုင်ရင် ကြောက်စရာမလိုပါဘူး။ interview မှာလဲ အမှန်အတိုင်းပဲ အကုန်ဖြေပါ။ officerတွေက လိမ်ရင် လုံးဝမကြိုက်ပါဘူး။ 

visa interview အတွက် ပြင်ဆင်နေတဲ့ အချိန်မှာလည်း YouTube မှာ Argo Visaကို ကြည့်ဖို့ recommend ပေးချင်ပါတယ်။ အဲ့မှာ ex-officer တွေ ပြောပြတဲ့ အချက်တွေက တော်တော်အကျိုးရှိတယ်။

နောက်ဆုံးအချက်အနေနဲ့ကတော့ Interview မေးခွန်းတွေနဲ့ practice များများလုပ်ဖို့ပါပဲ။ အချိန်တိုတိုလေးအတွင်းမှာ ထိထိရောက်ရောက်၊ ယုံကြည်မှု ရှိရှိ ပြောနိုင်ဖို့ဆိုတာ practice လုပ်တဲ့ အပေါ်လဲ မူတည်ပါတယ်။

ကဲ ဒီလောက်ဆိုရင် Visa Application Process နဲ့ Interview အကြောင်းကို တော်တော်လေး သဘောပေါက်ပြီလို့ ထင်ပါတယ်။ ပြီးတော့ ဒီစာလေးက visa interview ဖြေမယ့် သူတွေအတွက် တော်တော်လေး အကျိုးရှိမယ်လို့ ယုံကြည်ပါတယ်။ ကျောင်းသားတို့လဲ Visa Application Process ကနေ Interview အထိ အစစအရာရာ အဆင်ပြေပြီး လိုရာပန်းတိုင်ကို အောင်မြင်အောင် အရောက်လှမ်းနိုင်ကြပါစေလို့ ချိတ်ကနေ ဆုတောင်းပေးလိုက်ပါတယ်။ 

နောက်ထပ်လဲ ချိတ်ကနေ readersလေးတို့ တင်ပေးစေချင်တဲ့ contentလေးတွေ၊ အကြောင်းအရာလေးတွေကို အခါအခွင့် ကြုံရင် ကြုံသလို တင်သွားပေးမှာမို့လို့ သိချင်တဲ့ အကြောင်းလေးတွေ ရှိရင်လဲ အောက်က Google formကနေ တစ်ဆင့် ဖြည့်ပေးလို့ ရပါတယ်။

https://docs.google.com/.../1FAIpQLScZmgBqKfjBkE.../viewform

Content Writer - Shoon Lai Paing

Graphics - Wine Zin Moe

Chate Your Dreams

ချိတ်-The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

 𝐀𝐈𝐒𝐋 𝐇𝐚𝐫𝐫𝐨𝐰 𝐒𝐜𝐡𝐨𝐥𝐚𝐫𝐬𝐡𝐢𝐩 

ဒီတစ်ခေါက်မှာတော့ Chate ကနေ High School Students တွေအတွက် ပြုလုပ်ပေးခဲ့တဲ့ 𝐇𝐢𝐠𝐡 𝐒𝐜𝐡𝐨𝐨𝐥 𝐒𝐜𝐡𝐨𝐥𝐚𝐫𝐬𝐡𝐢𝐩𝐬 𝐖𝐞𝐛𝐢𝐧𝐚𝐫 ထဲမှ 𝐒𝐜𝐡𝐨𝐥𝐚𝐫𝐬𝐡𝐢𝐩 1 ခုကို ပြန်လည် ထုတ်နုတ် ဖော်ပြသွားမှာပဲ ဖြစ်ပါတယ်

အခုပြောပြပေးသွားမယ့် 𝐒𝐜𝐡𝐨𝐥𝐚𝐫𝐬𝐡𝐢𝐩 ကတော့ -

𝐀 𝐋𝐞𝐯𝐞𝐥 တက်ရောက်မယ့် ကျောင်းသားကျောင်းသူတွေအတွက် 𝐘𝟐𝟎𝟐𝟓-𝟐𝟎𝟐𝟕 အတွက် ပညာသင်ဆု ပေးအပ်မယ့် "𝐀𝐈𝐒𝐋 𝐇𝐚𝐫𝐫𝐨𝐰 𝐒𝐜𝐡𝐨𝐥𝐚𝐫𝐬𝐡𝐢𝐩" အကြောင်း 𝐒𝐡𝐚𝐫𝐢𝐧𝐠 လုပ်ပေးသွားမှာပဲ ဖြစ်ပါတယ်။

AISL Harrow Scholarship ဟာ ဆိုရင်တော့ ကမ္ဘာတစ်ဝှမ်းက ထူးချွန်ကျောင်းသားကျောင်းသူတွေအတွက် World Class AISL Harrow School တွေမှာ နှစ်နှစ်တာ A-Level ကို အခမဲ့ တက်ရောက်နိုင်မယ့် အခွင့်အရေးပဲ ဖြစ်ပါတယ် 
ပညာသင်ဆုရရှိတဲ့ ကျောင်းသားကျောင်းသူများ အနေနဲ့လည်း Harrow Branded A-Level ပညာရေး တစ်ခုတည်းမကဘဲ ကျောင်းဘက်က ထောက်ပံ့တဲ့ Educational Excellence for Life and Leadership ကိုပဲ ခံစားခွင့် ရရှိဦးမှာပါ။
AISL Harrow Scholarship စတင်ခဲ့တာ ငါးနှစ်တာ သက်တမ်းရှိပြီလည်း ဖြစ်သလို၊ Year 2025-2027 အတွက်လည်း Scholarship လျှောက်ထားနိုင်ပြီပဲ ဖြစ်ပါတယ် 
AISL Harrow Scholar တွေအနေနဲ့ 2 နှစ်တာ ကာလအတွင်း
Full Payment including
* Tuition
* Boarding
* Examination Fees အစရှိတာတွေ ပါဝင်မှာပဲ ဖြစ်ပါတယ် 
Scholarship အနေနဲ့ Other Expenses တွေဖြစ်တဲ့
* Uniform
* Catering
* Residential
* Day trip fees
* Book & Equipment
* Transport to/from the school & insurance တို့ မပါတဲ့အတွက် Financial Assistance လိုအပ်မှာပဲ ဖြစ်ပါတယ်။
ဒါပေမဲ့ 
AISL Harrow Scholarship လျှောက်ထားသူများ အနေနဲ့ Other Expenses အတွက် လိုအပ်ပါက Bursary or Financial Support Grant လျှောက်ထားနိုင်ဦးမှာပါ 
 𝐀𝐈𝐒𝐋 𝐇𝐚𝐫𝐫𝐨𝐰 𝐒𝐜𝐡𝐨𝐥𝐚𝐫𝐬𝐡𝐢𝐩 𝐘𝐞𝐚𝐫 𝟐𝟎𝟐𝟓-𝟐𝟎𝟐𝟕 အတွက် 𝐎𝐜𝐭𝐨𝐛𝐞𝐫 လ 𝟏𝟏 ရက်နေ့ကနေ 𝐃𝐞𝐜𝐞𝐦𝐛𝐞𝐫 𝟔 ရက်နေ့ အထိပဲလျှောက်ထားနိုင်မှာဆိုတော့ မြန်မြန်လျှောက်ထားဖို့တော့ လိုပါမယ်နော် 
𝐄𝐥𝐢𝐠𝐢𝐛𝐢𝐥𝐢𝐭𝐲 𝐂𝐫𝐢𝐭𝐞𝐫𝐢𝐚 တွေ အနေနဲ့
* 𝐒𝐞𝐩𝐭𝐞𝐦𝐛𝐞𝐫 𝟏,𝟐𝟎𝟎𝟖 ကနေ 𝐀𝐮𝐠𝐮𝐬𝐭 𝟑𝟏,𝟐𝟎𝟎𝟗 အတွင်း မွေးဖွားသူ ဖြစ်ရမယ် 
* 𝐈𝐆𝐂𝐒𝐄/𝐆𝐂𝐒𝐄 𝐒𝐭𝐮𝐝𝐲 ဒါမှမဟုတ် 𝐄𝐪𝐮𝐢𝐯𝐚𝐥𝐞𝐧𝐭 ဖြစ်သည့် ပညာရေးတစ်ခုခုကို 𝐒𝐞𝐩𝐭𝐞𝐦𝐛𝐞𝐫 လ 𝟐𝟎𝟐𝟓 မတိုင်ခင် ပြီးဆုံးထားရမယ်။
* 𝐀𝐜𝐚𝐝𝐞𝐦𝐢𝐜𝐚𝐥𝐥𝐲 𝐎𝐮𝐭𝐬𝐭𝐚𝐧𝐝𝐢𝐧𝐠 ဖြစ်ဖို့ လိုအပ်မယ့် အပြင်၊ 𝐄𝐧𝐠𝐥𝐢𝐬𝐡 𝐒𝐤𝐢𝐥𝐥𝐬 ကျွမ်းကျင်ရမယ် 
* AISL ရဲ့ ကျောင်းတွေထဲမှာမှ ကိုယ်လျှောက်ထားမယ့် ကျောင်းအပေါ် မူတည်ပြီး တောင်းဆိုထားတဲ့ Specific Admission Eligibility တွေနဲ့ ကိုက်ညီမယ် ဆိုရင်တော့ လျှောက်ထားဖို့ရာ အကျုံးဝင်မှာပဲ ဖြစ်ပါတယ် 
 Appi , Bangkok , Beijing, Chongqing, Haikou, Hengqin, Hong Kong, Nanning, Shanghai, Shenzhen အစရှိတဲ့ နေရာတွေက AISL World Class International School တွေမှာ ရွေးချယ်တက်ရောက်နိုင်မှာဆိုတော့ လက်မနှေးသင့်သောနော် 
Application process အနေနဲ့ ဆိုရင်လည်း
* Application Submission
* A Level Assessment Test
* Shortlist for online interview
* Announcement အဆင့်တွေ ပါဝင်မှာပဲ ဖြစ်ပါတယ်။
လျှောက်လွှာတင်ရန် : https://hubs.la/Q02T2thn0
Deadline - December 6th 2024
ဒါဆိုရင်တော့ 𝐀 𝐋𝐞𝐯𝐞𝐥 ဆက်လက်တက်ရောက်ဖို့ ပြင်နေတဲ့ ထူးချွန်ကျောင်းသားကျောင်းသူတွေအတွက် ဒီပညာသင်ဆုက ကိုက်ညီနေရင်တော့ ကြိုးစားကြည့်ဖို့ ပြောပါရစေနော် 

ဒါနဲ့ 𝐖𝐞𝐛𝐢𝐧𝐚𝐫 မတက်လိုက်ရတဲ့သူတွေ အတွက် သတင်းကောင်းလေးလည်း ရှိပါသေးတယ်။

မကြာခင်မှာ ချိတ်-𝐓𝐡𝐞 𝐇𝐨𝐨𝐤 ရဲ့ 𝐘𝐨𝐮𝐭𝐮𝐛𝐞 𝐂𝐡𝐚𝐧𝐧𝐞𝐥 မှာ 𝐖𝐞𝐛𝐢𝐧𝐚𝐫 𝐕𝐢𝐝𝐞𝐨 တွေကို ပြန်လည် တင်ပေးသွားမှာ ဖြစ်တဲ့အတွက် စောင့်မျှော်ကြည့်ရှုပေးကြဖို့ သတင်းကောင်းပါးလိုက်ရပါတယ်ရှင်။

𝐘𝐨𝐮𝐭𝐮𝐛𝐞 𝐂𝐡𝐚𝐧𝐧𝐞𝐥 - @chate_thehook

---

Content Writer: Khine Zin Thwe

Graphic Designer: Kyail Nay La

Chate Your Dreams

ချိတ် - The Hook

𝐀𝐒𝐄𝐀𝐍 𝐌𝐎𝐄 𝐒𝐜𝐡𝐨𝐥𝐚𝐫𝐬𝐡𝐢𝐩

ဒီတစ်ခေါက်မှာတော့ Chate ကနေ High School Students တွေအတွက် ပြုလုပ်ပေးခဲ့တဲ့ 𝐇𝐢𝐠𝐡 𝐒𝐜𝐡𝐨𝐨𝐥 𝐒𝐜𝐡𝐨𝐥𝐚𝐫𝐬𝐡𝐢𝐩𝐬 𝐖𝐞𝐛𝐢𝐧𝐚𝐫 ထဲမှ 𝐒𝐜𝐡𝐨𝐥𝐚𝐫𝐬𝐡𝐢𝐩 နောက် 1 ခုကို ပြန်လည် ထုတ်နုတ် ဖော်ပြသွားမှာပဲ ဖြစ်ပါတယ်

အခုပြောပြပေးသွားမယ့် 𝐒𝐜𝐡𝐨𝐥𝐚𝐫𝐬𝐡𝐢𝐩 ကတော့ -

𝐒𝐞𝐜𝐨𝐧𝐝𝐚𝐫𝐲 𝟑 ကနေ 𝐏𝐫𝐞 𝐔𝐧𝐢𝐯𝐞𝐫𝐬𝐢𝐭𝐲 𝟐 အထိ လေးနှစ်တာ ပေးအပ်တဲ့ 𝐀𝐒𝐄𝐀𝐍 𝐌𝐎𝐄 𝐒𝐜𝐡𝐨𝐥𝐚𝐫𝐬𝐡𝐢𝐩 အစရှိတဲ့ အထက်တန်း ပညာသင်ဆုတွေကို ထူးချွန် ကျောင်းသားကျောင်းသူတွေ အတွက် 𝐒𝐡𝐚𝐫𝐢𝐧𝐠 လုပ်ပေးသွားမှာပဲ ဖြစ်ပါတယ်။

ASEAN Scholarship ဟာ ဆိုရင်တော့ Ministry of Education Singapore ကနေ မြန်မာနိုင်ငံက ကျောင်းသားကျောင်းသူများအတွက် Secondary 3 ကနေ Pre University 2 အထိ ပညာသင်စရိတ်ထောက်ပံ့ပေးတဲ့ program တစ်ခုပဲ ဖြစ်ပါတယ်

ဒီ ပညာသင်ဆုကိုတော့ Singapore နိုင်ငံရှိ MOE ဘက်မှ ထောက်ပံ့ပေးထားတဲ့ institution တွေမှာ Secondary 3 ကနေ စတင်တက်ရောက်လိုသူတွေ အတွက် အဓိက ရည်ရွယ်ထားပါတယ်။

လျှောက်ထားလိုတဲ့ ထူးချွန်ကျောင်းသားကျောင်းသူများ အနေနဲ့ 2025 အတွက် လျှောက်ထားမယ်ဆိုရင်တော့ 𝐀𝐩𝐫𝐢𝐥 𝟏𝐬𝐭 မှာ 𝐀𝐩𝐩𝐥𝐢𝐜𝐚𝐭𝐢𝐨𝐧 𝐟𝐨𝐫𝐦 စတင်တော့မှာမို့ ပြင်ဆင်ထားတော့ဖို့ လိုအပ်ပါမယ်နော်

𝐄𝐥𝐢𝐠𝐢𝐛𝐢𝐥𝐢𝐭𝐲 𝐂𝐫𝐢𝐭𝐞𝐫𝐢𝐚 တွေ အနေနဲ့

* 𝐉𝐚𝐧 𝟐𝐧𝐝,𝟐𝟎𝟎𝟗 ကနေ 𝐉𝐚𝐧 𝟏𝐬𝐭,𝟐𝟎𝟏𝟐 အတွင်း မွေးဖွားသူ ဖြစ်ရမယ်

* 𝐄𝐧𝐠𝐥𝐢𝐬𝐡 𝐬𝐤𝐢𝐥𝐥𝐬 ကောင်းမွန်ပြီး၊ ကျောင်းတွင်းစာမေးပွဲတွေမှာလည်း အရည်အချင်း ပြည့်မှီသူဖြစ်ရမယ်။

* 𝐆𝐫𝐚𝐝𝐞 𝟗 အောင်မြင်ပြီးဆုံးထားသူ (ဒါမှမဟုတ်) 𝐆𝐫𝐚𝐝𝐞 𝟗/𝟏𝟎 𝐄𝐧𝐠𝐥𝐢𝐬𝐡 ကို ဘာသာရပ်အနေနဲ့ လေ့လာထားပြီးသူ ဖြစ်ရမည်။

* International School မှ ကျောင်းသားကျောင်းသူများ အနေနဲ့လည်း 𝐒𝐞𝐜𝐨𝐧𝐝𝐚𝐫𝐲 𝟐 ပြီးဆုံးထားရမှာပဲ ဖြစ်ပါတယ်

ပညာသင်ဆု ထောက်ပံ့ပေးမယ့် ကာလကတော့- 𝟒 𝐲𝐞𝐚𝐫𝐬 ဖြစ်ပြီး 𝐒𝐞𝐜𝐨𝐧𝐝𝐚𝐫𝐲 𝟑 ကနေ 𝐏𝐫𝐞-𝐔𝐧𝐢𝐯𝐞𝐫𝐬𝐢𝐭𝐲 𝟐 အထိ ဖြစ်ပါတယ်

𝐒𝐜𝐡𝐨𝐥𝐚𝐫𝐬𝐡𝐢𝐩 ရရှိမယ့် လေးနှစ်တာကာလ အတွင်း 𝐌𝐎𝐄 ဘက်မှ -

* Annual Allowance with hostel accommodation

* Settling-in allowance

* Return Economy Airfare

* School fees

* Examination fees for GCE O-lvl & A-Level (Only once)

* Provided Medical Benefits & Insurance အစရှိတာတွေကို စရိတ်ငြိမ်း ထောက်ပံ့ပေးသွားမှာပဲ ဖြစ်ပါတယ်

Scholarship ရရှိတဲ့ ကျောင်းသားကျောင်းသူများအနေနဲ့ Singapore MOE ဘက်က ချမှတ်ပေးတဲ့ ကျောင်းတွေမှာ တက်ရောက်ရမှာ ဖြစ်ပြီး၊ သတ်မှတ်ထားသော အဆောင်တွေမှာ နေထိုင်ခွင့် ရရှိမှာပါ

လာမယ့် 2025 အတွက် ASEAN Scholarship ကိုတော့ April လ 1 ရက်နေ့ကနေ May လ 30 ရက်နေ့ 2025 အထိပဲ လျှောက်ထားနိုင်မှာမို့ ကြိုတင်ပြင်ဆင်ထားဖို့ လိုအပ်နေပါပြီနော်။

Application stage အောင်မြင်သွားသူများ အနေနဲ့ Selection Tests တွေ တက်ရောက်ဖို့ Mail ကနေ တစ်ဆင့် အကြောင်းကြားသွားမှာ ဖြစ်ပြီး၊ in-person ဖြေဆိုရမှာ ဖြစ်သလို၊ laptop, computer ကို ဖြေဆိုဖို့အတွက် စီစဉ်ပေးထားမှာပါ။

Selection Test Shortlisted ထွက်ပြီးတဲ့အခါမှာ Interview အတွက် ထပ်မံပြင်ဆင်ရမှာ ဖြစ်ပြီး၊ Sep 2025 ဝန်းကျင်မှာ Scholarship ရရှိသူများကို ကြေညာပေးသွားမှာ ဖြစ်ပါတယ်

https://www.moe.gov.sg/.../awar.../asean-scholarship/myanmar

Secondary ကျောင်းသားကျောင်းသူများအတွက် လျှောက်ထားသင့်တဲ့ scholarship ဖြစ်တာမို့ လိုအပ်တာတွေ ပြင်ဆင်ပြီး လျှောက်ထားဖို့ သတင်းကောင်းပါးလိုက်ရပါတယ်။

နောက်များမှာလည်း အခုလို ပညာသင်ဆု အခွင့်အလမ်းတွေကို sharing လုပ်ပေးသွားဖို့ Chate-The Hook Facebook page ကို စောင့်မျှော်ကြည့်ရှုပေးဖို့ မမေ့ကြနဲ့ဦးနော်

ဒါနဲ့ 𝐖𝐞𝐛𝐢𝐧𝐚𝐫 မတက်လိုက်ရတဲ့သူတွေ အတွက် သတင်းကောင်းလေးလည်း ရှိပါသေးတယ်။

မကြာခင်မှာ ချိတ်-𝐓𝐡𝐞 𝐇𝐨𝐨𝐤 ရဲ့ 𝐘𝐨𝐮𝐭𝐮𝐛𝐞 𝐂𝐡𝐚𝐧𝐧𝐞𝐥 မှာ 𝐖𝐞𝐛𝐢𝐧𝐚𝐫 𝐕𝐢𝐝𝐞𝐨 တွေကို ပြန်လည် တင်ပေးသွားမှာ ဖြစ်တဲ့အတွက် စောင့်မျှော်ကြည့်ရှုပေးကြဖို့ သတင်းကောင်းပါးလိုက်ရပါတယ်ရှင်။

𝐘𝐨𝐮𝐭𝐮𝐛𝐞 𝐂𝐡𝐚𝐧𝐧𝐞𝐥 - @chate_thehook

---

Content Writer: Khine Zin Thwe

Graphic Designer: Kyail Nay La

Chate Your Dreams

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

GPA နည်းရင် ဘာလုပ်ကြမလဲ

အမေရိကန် တက္ကသိုလ်တွေဟာ ကျောင်းသား လက်ခံကြတဲ့အခါ holistic admission လို့ခေါ်တဲ့ “ဘက်စုံ သုံးသပ် လက်ခံ” တဲ့ စနစ်ကို ကျင့်သုံးကြပါတယ်။ ဒါ့ကြောင့်ပဲ ကျောင်းတွေဟာ ကျောင်းလျှောက်သူတွေရဲ့ academic ကော non-academic factor တွေကိုပါ အဖက်ဖက်က ကြည့်ပြီးမှ လက်ခံကြတာပါ။ Holistic admission ကြောင့် ကျောင်းလျှောက်ဖို့ပြင်ဆင်ရတာ ပင်ပန်းနိုင်ပေမယ့် ဒီစနစ်ရဲ့ ကောင်းချက်ကတော့ factor တစ်ခု လိုနေလဲ အခြား factor တွေက ဖြည့်စည်းနိုင်လို့ပါ။

ဒီနေ့ ချိတ်က ပြောသွားမှာကတော့ ကျောင်းလျှောက်ရာမှာ အရေးအကြီးဆုံး factor တစ်ခုဖြစ်တဲ့ GPA အကြောင်းပဲ ဖြစ်ပါတယ်။ 

GPA ဆိုတာ ဘာလဲနဲ့ ဘယ်လောက်အရေးကြီးသလဲ?

GPA ဆိုတာကတော့ ကျောင်းသား တစ်ယောက်ရဲ့ ပျှမ်းမျှ အမှတ် “Grade Point Average” ကိုဆိုလိုပါတယ်။ US ကျောင်းတော်တော်များက 4-point scale လို့ခေါ်တဲ့ 0-4.0 အတွင်းပေးတဲ့ စနစ်ကို ကျင့်သုံးကြပါတယ်။ 1-100 scale တွေ၊ 5-point scale တွေ၊ letter grade တွေဖြစ်တဲ့ F-A* scale တွေလည်း အများကြီး ရှိပါသေးတယ်။ 

အထက်တန်းကျောင်းမှာ ဘယ် GPA စနစ်သုံးသုံး၊ တက္ကသိုလ်တွေကတော့ ကြည့်ရလွယ်တဲ့ 4-point scale ကို admission officer တွေက ပြောင်းကြပါတယ်။ ဒါဆို academically strong ဖြစ်တဲ့ ကျောင်းသားတစ်ယောက်ရဲ့ GPA က 3.8 နဲ့ အထက်မှာ ရှိနေမှာပါ။

တက္ကသိုလ် တော်တော်များများက GPA ကို “very important” လို့ သက်မှတ်ကြပါတယ်။ ဘာကြောင့်ဆို သူတို့က တက္ကသိုလ်စာတွေကို လိုက်နိုင်မယ့်၊ တက္ကသိုလ်မှာ အောင်မြင်မယ့် လူတွေကို လိုချင်လို့ပါ။

(သတိပေးချင်တာက ကိုယ့်ရဲ့ GPA ကို ကိုယ်တိုင် convert မလုပ်ပါနဲ့။ Admission officer တွေက ဘယ် GPA scale တွေ့ရင် ဘယ်လို ပြောင်းရမယ်ဆိုတဲ့ guide line တွေရှိပါတယ်။ ကိုယ်တိုင် convert လိုက်ရင် ရသင့်တာထက် နည်းနေတတ်လို့ပါ)

ဒါဆို GPA မကောင်းရင်ရော?

1️⃣ ခက်တဲ့ ဘာသာတွေ ယူကြမယ်

ကျောင်းသားတစ်ယောက်ရဲ့ အထက်တန်း သင်ရိုး ဘယ်လောက်ခက်လဲ ဆိုတဲ့ “course rigor” က အရေးကြီးပါတယ်။ Rigor မြင့်လေလေ အမှတ်မြင့်ဖို့၊ A ရဖို့ ခက်လေလေ ဖြစ်တဲ့ အတွက်ကြောင့်ပါ။

ဥပမာပေးရရင်- ကျောင်းသား 1 က ခက်တဲ့ဘာသာတစ်ခုဖြစ်တဲ့ Physics မှာ B ရတယ် ဆိုကြပါစို့။ ကျောင်းသား 2 ကတော့ လွယ်တဲ့ဘာသာ ဖြစ်တဲ့ ICT  မှာ A ရတယ်။ ဒီကျောင်းသား နှစ်ယောက်ကို ယှဉ်ကြတဲ့ အခါ Physics မှာ B ရလို့ GPA နိမ့်တယ်လို့ ယူဆလို့မရပါဘူး။ ဘာလို့လဲဆို သူက rigor မြင့်တဲ့ ဘာသာယူထားလို့ပါ။

2️⃣ အဆင့်ကောင်းကောင်း ရကြမယ်

ကိုယ့်ရဲ့ GPA က 3.6 လောက်ဖြစ်နေလဲ ကိုယ်က ကျောင်းမှာ အဆင့်ကောင်းရင် GPA နိမ့်တယ်လို့ သက်မှတ်လို့မရပြန်ပါဘူး။

3️⃣ Standardized Test Score ကောင်းအောင် ဖြေကြမယ်

SAT၊ ACT စာမေးပွဲတွေဟာ “standardized” ဆိုတဲ့ အတိုင်း ကျောင်းသားတွေရဲ့ academic စွမ်းရည်ကို ရည်တူရည်မျှ ဖော်ပြတဲ့ စာမေးပွဲတွေဖြစ်ပါတယ်။  ဒီ စာမေးပွဲတွေမှာ အမှတ် ကောင်းကောင်း ရရင် GPA နိမ့်နေရင်တောင် “ကျောင်းသားက စာရတယ်” လို့ ပြနေပါပြီ။

4️⃣ Extracurricular တွေ လုပ်ကြမယ်

ချိတ်ရဲ့ အရင်က article တွေမှာ extracurricular တွေ အကြောင်း အကျယ်တဝင့် ပြောပြပြီး ပါပြီ။ US universities တွေက ကျောင်းတွင်းကော ကျောင်းပြင်ပမှာပါ အောင်မြင်သူတွေကို လိုလားတဲ့ အတွက် EC တွေ များများလုပ်ရပါမယ်။ ပြီးတော့ EC လုပ်တယ် ဆိုကထဲက စာလုပ်တဲ့ အချိန်က ရော့သွားမှာ ဖြစ်တဲ့အတွက် GPA လည်း ကျနိုင်တယ်လို့ ယူဆနိုင်လို့ပါ။

 ပြင်ပ အတန်းတွေ တက်ကြမယ်

ဒါကတော့ မြန်မာကျောင်းသား အများစုနဲ့ သိပ်မဆိုင်ပါဘူး။ အမေရိကန် အထက်တန်း ကျောင်းသားတွေက ကျောင်းသင်ရိုး အပြင် AP စာမေးပွဲတွေ ဖြေကြပါတယ်။ AP စာမေးပွဲက rigor လည်းမြင့်၊ အမှတ်လည်း ကောင်းတယ်ဆိုရင် GPA မြင့်လာမှာပါ။

ဒါ့အပြင် အထက်တန်းကျောင်း တက်နေရင်းမှာပဲ community college class တွေ တက်ကြတဲ့ ကျောင်းသားတွေလည်း ရှိပါတယ်။ ဒါကို dual enrollment (DE) လို့ ခေါ်ပါတယ်။ DE ဘာသာ ယူတဲ့အခါမှာလည်း college-level ခက်တဲ့စာတွေ လုပ်ရတဲ့ အတွက် GPA ကောင်းပါတယ်။

5️⃣ကိုယ်ရဲ့ personal quality တွေ ပြမယ်

ကျောင်းမှာ အမှတ်ကောင်းဖို့ စာလုပ်တယ်ဆိုပေမယ့် ကျောင်းသားတိုင်းက စာကြီးပဲ နေ့တိုင်း ညတိုင်း လုပ်နိုင်မယ့် အခြေအနေမှာ မရှိပါဘူး။ 

ကိုယ်က Internet ကောင်းကောင်းမရတဲ့ နေရာမှာ နေရင်ကော? ကျောင်းတစ်ဖက် အလုပ်တစ်ဖက် အိမ်ကို ထောက်ပံ့ နေရရင်ကော? ကိုယ်က နေမကောင်းဖြစ် (သို့) ကိုယ့် မိသားစုဝင်က နေမကောင်းဖြစ်လို့ ပြုစုနေရင်ကော? ဒီလို extenuating circumstances တွေများစွာရှိလို့ ကျောင်းစာကို သိပ်ဂရု မစိုက်နိုင်ဘူးဆိုတာ တက္ကသိုလ်တွေက နားလည်ပါတယ်။ 

ဒါ့ကြောင့် ကျောင်းသားက ကိုယ့်ရဲ့ အခက်အခဲတွေနဲ့ ဘယ်လို ရင်ဆိုင်ကျော်လွှားတယ် ဆိုတဲ့quality တွေကို admission officer တွေ သိအောင် ပြရပါတော့မယ်။ Personal statement နဲ့ essay တွေမှာ ရေးရမှာပါ။

နောက်ဆုံးကတော့ တက္ကသိုလ်တွေဟာ ကျောင်းလျှောက်တဲ့ သူတွေရဲ့ background ကို ကြည့်ပြီးတော့မှာ ဆုံးဖြတ်တာပါ။ ဆိုလိုရင်းကတော့ မြန်မာကျောင်းသားတွေကို background ကွာလှတဲ့ အမေရိကန် ကျောင်းသားတွေနဲ့ ယှဉ်ပြီး “GPA နိမ့်တယ်၊ AP, DE မလုပ်ဘူး၊ SAT မကောင်းဘူး” ဆိုပြီး reject မှာ မဟုတ်ပါဘူး။ ကိုယ်နဲ့ background တူတဲ့ လူတွေနဲ့ ယှဉ်မှာပါ။

ဒါ့ကြောင့် background ကို ပြနိုင်ဖို့ အရမ်း အရေးကြီးပါတယ်။

ဒါဆိုရင်၊ ချိတ်ရဲ့ စာဖတ်သူတွေလည်း GPA အကြောင်းတွေ သိသွားပြီ ထင်ပါတယ်။ GPA မကောင်းလို့ အိပ်မရတဲ့ ညတွေ ဝေးပါစေ။

Chate your dreams.

ချိတ် - The Hook

Content Writer - Phuu Pwint Thura

Graphic Designer - Cho Thar Nwe

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

𝐘𝐨𝐮𝐫 𝐅𝐮𝐭𝐮𝐫𝐞, 𝐘𝐨𝐮𝐫 𝐒𝐭𝐨𝐫𝐲: 𝐍𝐚𝐯𝐢𝐠𝐚𝐭𝐢𝐧𝐠 𝐭𝐡𝐞 𝟐𝟎𝟐𝟒 𝐂𝐨𝐥𝐥𝐞𝐠𝐞 𝐀𝐝𝐦𝐢𝐬𝐬𝐢𝐨𝐧𝐬 𝐋𝐚𝐧𝐝𝐬𝐜𝐚𝐩𝐞

Content Writer - Kyaw Myo Naing

Graphics Designer - Kyail Nay La

Chate Your Dreams

ချိတ်- The Hook

➥ 𝟏. 𝐒𝐜𝐡𝐨𝐨𝐥𝐬 𝐓𝐮𝐫𝐧𝐢𝐧𝐠 𝐍𝐞𝐞𝐝 𝐁𝐥𝐢𝐧𝐝 𝐀𝐝𝐦𝐢𝐬𝐬𝐢𝐨𝐧

အချို့သော College များက Need Blind Admission များကို ကျင့်သုံးဖို့အတွက် ကတိပြုလာကြပါတယ်။ ဒီလိုပြောင်းလဲလာခြင်းက ကျောင်းသားတစ်ယောက်ရဲ့ ငွေပေးနိုင်စွမ်းက သူတို့ရဲ့ ဝင်ခွင့်နှင့် လျှောက်လွာများကို သက်ရောက်မှုမရှိဘဲ တက်ရောက်ခွင့် အခွင့်အလမ်းများကို ပိုမိုတိုးလာနိုင်တယ်ဆိုတာ သေချာလာစေပါတယ်။
2024 ခုနှစ်မှာတော့ 𝗪𝗮𝘀𝗵𝗶𝗻𝗴𝘁𝗼𝗻 𝗮𝗻𝗱 𝗟𝗲𝗲 𝗨𝗻𝗶𝘃𝗲𝗿𝘀𝗶𝘁𝘆, 𝗨𝗻𝗶𝘃𝗲𝗿𝘀𝗶𝘁𝘆 𝗼𝗳 𝗡𝗼𝘁𝗿𝗲 𝗗𝗮𝗺𝗲, 𝗕𝗿𝗼𝘄𝗻 𝗨𝗻𝗶𝘃𝗲𝗿𝘀𝗶𝘁𝘆 တို့က Need Blind Admission ကို International students တွေအတွက် စတင်ကျင့်သုံးလာကြတာပဲ ဖြစ်ပါတယ်။

အခုဆိုရင် Need Blind Admission for both U.S. and international students တွေအတွက် ကျောင်းပေါင်း ၁၂ ကျောင်း ရှိလာပြီ ဖြစ်ပါတယ်။ ထိုကျောင်းများကတော့ -

Amherst College
Bowdoin College
Brown University
Dartmouth College
Georgetown University
Harvard University
Massachusetts Institute of Technology (MIT)
Princeton University
University of Notre Dame
Washington and Lee University
Yale University တို့ပဲ ဖြစ်ပါတယ်။ 

➥ 𝟐. 𝐍𝐞𝐞𝐝-𝐚𝐰𝐚𝐫𝐞 𝐬𝐜𝐡𝐨𝐨𝐥𝐬 𝐭𝐡𝐚𝐭 𝐦𝐞𝐞𝐭 𝐧𝐞𝐞𝐝𝐬 𝐨𝐟 𝐚𝐝𝐦𝐢𝐭𝐭𝐞𝐝 𝐬𝐭𝐮𝐝𝐞𝐧𝐭𝐬

Need-aware ကျောင်းတွေဖြစ်သော်လည်း ဝင်ခွင့်ရရင် ကျောင်းသား၏ လိုအပ်ချက်ပေါ် မူတည်ပြီး အပြည့်ပေးလေ့ရှိတဲ့ ကျောင်းတွေကိုလဲ ဖော်ပြလိုက်ရပါတယ်။

Bates College
Barnard College
Berea College
Brandeis University
Bryn Mawr College
Bucknell University
California Institute of Technology
Carleton College
Claremont McKenna College
Clark University
Colgate University
Colby College
College of Wooster
Columbia University
Cornell University
Davidson College
Emory University
Franklin & Marshall College
Georgetown University
Gettysburg College
Grinnell College
Lafayette College
Macalester College
Mt. Holyoke College
Northwestern University
Occidental College
Oberlin College
Pitzer College
Pomona College
Reed College
Rice University
Smith College
Stanford University
St John’s College
Swarthmore College
Trinity College
Tufts University
Union College
University of Chicago
University of Rochester
University of Pennsylvania
University of Wisconsin - Madison
Vanderbilt University
Vassar College
Washington University in St. Louis
Wellesley College
Wesleyan University
Williams College တို့ပဲ ဖြစ်ပါတယ်။

    

➥ 𝟔. 𝐄𝐚𝐫𝐥𝐲 𝐃𝐞𝐜𝐢𝐬𝐢𝐨𝐧 𝐚𝐧𝐝 𝐄𝐚𝐫𝐥𝐲 𝐀𝐜𝐭𝐢𝐨𝐧 𝐓𝐫𝐞𝐧𝐝𝐬

Early Decision (ED) နှင့် Early Action (EA) တွေကို လျှောက်ထားသူများက အရင်ကထက် ပိုမိုတိုးလာပြီးတော့ ကျောင်းသားတွေက ပြိုင်ဆိုင်မှုများတဲ့ တက်ရောက်ခွင့်ကို ရရှိဖို့အတွက် ကြိုးစားအားထုတ်လာတာကိုလဲ တွေ့ရပါတယ်။

2024 မှာဆိုရင်ဖြင့် တစ်ချို့သော ကောလိပ်များက ED နှင့် EA လျှောက်ထားသူဦးရေ တိုးပွားလာသောကြောင့် အစောပိုင်း ဝင်ခွင့်လက်ခံမှုနှုန်းကို အရင်ကထက် ပိုမိုလျော့ချလာတယ်လို့ ဖော်ပြလာကြပါတယ်။

လာမယ့်နှစ် 2025 အတွင်းမှာလဲ ကျောင်းသားတွေအနေနဲ့ အစောပိုင်းဝင်ခွင့် လျှောက်ထားခြင်းများကို ပိုမိုခိုင်မာအောင် လုပ်ဖို့ လိုအပ်ပြီးတော့ အစောပိုင်း ဝင်ခွင့် လျှောက်ထားခြင်းရဲ့ အကျိုးရလာဒ်များကိုလဲ စဉ်းစားသင့်ပါတယ်။

➥ 7. 𝐀𝐢 𝐚𝐧𝐝 𝐭𝐡𝐞 𝐀𝐩𝐩𝐥𝐢𝐜𝐚𝐭𝐢𝐨𝐧 𝐏𝐫𝐨𝐜𝐞𝐬𝐬

Artificial Intelligence (AI) လို့ခေါ်တဲ့ ဉာဏ်ရည်တု နည်းပညာများဖြစ်သည့် ChatGPT, Gemini, Claude စသည့် website များကို သုံးခြင်းဖြင့် လျှောက်ထားခြင်းက တက္ကသိုလ်များနှင့် ကောလိပ်များက ကျောင်းသားတွေအပေါ် Autnenticity ရှိမရှိ မေးခွန်းများက ဆက်တိုက် ထွက်ပေါ်လာပါတယ်။

ကျောင်းသားတွေ ရေးသားထားသည့် Essay များသည် Ai tool များဖြင့် ရေးသားထားခြင်းမဟုတ်ဘဲ မိမိတို့ကိုယ်ပိုင်ဉာဏ်ဖြင့် ရေးထားခြင်းကို စစ်ဆေးသည့် Tools များကိုလဲ တက္ကသိုလ်များနှင့် ကောလိပ်များက အသုံးပြုလာကြပါတယ်။

ဉပမာ - Turnitin သည် 2025 အတွက် upgrade များ ပြုလုပ်ထားပြီး အရင်ကလို Ai Generate စာသားများတင်သာမက Paraphrasing Tool (Quillbot) စသည်ဖြင့် Paraphrase လုပ်ထားသည်ကိုပါ စစ်ဆေးနိုင်သည့် update တစ်ခုကိုပါ စတင်ကြေငြာပြီးတော့ အသုံးပြုနိုင်နေပါပြီ။

ကောလိပ်နှင့် တက္ကသိုလ်များက ကျောင်းသားတွေကို မိမိ၏ တမူထူးခြားလှသည့် အရည်အချင်းများ နှင့် ကိုယ်ပိုင်ဇာတ်လမ်းတွေကို ပြသနိုင်ဖို့ကို အားပေးထားပြီး AI သုံးခြင်းကိုလဲ တားမြစ်ထားပါသည်။

Disclaimer - AI ကို Essay ရေးသားရာတွင်သာ အသုံးပြုလို့မရနိုင်သော်လည်း Brainstorming လုပ်ခိုင်းခြင်း၊ Grammar Check ခိုင်းခြင်းနှင့် Proofreading များ လုပ်ခိုင်းရာတွင်လည်း အသုံးပြုနိုင်ပါသည်။

AI တွေကို Proofreading လုပ်ခိုင်းခြင်းသည် ကောင်းသော်လည်း သူတို့သည် အမှားကိုပဲ ရှာရန် ရေးဆွဲထားသည်ဖြစ်သည့်အတွက် ဘယ်တော့မှ အကောင်းဆုံးကို ပြောမည် မဟုတ်တာကို သတိထားစေ လိုပါသည်။

➥ 8. 𝐆𝐫𝐨𝐰𝐢𝐧𝐠 𝐏𝐨𝐩𝐮𝐥𝐚𝐫𝐢𝐭𝐲 𝐨𝐟 𝐀𝐥𝐭𝐞𝐫𝐧𝐚𝐭𝐢𝐯𝐞 𝐏𝐚𝐭𝐡𝐰𝐚𝐲𝐬

ပညာသင်စရိတ် တိုးမြင့်လာခြင်းနှင့် ဘွဲ့ရရှိခြင်းအပေါ်သို့ သဘောထားများ ပြောင်းလဲလာခြင်းတွေကြောင့် အခြားသော နည်းလမ်းများကို ရွေးချယ်မှုများ ပို၍ များပြားလာပါတယ်။

ဉပမာ_ Gap Year များယူခြင်း၊ Community College များတက်ခြင်း

➥ 9. 𝐒𝐜𝐡𝐨𝐥𝐚𝐫𝐬𝐡𝐢𝐩 𝐎𝐩𝐩𝐨𝐫𝐭𝐮𝐧𝐢𝐭𝐢𝐞𝐬 𝐄𝐱𝐩𝐚𝐧𝐝𝐢𝐧𝐠

ပညာသင်စရိတ် တိုးလာခြင်းကို ဖြေရှင်းဖို့အတွက် ကျောင်းတွေနဲ့ အဖွဲ့အစည်း အများစုက ပညာသင်ဆု အခွင့်အလမ်းတွေ ပိုမို ပေးနေပါတယ်။

ဉပမာ - Institutional Need-Based Scholarship, Institutional Merit-Based Scholarship, and Private or Outside Scholarship

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

CSS Profile တကျောင်း ၁၆ ဒေါ်လာစီကြောင့် ခေါင်းခြောက်နေပြီလား။ ဒါဆိုရင်တော့ ချိတ်ကနေပြီး Financial Aid အခမဲ့ လျှောက်လို့ရတဲ့ ISFAA အကြောင်း ပြောပြချင်ပါတယ်။ 

ISFAA: International Student Financial Aid Application 

US College တွေကို နိုင်ငံတကာကျောင်းသားတွေ Financial Aid လျှောက်ကြတဲ့အခါ CSS Profile (ဒါမှမဟုတ်) ISFAA လို့ခေါ်တဲ့ Financial Aid Application Form ကိုဖြည့်ပေးဖို့လို့အပ်ပါတယ်။ ဒါမှ ကျောင်းတွေဘက်ကနေ ကိုယ့်ရဲ့မိသားစု ငွေကြေးအခြေအနေကို သိနိုင်ပြီး ကျောင်းသားလိုအပ်တဲ့ Financial Aid ကိုပေးနိုင်မှာဖြစ်ပါတယ်။ CSS Profile ကတော့ SAT ကို ကျင်းပပေးတဲ့ College Board ကနေပိုင်တာဖြစ်ပြီး ကျောင်းတွေကို ပေးပို့တဲ့အခါ အခကြေးငွေပေးရပါတယ်။ ပထမဆုံးကျောင်းကို USD 25 ကုန်ကျမှာဖြစ်ပြီး နောက်ကျောင်းတွေကတော့ USD 16 စီဖြစ်ပါတယ်။ CSS Profile အသေးစိတ်အကြောင်းကို ဒီ post မှာ ဖတ်ရှုနိုင်ပါတယ်။ 

ISFAA ဆိုတာဘာလဲ။

ISFAA ဆိုတာကတော့ International Student Financial Aid Application ဖြစ်ပြီး CSS နည်းတူပဲ ကျောင်းသားရဲ့မိသားစု ငွေကြေးအခြေအနေကို တိုင်းတာပေးတာဖြစ်ပါတယ်။ ဒါပေမဲ့ ISFAA က Free of Charge ဖြစ်လို့ ကျောင်းသားတွေ ငွေကြေးအကုန်အကျခံစရာမလိုဘဲ ပေးပို့လို့ရမှာဖြစ်ပါတယ်။ 

ISFAA Form ကို ဘယ်မှာသွားယူရမလဲ။ 

များသောအားဖြင့် ISFAA Form တွေကို College တွေရဲ့ Website တွေမှာ ဒေါင်းလုတ်လုပ်နိုင်ပါတယ်။ ဒါပေမဲ့ ကျောင်း Website တွေက တစ်ခါတစ်လေ ရှုပ်ထွေးနေတတ်ပြီး ISFAA Form ကို ရှာမရဖြစ်တတ်ပါတယ်။ ဒီလိုမဖြစ်ရလေအောင် Tips လေးတစ်ခုမျှဝေပေးပါရစေ။ ကျောင်း Website ကိုဝင်ပြီး လင့်တစ်ခုချင်းစီလိုက်နိုပ်ပြီး အချိန်ကုန်နေမယ့်အစား Google Search Bar မှာ College Name + Financial Aid Form for International Student ဆိုပြီး ရှာလိုက်မယ်ဆိုရင် ISFAA Form ကို လွယ်လွယ်ကူကူ ဒေါင်းလုတ်လုပ်နိုင်မှာ ဖြစ်ပါတယ်။ ဥပမာအားဖြင့် “Stanford University Financial Aid Form for International Student” ဆိုပြီးရှာလိုက်ရင် Stanford ရဲ့ Financial Aid Form ကိုရလာမှာဖြစ်ပါတယ်။

ဒီမှာတစ်ခုသတိထားရမှာက ကျောင်းတွေအားလုံးက ISFAA ကို သုံးတာမဟုတ်ဘဲ ကျောင်းတစ်ချို့ကတော့ International ACAC ကနေပြုလုပ်တဲ့ ISAFA ဆို Financial Aid Application ကို အသုံးပြုကြပါတယ်။ ဒါပေမဲ့လည်း Content တွေနဲ့ မေးခွန်းတွေက သိသိသာသာကွာခြားတာမျိုးမဟုတ်ဘဲ ဆင်တူလေးတွေသာဖြစ်ကြပါတယ်။ ဘယ် Form ကိုဖြည့်ရမလဲ၊ ဘယ် Form က ပိုကောင်းလဲဆိုတဲ့ မေးခွန်းတွေကို စိတ်ပူနေမယ့်အစား တက္ကသိုလ်တွေကနေ ချပေးတဲ့ Financial Aid (ISFAA or ISAFA) ကိုသာဖြည့်ပေးရမှာဖြစ်ပါတယ်။ 

ISFAA မှာဘာတွေပါလဲ။ 

အကြမ်းဖျင်းအားဖြင့် ကျောင်းသား နဲ့ မိဘတွေရဲ့ ကိုယ်ရေးကိုယ်တာ အချက်အလက်တွေ၊ ကိုယ့်မိဘရဲ့ ငွေကြေးအခြေအနေတွေ၊ အိမ်ခြံ၊ လုပ်ငန်းစတဲ့ ပိုင်ဆိုင်မှုတွေ၊ ကိုယ့်မိသားစုရဲ့ တစ်နှစ်စာအသုံးစရိတ်တွေ၊ နဲ့ Special Circumstances ဆိုပြီး အပိုင်း (၆) ပိုင်းကို မေးလေ့ရှိပါတယ်။ ISAFA မှာတော့ ISFAA ထပ်အသေးစိတ်မေးပြီး အပိုင်း (၈) ပိုင်းရှိပါတယ်။ 

ISFAA ကို ဘယ်လိုဖြည့်မလဲ။

ISFAA က Paper Form ဖြစ်ပြီး Adobe Acrobat လိုမျိုး PDF Editor Software ကိုသုံးပြီး ဖြည့်ပေးလို့ရပါတယ်။ ဒီလိုဖြည့်ရာမှာ ကိုယ့်မိသားစုရဲ့ ငွေကြေးအခြေအနေကို မှန်မှန်ကန်ကန်ဖြည့်ပေးဖို့လိုအပ်ပါတယ်။ ကျောင်းဝင်ခွင့်ရတဲ့အခါ ဝင်ငွေခွန်စာတမ်း၊ ဝင်ငွေမှတ်တမ်းစတာတွေကို ပြန်တင်ပြရတာဖြစ်လို့ Financial Aid Application မှာ မတရားသဖြင့် လိမ်လည်ဖြည့်စွက်ထားမယ်ဆိုရင် ဝင်ခွင့်ရုတ်သိမ်းခံရတာတွေဖြစ်နိုင်ပါတယ်။

ကဲ ဒါဆိုရင်တော့ Financial Aid လျှောက်ရမှာ အရေးကြီးလှတဲ့ ISFAA အကြောင်းကို တီးမိခေါက်မိပြီလို့ မျှော်လင့်မိပါတယ်။ 

Sample Form - https://wp.stolaf.edu/international-applications/files/2024/10/25-26-International-Student-Financial-Aid-Application.pdf 

Sample Form -

https://drive.google.com/file/d/1Um6wTsSYhP7vHOWp_-yCcOoiwGnz1aqo/view 

Sample Form -

https://financialaid.stanford.edu/pdf/isafa24.pdf 

🧑🏻‍💻 Content Writer - Kyaw Zin Tun

👩🏻‍💻 Graphics Designer - Cho Thar Nwe

Chate Your Dreams

ချိတ်- The Hook 🪝

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

အမေရိကန် တက္ကသိုလ်တွေဟာ သူတို့မှာ တက်ရောက်နေတဲ့ ကျောင်းသားတွေအတွက် အခွင့်အလမ်းတွေ တစ်ပုံတစ်ခေါင်းပေးထားပါတယ်။ Academic မှာလည်း တက္ကသိုလ်များစွာက interdisciplinary ခေါ်တဲ့ ကျောင်းသားစိတ်ဝင်စားတဲ့ ဘယ်ဘာသာမဆို စာရင်းပေးတက်ရောက်နိုင်တဲ့ စနစ်တွေ ကျင့်သုံးကြတယ်၊ ဒါ့အပြင် တက္ကသိုလ်ပြင်ပ extracurricular မှာလည်း မရွတ်ယွင်းရလေအောင် student-led organizations တွေ၊ extracurricular clubs များစွာတွေလည်း စတင် ပါဝင်ခွင့်ပေးထားပါတယ်။ ဒီနေ့ပို့စ်လေးမှာ ပြောသွားမှာကတော့ အမေရိကန် တက္ကသိုလ် တော်တော်များများမှာ ကျယ်ကျယ်ပြန့်ပြန့်တွေ့ရတဲ့ Greek Life လို့ ခေါ်တဲ့ Society တွေ အကြောင်းပဲ ဖြစ်လို့ ဖတ်ရှုပေးကြပါဦးရှင့်။ American သမ္မတ တော်တော်များများကလည်း သူတို့ တက္ကသိုလ် တက်စဉ်ကာလတုန်းက Greek Life အဖွဲ့အစည်းတွေမှာ အရေးပါတဲ့ ရာထူးကြီးကြီးတွေမှာ ပါဝင်ခဲ့ကြတာနော်😳

What is Greek Life?

Greek Life ဆိုတာက ဂရိနိုင်ငံသားတွေ အဖွဲ့လို့ပြောတာမဟုတ်ပါဘူး😆။ ဒီ ကျောင်းသားအဖွဲ့အစည်း society တွေရဲ့ နာမည်တွေက ဂရိစကားတွေ ဖြစ်ကြတဲ့ “alpha” “beta” “omega” စတဲ့ အက္ခရာတွေပါလို့ Greek life လို့ ခေါ်ကြတာပါ။ 

Greek life အဖွဲ့အစည်း type တွေက အဓိကမှာတော့ ၂ မျိုးခွဲလို့ ရပါတယ်။

*  Academic Society တွေနဲ့

*  Social Society တွေပါ။ ယနေ့ ပို့စ်မှာတော့ academic society တွေအကြောင်းအဓိက ပြောပြသွားပါမယ်။

Academic Societies 

Academic Societies တွေကတော့ တက္ကသိုလ်မှာ အမှတ်ကောင်းသူတွေ၊ society က သတ်မှတ်ထားတဲ့ GPA နဲ့ အထက်ရှိသူတွေနဲ့၊ အထင်ကရ သူတွေသာ ပါဝင်ခွင့်ရပါတယ်။ ဒါ့အပြင် ဒီ academic society တွေ prestigious ဖြစ်မှုကတော့ ကျောင်းသားရဲ့ အမှတ် ဘယ်လောက်ကောင်းကောင်း၊ “invitation-only system” ကို ကျင့်သုံးကြတဲ့ အတွက် ကျောင်းလျှောက်သလို လျှောက်လွှာတင်၊ decision စောင့်နေလို့ မရပါဘူး။ ကျောင်းသားကို professor တစ်ဦးဦးက nominate လုပ်ပေးမှ ပါဝင်နိုင်ခွင့်ရှိတာပါ။ ဒါတင် မက သေးပါဘူး၊ professor က nominate ပေးပါတယ် ဆိုရင်တောင်မှာ academic society ရဲ့ ခေါင်းဆောင်တွေရဲ့ အသိအမှတ်ပြုမှု လိုအပ်ပါသေးတယ်။ ဒါ့ကြောင့်ပဲ အရမ်း prestigious ဖြစ်တဲ့၊ US နိုင်ငံအနှံ့က တက္ကသိုလ်ကျောင်းသားတွေ ဝင်ခွင့်လှတဲ့ academic society တွေကို ဝင်ခွင့်ရတဲ့ လူအရေအတွက်ဟာ တက္ကသိုလ် campus တစ်ခုလုံး မှာမှ ဆယ်ဂဏန်းသာလျှင် ရှိပါတယ်။ 

Prestigious Academic Societies and their alumni 

1️⃣ Phi Beta Kappa

အမေရိကန်နိုင်ငံမှာ သက်တမ်း အရင့်ဆုံး academic society ဖြစ်တဲ့ Phi Beta Kappa ကို College of William & Mary မှာ 1776 မှာ စတင်ခဲ့ပါတယ်။ ဒီ academic society က သူ့ရဲ့ အဖွဲ့ခွဲ “chapter” တွေကို Harvard, Yale, Dartmouth စတဲ့ ranking မြင့် တက္ကသိုလ်တွေမှာ active ဖြစ်နေပါတယ်။

Society စခဲ့တဲ့ အချိန်ကစပြီး ယနေ့အထိမှာတော့ အမေရိကန် သမ္မတပေါင်း ၁၇ ယောက်နဲ့၊ နိုဘယ်လ်ဆုရှင်ပေါင်း  ၁၃၆ ယောက်တောင် အသီးသီး ပါဝင်ခဲ့ကြပါတယ်။ 

2️⃣Sigma Xi

Sigma Xi ကတော့ Cornell University မှာ 1886 က စတင်ခဲ့တဲ့ scientists and engineers တွေ ပါဝင်တဲ့ အဖွဲ့အစည်းပါ။ Research ကို အားပေးတဲ့ society ဖြစ်ပြီးတော့၊ အဖွဲ့ဝင်တွေထဲက အလားအလာရှိတဲ့ ကျောင်းသားတွေကို research grant တွေ ချီးမြှင့်ပါတယ်။

Notable member တွေကတော့ Albert Einstein နဲ့ Richard Feynman အပါအဝင် နိုဘယ်ဆုရှင် ၂၀၀ ကျော်ကို မွေးထုတ်ခဲ့ပါတယ်။

3️⃣ Phi Keppa Phi

“Unity and democracy of education” ကို လိုလားပါတယ်ဆိုတဲ့ Phi Keppa Phi ကိုတော့ 1897 မှာ University of Maine မှာ စတင်ခဲ့ပါတယ်။ 

ဒီ honor society မှာပါဝင်ခဲ့သူတွေကတော့ political leaders တွေ ဖြစ်တဲ့ Hillary Clinton တို့တွေ၊ Nobel ဆုရ စာရေးဆရာတွေ၊ တက္ကသိုလ် အဓိပတိ (university presidents) တွေ စတဲ့ အနယ်နယ် အရပ်ရပ်က ခေါင်းဆောင်တွေ ပါဝင်ခဲ့ပါတယ်။ 

What about Social Societies? 

Social Societies မှာတော့ အမျိုးသမီးတွေသာ ပါဝင်ခွင့်ရှိတဲ့ Sorority နဲ့ အမျိုးသားတွေ အတွက် Fraternity ဆိုပြီး ခွဲထားပါတယ်။ 

Academic societies တွေနဲ့ မတူတာကတော့ social societies တွေက invitation only မဟုတ်ကြပါဘူး။ စသင်နှစ် အစမှာ “rush” လို့ခေါ်တဲ့ အဖွဲ့ဝင်လက်ခံတဲ့ ကာလမှာ စာရင်းသွင်းပြီး အရွေးခံကြရတာပါ။ 

အဖွဲ့ဝင်တွေဟာ “sorority house” “frat house” လို့ ခေါ်တဲ့ society house တွေမှာ အတူတူနေကြပါတယ်။ 

Notable Members

အမေရိကန် လူ့အခွင့်အရေး ခေါင်းဆောင် Martin Luther King Jr. - Alpha Phi Alpha

Neil Armstorng - Phi Delta Theta

Kamala Harris - Alpha Kappa Alpha

Why Greek Life?

တက္ကသိုလ်အများစုမှာ Greek Life က အရေးကြီးနေရာမှာ ပါဝင်ပါတယ်။ Ivy League College ဖြစ်တဲ့ Dartmouth College မှာ ဆိုရင် ကျောင်းသားဦးရေရဲ့ 60% ဟာ society တွေမှာ တစ်နေရာရာမှာ ရှိနေကြပါတယ်။

Greek Life ရဲ့ leader တွေဟာ တက္ကသိုလ်ပြီးနောက် အလုပ်ခွင်ကိုယ်ဆီမှာ အထင်ကရ ခေါင်းဆောင်တွေလို့ သတိထားမိမှာပါ။ ဒါ့ကြောင့် နောင်မှာ ခေါင်းဆောင် ဖြစ်ကြမယ့် ကျောင်းသားအချင်းချင်း network လို့ရတဲ့ အဖွဲ့အစည်းတွေကို မပါဝင်ချင်ဘူး ဆိုတာ နည်းပါတယ်။ ဒါ့အပြင် Phi Beta Kappa တို့လို သတင်းကြီးလှတဲ့ Acadmic society မှာ ပါဝင်ဖို့ ဖိတ်ခေါ်ခံရတယ်ဆိုတာ university career ရဲ့ ဂုဏ်အယူရဆုံး အောင်မြင်မှု တစ်ခု ဖြစ်မှာပါ။ ဒါ့ကြောင့်ပဲ US universities တွေက Greek life တွေကို promote လုပ်ပေး၊ funding ပေးနေတာပဲ ဖြစ်ပါတယ်။

ဒါဆိုရင် စာဖတ်သူကော၊ Greek Life တွေ အကြောင်း စိတ်၀င်စားဖွယ်သိရှိသွားမယ်လို့ ယုံကြည်ပါတယ်။ 

Chate your dreams 🪝

ချိတ် - The Hook

Content Writer - Phuu Pwint Thura

Graphic Designer - Chue Ei Thazin

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

Boarding Schools for High School Students

Content Writer - Shoon Lai Paing

Graphics - Chue Ei Thazin

Chate Your Dreams

ချိတ်-The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

Merit-based Scholarships

ဒီနေ့မှာတော့ ကျောင်းလျှောက်ရင်းနဲ့မှ စာတော်ရင် တော်သလို၊ အရည်အချင်းရှိရင် ရှိသလို ရတဲ့ Merit-based Scholarshipsတွေ အကြောင်းပြောပြပေးချင်ပါတယ်။

စာဖတ်သူတို့ အနေနဲ့ ချိတ်ကနေ မတင်ရသေးတဲ့ အကြောင်းအရာလေးတွေ၊ တင်ပေးစေချင်တဲ့ contentအကြောင်းလေးတွေ ရှိရင် အောက်က လင့်ကနေ တစ်ဆင့် ပို့ပေးလို့ရပါတယ်နော်။

Chate Your Dreams

ချိတ်-The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

𝗛𝗼𝘄 𝘁𝗼 𝗯𝗲𝗵𝗮𝘃𝗲 𝗱𝘂𝗿𝗶𝗻𝗴 𝗰𝗼𝗹𝗹𝗲𝗴𝗲 𝗶𝗻𝘁𝗲𝗿𝘃𝗶𝗲𝘄

Content Writer - Kyaw Myo Naing

Graphics Designer - Cho Thar Nwe

Chate Your Dreams

ချိတ်- The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

Scholar Scholar ဆိုပြီး Demand အရမ်းများတဲ့ ခေတ်ကာလကြီးမှာ ကျောင်းလျှောက်ဖို့ရာအတွက် ကိုယ်ရေးလိုက်တဲ့ Essay က ဖတ်တဲ့ Admission Team ရဲ့ ရင်ထဲအသည်းထဲကို တကယ်ရောက်ပြီး Effective ဖြစ်၊ မဖြစ်ဆိုတာကို 100% သေချာပြီလား။ ခုထိဘယ်လိုဘယ်ပုံရေးရမလဲဆိုတာကို ထဲထဲဝင်ဝင် မသိသေးဘူးဆိုရင်တော့ ကျွန်တော်တို့ရဲ့ ချိတ်လေးကို ယုံကြည်ကိုးစားလိုက်ပါခင်ဗျာ။ အခုတစ်ခေါက်ကတော့ US ကကျောင်းတွေကို လျှောက်တဲ့အခါမှာ ရေးရလေ့ရှိတဲ့ Common App Essay နဲ့ အခြား Supplemental Essays တွေကို ဘယ်လိုစာလုံးတွေသုံးပြီး ဘယ်လို Method, ဘယ်လို Tone နဲ့ရေးသင့်သလဲကို ပြောပြသွားပါမယ်။

ဆိုတော့ အရင်ဆုံး Tone ဆိုတာက ဘာကြီးလဲ

ဒါဆိုရင် Essay ရေးတာက အပြင်မှာပြောသလို အသံကြားရတာမဟုတ်တဲ့အတွက်ကြောင့် Tone ကို ဘယ်လိုလုပ်သိနိုင်မှာလဲ။ မပူပါနဲ့ ဟောသည်က Tips တွေအတိုင်း တစ်ဆင့်ချင်းစီ ရေးကြည့်ဖို့ အကြံပြုချင်ပါတယ်။

College Essay က Academic Writing လည်း မဟုတ်သလို ကိုယ့်ရဲ့ အကြောင်း၊ Achievements တွေကိုချည်း သက်သက် List လုပ်ပြီး ရေးပြရတဲ့ Report Writing လည်း မဟုတ်ပြန်ပါဘူး။ ကိုယ်နဲ့ ကိုယ့် Essay ကို Review လုပ်မယ့် Admission Officers တွေကြားကို ဆက်သွယ်ပေးမယ့် ပေါင်းကူးတံတားလေးပဲ ဖြစ်ပါတယ်။ ဒါကြောင့်မလို့ တံတားကိုဖြတ်နေရင်း ကျိုးမကျရလေအောင် Dos and Don’ts တွေပါ သေချာမှတ်ထားတော့ဗျို့။

Essay ရေးတဲ့အခါမှာ ကိုယ်က တိုက်ရိုက်ပြောပြပေးနေသလို ဖြစ်ရမှာမလို့ အတတ်နိုင်ဆုံး Active voice နဲ့ရေးပေးဖို့လိုအပ်ပါတယ်။ ဒါမှသာ ကိုယ်ဘာကိုဆိုလိုချင်သလဲ၊ Application ဖြည့်တဲ့အခါမှာ မပြောပြလိုက်ရတဲ့ (ဥပမာ - Personal Info ဖြည့်တဲ့အခါမှာ ကိုယ်ကဘယ်လိုလူမျိုးဆိုတာကို မြင်သာအောင်ပြဖို့ရာ မလွယ်ကူတဲ့အခြေအနေမျိုးတို့မှာ) ကိုယ့်ရဲ့ Personality ကို Essay ကနေတစ်ဆင့် ပုံဖော်ပြသလို့ရပါတယ်။

အဲ့လို ဖော်ပြတဲ့အခါမှာလည်း ကျွန်တော်ကတော့ ဒီလိုအရည်အသွေးတွေ ရှိတဲ့ ကျောင်းသားတစ်ယောက်ပါ၊ ဒီလိုလူမျိုးပါဆိုပြီး တုံးတိကြီးပြောလိုက်တာထက် ကိုယ်ပြောချင်တာနဲ့ဆက်နွယ်နေတဲ့ Real Life Example တစ်ခုခုကို စဉ်းစားပြီးနှိုင်းယှဉ်ပြလိုက်တာက ပိုပြီးသင့်တော်ပါတယ်။ ကိုယ်ပြောချင်တဲ့ အဆိုတစ်ခု၊ အကြောင်းအရာတစ်ခုကို နောက်ကနေ Back-up လုပ်ပေးတဲ့ Reason/ Example ထည့်လိုက်တဲ့သဘောမျိုးမလို့ ကွက်တိအံကိုက်ပါပဲ။

နောက်တစ်ခုကတော့ ကိုယ်ရေးနေတဲ့ Essay ထဲမှာ ကိုယ့်ရဲ့ Emotions တွေကို ပစ်သွင်းပြီး စီးမြောလိုက်ပါ။ ဟာသမဟုတ်ပါဘူး အတည်ပြောတာပါ။ ဒီလိုပြောလို့ ဒရမ်မာချိုးရမှာလား ဘာညာဆိုရင် နိုးပါလို့ပြောပါရစေ။ ကိုယ့်ရဲ့ ခံစားချက်တွေကို ထည့်ခိုင်းတာသည် သနားအောင်လုပ်ပြတာမဟုတ်ပါဘူး Funny ဖြစ်တာတွေ Heartwarming ဖြစ်စေတဲ့အခိုက်အတန့်တွေကို ထည့်ရေးတာအပြင် တခြားတခြားသော ခံစားချက်တွေကို ကိုယ့်ရဲ့အစစ်အမှန်အတိုင်း ဖတ်ရတဲ့သူပါ လိုက်ပြီးမြောပါနိုင်အောင် ရေးခိုင်းတာပဲ ဖြစ်ပါတယ်။

တစ်ခုသတိထားရမှာကတော့ Word Limit နဲ့ Essay တွေရေးရတာဖြစ်တဲ့အတွက်ကြောင့်မလို့ ကိုယ်ပြောချင်တာတွေ များကောင်းများနေနိုင်‌‌သော်လည်းပဲ ဘောင်ထဲ အကန့်ထဲမှာပဲပြောရတာကို သတိထားစေချင်ပါတယ်။ ဒါကြောင့် ပြောချင်တာတွေများပြီး အကြောင်းအရာတွေကို ပေါင်းစုံ ပစ်သွင်းပြီး ရေးတာထက် တစ်ခုကိုပဲအာရုံထားပြီး ဖတ်တဲ့သူ Lost ဖြစ်မသွားအောင် ခေါင်းရှုပ်မသွားအောင် ကြိုးထုံးကို တစ်မျှင်ချင်း ဖြည်ချသလို ရှင်းရှင်းလင်းလင်းရေးရပါမယ်။ Word Count မပြည့်ခဲ့ရင်လည်း မပြည့်ပြည့်အောင်ဆိုပြီး ကြုံရာ တွေးမိရာရာတွေ ကောက်ထည့်တာတွေလည်း ရှောင်ရပါမယ်။ ကိုယ်ရေးလိုက်တဲ့ Sentence တိုင်း Word တိုင်းသည် ဝင်ခွင့်ရ၊မရဆိုတဲ့ ဆုံးဖြတ်ချက်တစ်ခုဖြစ်သွားနိုင်ပါတယ်။

အပေါ်မှာ DOs တွေပြောပြီးသွားပြီဆိုတော့ ဘယ်အချက်တွေကို သတိထားပြီး ရှောင်ရမလဲ။

➥ အစပိုင်းမှာ ပြောသွားခဲ့သလိုပဲ အက်ဆေးက ပုံမှန် Academic Writing တွေလို မဟုတ်တဲ့အတွက်ကြောင့် Formal မဖြစ်အောင် လုံးဝ လုံးဝ သတိထားရပါမယ်။ အဲ့အစား Conversational Tone အတိုင်း အချင်းချင်းစကားပြောနေသလို Respect ရှိရှိ တစ်ချိန်တည်းမှာပဲ Relaxed ဖြစ်ဖြစ်နဲ့ ပြောပြရပါမယ်။ နောက်ပြီး စာရေးဆရာတွေ သုံးနေကြ Method အတိုင်း ကိုယ်ကချည်း ပြောသွားရသလို မဟုတ်ဘဲ ကိုယ့်ရဲ့ စာကိုဖတ်တဲ့သူပါ Engaged ဖြစ်အောင်၊ ဦးနှောက်ကို အလုပ်တစ်ခုပေးလိုက်သလိုဖြစ်ပြီး ပိုစိတ်ဝင်စားသွားအောင် Rhetorical Questions လေးတွေပါ ထည့်ရေးလို့ရပါတယ်။

➥ Admisson ဘက်ကနေ “ဟာ ဒီကျောင်းသားက အရမ်းတော်တာပဲ ဝင်ခွင့်ပေးလိုက်မယ်”လို့ စဉ်းစားမှာပဲဆိုပြီး ကိုယ့်ရဲ့ Past Achievements တွေကိုချည်း တသီတတန်းကြီး ‌ဖော်ပြဖို့ စိတ်ကူးထားတယ်ဆိုရင်ကတော့ ဒီနေရာမှာပဲ ရပ်လိုက်ပါတော့ မိတ်ဆွေ။ Accomplishment တွေကို List လုပ်တာက ဦးစားပေးရွေးချယ်ခံရမယ်ဆိုပြီး တပ်အပ်ပြောမရတဲ့အပြင် ကြွားဝါသလိုပါ ဖြစ်နိုင်တာမလို့ ဖတ်တဲ့သူအပေါ် အခန့်မသင့်ရင် မျက်စိဆံပင်မွေးစူးသွားနိုင်စေပါတယ်။

➥ တစ်ချိန်တည်းမှာပဲ Self-Reflection မရှိတာမျိုးကို အဲ့သဘောမျိုးရောက်စေတဲ့ အရေးအသားမျိုးကို ရှောင်သင့်ပါတယ်။ အရည်အချင်းရှိတဲ့ကျောင်းသားဟာ အမြဲလိုလို ကိုယ့်ရဲ့ လိုအပ်ချက်နဲ့ ဘယ်နေရာမှာ တိုးတက်အောင်လုပ်ရမလဲ၊ ဘယ်အမှားတွေကနေ Reflect လုပ်ပြီး ပြန်သင်ယူနိုင်မလဲဆိုတာကို တွေးတောနေတာဖြစ်လို့ ကိုယ်က အဲ့လိုမဟုတ်ဘူးဆိုရင် Impression ကျသွားနိုင်စေပါတယ်။

ကဲ.. ဒါဆိုရင် ဘာတွေ လုပ်သင့်တယ်၊ မလုပ်သင့်ဘူးဆိုတဲ့အချက်တွေအပြင် ဘယ်လိုမျိုးလေးတော့ ရေးလို့ရမလဲဆိုတဲ့ အကြံဉာဏ်တွေပါ တစ်ပါတည်း ပေးလိုက်တာမလို့ Essay ရေးတဲ့အခါမှာ Easy Peasy နဲ့ Slay နိုင်ကြမယ်လို့ မျှော်လင့်ပါတယ် May y’all get admitted to the ones you are hoping for!

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

High School ကို နိုင်ငံတကာ ကျောင်းသားတွေနဲ့အတူ တက်နိုင်မယ့် UWC စကောလားရှစ်

2025 အတွက် အသက် ၁၅နှစ်နှင့် ၁၈ နှစ်ကြား မြန်မာနိုင်ငံက လူငယ်တွေကို နှစ်စဉ်ပေးတဲ့ UWC Scholarship လျှောက်လို့ ရနေပါပြီ။

𝐔𝐖𝐂 ဆိုတာက ဘာလဲ?

ကမ္ဘာတစ်ဝှမ်းရှိ 𝐔𝐖𝐂 ကျောင်းများ

𝐔𝐖𝐂 ဖြစ်ပေါ်လာပုံနှင့် သင်ကြားသော သင်ရိုး

𝐋𝐢𝐟𝐞 𝐚𝐭 𝐔𝐖𝐂 𝐚𝐧𝐝 𝐅𝐮𝐭𝐮𝐫𝐞 𝐉𝐨𝐮𝐫𝐧𝐞𝐲 𝐚𝐟𝐭𝐞𝐫 𝐔𝐖𝐂

UWC ကျောင်းတွေမှာဆိုရင် ကမ္ဘာအနှံ့က ကျောင်းသူကျောင်းသားများနှင့် စာသင်ကြားရပြီး နိုင်ငံပေါင်းစုံမှ လူမျိုးပေါင်းစုံများဖြင့် ဖွဲ့စည်းထားတာဖြစ်လို့ လူငယ်များအတွက် Social Networking အခွင့်အလမ်းကောင်းတစ်ခုကို ရရှိနိုင်သလို High School Life ကိုလဲ ပျော်ပျော်ပါးပါး ဖြတ်သန်းလို့ ရပါသေးတယ်။

UWC မှာ IB diploma ရရှိပြီးသွားသည့်အခါမှာလည်း မိမိကြိုက်နှစ်သက်ရာ နိုင်ငံတွေက တက္ကသိုလ်‌တွေကို လျှောက်ထားပြီး တက်ရောက်နိုင်သလို၊ US ရှိ ထိပ်တန်း တက္ကသိုလ်တွေကို Full Scholarship ဖြင့် တက်ရောက်နိုင်ပါသေးသည်။ Financial Aid များနှင့် Full Scholarship တွေရရှိနိုင်သလို UWC ကျောင်းသားတွေအတွက် သီးသန့်ပေးအပ်သည့် UWC David Scholarship ဆိုတဲ့ need-based scholarship ကို ရရှိနိုင်ပါသေးတယ်။

𝐄𝐥𝐢𝐠𝐢𝐛𝐢𝐥𝐢𝐭𝐲 𝐂𝐫𝐢𝐭𝐞𝐫𝐢𝐚 𝐟𝐨𝐫 𝐔𝐖𝐂 𝐒𝐜𝐡𝐨𝐥𝐚𝐫𝐬𝐡𝐢𝐩 𝟐𝟎𝟐𝟓

ယခုနှစ်အတွက် UWC Application ကတော့ မြန်မာနိုင်အတွက် ဖွင့်လှစ်ထားပြီဖြစ်ပါတယ်။

Eligibility criteria တွေ အနေနဲ့ကတော့ အသက် ၁၅ နှစ်မှ ၁၈ နှစ်ကြား၊ July 31, 2006 မှ August 16, 2010 ကြား မွေးဖွားသည့် မြန်မာနိုင်ငံသား ဖြစ်ရပါမည်။

Grade 10 သို့မဟုတ် Grade 11 တက်ရောက်ထားခြင်း သို့မဟုတ် ပြီးမြှောက်ခြင်း ရှိရပါမည်။

Personal email တစ်ကောင့် ရှိဖို့ လိုအပ်ပါသည်။

လိုအပ်သည့် စာရွက်စာတမ်းများ

- NRC နှင့် Passport (ရှိရင် ထည့်ပေးလို့ရပါသည်)

- Household registration

- School report/transcript

- Essay 1 ပုဒ်နှင့် မေးခွန်းတို 2 ခု

- အနည်းဆုံး 1 မိနစ်နှင့် 2 မိနစ်ကြား ရှိသည့် Video

- Two Reference (Academic and non-academic)

- မိဘနှစ်ပါး (သို့) အုပ်ထိန်းသူများ၏ အချက်အလက်များနှင့် ခွင့်ပြုချက်

𝐔𝐖𝐂 𝐒𝐜𝐡𝐨𝐥𝐚𝐫𝐬𝐡𝐢𝐩 𝐟𝐨𝐫 𝐌𝐲𝐚𝐧𝐦𝐚𝐫

UWC Myanmar National Committee ကို ၂၀၁၀ ခုနှစ်တွင် စတင်ထူထောင်ခဲ့ပြီး၊ ပညာသင်ဆု အမျိုးမျိုးဖြင့် ကျောင်းသား ၆ ဦးကနေ ၁၂ ဦး အထိ full scholarship (သို့) partial scholarship တွေကို နှစ်စဉ် ပေးအပ်နေပါတယ်။

𝐒𝐞𝐥𝐞𝐜𝐭𝐢𝐨𝐧 𝐏𝐫𝐨𝐜𝐞𝐝𝐮𝐫𝐞 𝐟𝐨𝐫 𝐔𝐖𝐂 𝐒𝐜𝐡𝐨𝐥𝐚𝐫𝐬𝐡𝐢𝐩

𝐇𝐨𝐰 𝐭𝐨 𝐀𝐩𝐩𝐥𝐲?

အခုဆိုရင်တော့ ချိတ်- The Hook ကနေပြီး UWC ရဲ့ ခေါင်းအစ ခြေအဆုံး information များအပြင် 2025 အတွက် UWC Scholarship information များကိုပါ အပြည့်အစုံ ရေးသားဖော်ပြပေးလိုက်ရပါတယ်။ အဲ့တာဆိုရင်တော့ ရေမီးအစုံ လေထီးခုန်ပြီးတော့ လျှောက်ထားဖို့ တိုက်တွန်းလိုက်ရပါတယ်။ ဒါ့အပြင် ချိတ်- The Hook ရဲ့ UWC Scholarship webinar ကို တက်ရောက်ခွင့်မရလိုက်တဲ့ ကျောင်းသူကျောင်းသားများအနေနှင့်လည်း Youtube မှာ recording video ကို သွားရောက်ကြည့်ရှုလို့ရပါသေးတယ်။

Content Writer - Kyaw Myo Naing

Graphics Designer - Kyail Nay La

Chate Your Dreams

ချိတ်- The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

RISE Scholarship ဘာလဲ ဘယ်လဲ။

ဒီနေ့မှာတော့ ချိတ် ကနေပြီး ကမ္ဘာတစ်ဝန်းမှာရှိတဲ့ ထူးချွန် လူငယ်တွေ လျှောက်ထားနိုင်မယ့် RISE Global Scholarship ကိုအကြောင်းပြောပြပေးသွားမှာဖြစ်ပါတယ်။

RISE Global Scholarship ဟာဆိုရင် ကမ္ဘာတစ်ဝှမ်းက ထူးချွန်လူငယ် အယောက် (၁၀၀) ကို နှစ်စဉ် ရွေးချယ် ထောက်ပံ့ပေးတဲ့ Program ပဲဖြစ်ပါတယ်။

ကမ္ဘာပေါ်မှာ လူသားတွေ ကြုံတွေ့နေရတဲ့ အခက်အခဲတွေကို ဖြေရှင်းဖို့ စိတ်အားထက်သန်တဲ့ အသက် 15 နှစ်ကနေ 17 နှစ်အတွင်းက ဘယ်လူငယ်မဆို ပါဝင်လျှောက်ထားနိုင်ပြီး၊ မည်သည့်နိုင်ငံကမဆို ရပါတယ်ရှင်။

တစ်ကမ္ဘာလုံးမှ လူငယ် သောင်းသိန်းနှင့် ချီစွာ နှစ်စဉ် ဝင်ပြိုင်နေတဲ့ program ဆိုရင်လည်း မမှားပါဘူး

RISE Global Scholarship ဟာ ဆိုရင်ဖြင့် Rhodes Trust ရဲ့ ပူးပေါင်းမှုနှင့် အတူ Google ရဲ့ Co-Founder ဖြစ်တဲ့ Eric Schmidt တို့ရဲ့ Foundation ဖြစ်တဲ့ Schmidt Futures တို့ စတင်ခဲ့တဲ့ program တစ်ခုပါ။

RISE Scholarship Program ကို 2019 ခုနှစ်ကနေ စတင်တည်ထောင်ခဲ့တာဖြစ်ပြီး၊ အနာဂတ် မျိုးဆက်သစ် ခေါင်းဆောင်များအတွက် ပညာရေးအခွင့်အလမ်းတွေ အပြင် မိမိ ပတ်ဝန်းကျင်ကို အကျိုးပြုနိုင်စေဖို့ ရည်ရွယ်ထားတာပဲ ဖြစ်ပါတယ်

Winner အနေနဲ့ ရွေးချယ်ခံရတဲ့သူတွေကိုတော့ တစ်သက်တာ အခွင့်အရေးတွေလည်း ပေးအပ်သွားဦးမှာပါ။

Need-Based Scholarship

Mentorship

Career Development Opportunities

Funding တွေအပြင်

Scholarship ရရှိတဲ့ Global Winners များနှင့် အတူ လူမှုရေးဆိုင်ရာ ကမ္ဘာ့ပြသာနာတွေကို တတ်နိုင်သလောက် အတူ ဖြေရှင်းနိုင်မယ့် projects တွေ လုပ်ဆောင်နိုင်မှာပဲ ဖြစ်ပါတယ်

သတင်းကောင်း အနေနဲ့ကတော့ ကမ္ဘာ့လုံးဆိုင်ရာ အနာဂတ်ခေါင်းဆောင်တွေအနေနဲ့ ကမ္ဘာတစ်ဝှမ်းရှိ RISE ရဲ့ Partnership အဖွဲ့အစည်းများမှတစ်ဆင့် အခွင့်အလမ်းတွေလည်း ရရှိသွားဦးမှာပါ

𝟐𝟎𝟐𝟒 အတွက် 𝐄𝐥𝐢𝐠𝐢𝐛𝐢𝐥𝐢𝐭𝐲 𝐑𝐞𝐪𝐮𝐢𝐫𝐞𝐦𝐞𝐧𝐭 အနေနဲ့

𝟐𝐧𝐝 𝐉𝐮𝐥𝐲 𝟐𝟎𝟎𝟔 နှင့် 𝟏𝐬𝐭 𝐉𝐮𝐥𝐲 𝟐𝟎𝟎𝟗 အတွင်း မွေးဖွားသူ ဖြစ်ရမယ်

ဒါ့အပြင် မိဘခွင့်ပြုချက် ရရှိသူလည်း ဖြစ်ဖို့ လိုအပ်ခဲ့ပြီး Admission ပြီးဆုံးသွားပြီပဲ ဖြစ်ပါတယ်။

မည်သည့် topic နှင့် မဆို လုပ်ဆောင်နိုင်ပြီး၊ Seconds 30 ကနေ 5 minutes အထိ ရှိရမှာပါ။

English အတန်အသင့် ကျွမ်းကျင်ဖို့ လိုအပ်မှာဖြစ်ပြီး၊ ကိုယ့်ရဲ့ project ကိုချပြတဲ့အခါ မြန်မာလိုပဲ ပြောမယ်ဆိုရင်တော့ စာတန်းထိုးပေးဖို့ရာ အကြံပေးချင်ပါတယ်ရှင်

မိမိက video ရိုက်ကူးဖို့ အဆင်မပြေတဲ့ အခြေအနေဆိုရင်တော့ စာလုံးရေ 250 ကနေ 1600 အတွင်း မိမိအကောင်အထည်ဖော်ခဲ့တဲ့ project အကြောင်းကို အသေးစိတ်ရေးပေးဖို့တော့ လိုပါမယ်

လျှောက်လွှာ ပထမအဆင့် ပြီးဆုံးသွားပြီ ဆိုရင်တော့ လျှောက်ထားသူ အချင်းချင်းရဲ့ project တွေကို peer review လုပ်ပြီး Feedback ပေးတဲ့ stage လည်း ပါဝင်မှာပါ။

Stage တိုင်းအတွက် Deadline ရှိတာဖြစ်တဲ့အတွက် Deadline မကျော်ဖို့ ဂရုစိုက်ပေးရပါမယ်နော်

𝟐𝟎𝟐𝟒 ရဲ့ 𝐄𝐧𝐭𝐫𝐲 𝐏𝐞𝐫𝐢𝐨𝐝 အနေနဲ့

𝟐𝟎𝟐𝟑 𝐒𝐞𝐩𝐭𝐞𝐦𝐛𝐞𝐫 လ 𝟏𝟒 ရက်နေ့ ကနေ 𝟐𝟎𝟐𝟒 𝐉𝐚𝐧𝐮𝐚𝐫𝐲 လ 𝟏𝟕 ရက်နေ့ အထိ 𝟒 လတာကြာမြင့်ခဲ့တာပဲ ဖြစ်ပါတယ်။

ဒါ့အပြင် 𝐏𝐞𝐞𝐫 𝐑𝐞𝐯𝐢𝐞𝐰 𝐒𝐞𝐜𝐭𝐢𝐨𝐧 အတွက်ကိုတော့ 𝟐𝟎𝟐𝟒, 𝐉𝐚𝐧𝐮𝐚𝐫𝐲 လ 𝟑𝟏 ရက်နေ့ နောက်ဆုံးထား အပြီးသတ်ပေးရသလို ၊ 𝐑𝐞𝐬𝐮𝐥𝐭 တွေကိုလည်း October 2024 မှာ ကြေညာခဲ့ပြီးတာပဲ ဖြစ်ပါတယ်

𝐑𝐈𝐒𝐄 𝐆𝐥𝐨𝐛𝐚𝐥 𝐒𝐜𝐡𝐨𝐥𝐚𝐫𝐬𝐡𝐢𝐩 ရဲ့ 𝐀𝐩𝐩𝐥𝐢𝐜𝐚𝐭𝐢𝐨𝐧 𝐏𝐞𝐫𝐢𝐨𝐝 ကတော့ ယေဘုယျအားဖြင့် 𝐒𝐞𝐩𝐭𝐞𝐦𝐛𝐞𝐫 𝐭𝐨 𝐉𝐚𝐧𝐮𝐚𝐫𝐲 အားဖြင့် ကြာမြင့်သလို၊ 𝐑𝐞𝐬𝐮𝐥𝐭 ကိုလည်း 𝐎𝐜𝐭𝐨𝐛𝐞𝐫 လ ဝန်းကျင်မှာ ထုတ်ပြန်လေ့ရှိပါတယ်

RISE Global Scholarship Winner အဖြစ် ရွေးချယ်ခံရရင် ဘာအကျိုးကျေးဇူးတွေ ရရှိမလဲ

Residential Summit

Higher Education Scholarship

ပညာရေးအတွက် တက္ကသိုလ် တက်ရောက်စဉ် ကာလပတ်လုံး Tuition Fees , Stipend နှင့် အတူ လိုအပ်ချက်အပေါ် မူတည်၍ Financial Aid ထောက်ပံ့မှုတွေလည်း ပါဝင်သွားမှာ ဖြစ်ပါတယ်။

Mentorship & Career Service

Network Matching

Starter Technology Packages

Partner Networking အစရှိတာတွေ ပါဝင်သွားဦးမှာပါ

ယခုလက်ရှိအထိ မြန်မာနိုင်ငံမှ RISE Global scholarship ရရှိထားသူ လူငယ် လေးယောက်ရှိနေပြီပဲ ဖြစ်ပါတယ်။

2022 တွင် Winner 2 ဦး

2023 တွင် Winner 1 ဦး နှင့်

ယခု 2024 အတွက် Winner 1 ဦး ရှိနေပါပြီ။

ကိုယ်က ထက်မြက်တယ်၊ ဇွဲလုံ့လရှိရှိ နဲ့ ပတ်ဝန်းကျင်ကို အကျိုးပြုလိုတဲ့ စိတ်နှင့် အတူ ဆန်းသစ်တီထွင်လိုစိတ် ရှိတဲ့ လူငယ်တွေအနေနဲ့ ကြိုးစားလျှောက်ထားသင့်တဲ့ program ဆိုရင်လည်း မမှားပါဘူး။

သတင်းကောင်းတစ်ခုအနေနဲ့ Rise နှင့် အတူ UWC ဟာ မိတ်ဖက်အဖွဲ့အစည်းတွေဖြစ်တဲ့အတွက် Winner တွေအတွက် အထူးအခွင့်အရေး အနေနဲ့ UWC-Rise Scholarship ကို လျှောက်ထားနိုင်မှာပါ

မကြာခင်မှာလည်း Chate ကနေ RISE Global Scholarship နဲ့ ပတ်သက်တဲ့ အကြောင်းအရာတွေ၊ အသေးစိတ် အချက်အလက်တွေ ယူဆောင်လာပေးမဲ့ Webinar တစ်ခု ရှိတဲ့ အကြောင်းလည်း ကြိုတင် အသိပေး အကြောင်းကြားလိုက်ရပါတယ်

Global Perspective အားကောင်းတဲ့ လူငယ်တွေအတွက် အထောက်အကူဖြစ်စေမယ့် program ဖြစ်တဲ့အတွက် လျှောက်ထားနိုင်ဖို့ မျှဝေလိုက်ရပါတယ်ရှင်

Chate Your Dreams

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

“ချိတ်” ရဲ့ အရင်က ပို့စ်တွေမှာ တင်ခဲ့တဲ့အတိုင်းပဲ US universities တွေ လျှောက်ကြတဲ့အခါ academic အပိုင်းတွေဖြစ်တဲ့ grades တွေ၊ test scores တွေသာမက၊ extracurriculars တွေမှာပါ ပြည့်စုံဖို့ လိုအပ်တယ်ဆိုတာ သိကြပြီးသားဖြစ်မှာပါ။

ဒီအပတ် “ချိတ်” ကပြောပြသွားမှာကတော့ ကျောင်းတွေ ကြိုက်နှစ်သက်ကြတဲ့ extracurricular activity တစ်ခုဖြစ်တဲ့ research အကြောင်းနဲ့၊ ကျွန်မတို့ မြန်မာကျောင်းသားတွေအနေနဲ့ ဘယ်လို research အခွင့်အလမ်းတွေရှာ နိုင်မယ်ဆိုတာ ပြောပြသွားမှာပဲဖြစ်ပါတယ်။

ဒါဆို Research ဆိုတာ ဘာပါလိမ့်?
Research လုပ်တယ်ဆိုတာ အမေရိကန်နိုင်ငံမှာတော့ ကိုယ့်ကျွမ်းကျင်ရာ area တစ်ခုက topic တစ်ခုကို စနစ်တကျ စာတမ်းပြုစုပြီး science journal တွေမှာ Publication လုပ်နိုင်တဲ့အထိ စာတမ်းပြုစု Paper ထုတ်တာကို Research လို့ခေါ်ပါတယ်။

ဒီနေရာမှာ research ဆိုတဲ့ စကားဟာ ကြီးကြီးကျယ်ကျယ် စာတမ်းကြီးတစ်ခု ရေးပြရမယ် မဆိုလိုပါဘူး။ High School level research တွေဟာ topic သေးသေး ဖြစ်ရသလို၊ ကျောင်းသားကိုယ်တိုင် လုပ်ကိုင်နိုင်တဲ့ (ဝါ) စျေးကြီးကြီး research equipment တွေ၊ lab တွေ၊ government confidential data တွေမလိုတဲ့ research တွေပါ။ 

ဒီလို “research လုပ်တယ်” ဆိုတာ ကျောင်းသားက သူ စိတ်ဝင်စားတဲ့ topic တစ်ခုကို နက်နက်နဲနဲ လေ့လာချင်စိတ်ရှိတယ်ဆိုတဲ့ academic curiosity ကို ပြပါတယ်။ ဒါ့အပြင် research လုပ်တယ်ဆိုတာ နည်းစနစ်ပေါင်းများစွာကို လိုက်နာရတဲ့အတွက် college level research အတွက် ကြိုပြင်ဆင်တယ်ဆိုရင်လည်း မမှားပါဘူး။

ဒီနေရာမှာ high school students တွေလုပ်နိုင်တဲ့ research (၂) မျိုးရှိပါတယ်။ သူတို့တွေကတော့ –

 လက်ရှိမှာ research လုပ်နေကြတဲ့ university professor တွေ၊ PhD students တွေရဲ့ လက်အောက်မှာ intern position အနေနဲ့လည်း research လုပ်နိုင်သလို၊

 Research ဖို့ topic စဉ်းစားရာက စပြီး publication လုပ်နိုင်ဖို့ academic journal တွေမှာ submit တဲ့အဆုံး ကိုယ်ကိုယ်တိုင် အကုန်လုပ်ရတဲ့ independent research တွေပဲဖြစ်တယ်။
Research လုပ်တယ်ဆိုတာ အရမ်းခက်ခဲ လက်ဝင်တဲ့ extracurricular တစ်ခုပါ။

Research ရဲ့ အစ ပထမဦးဆုံးဖြစ်တဲ့ “ဘာ topic ကို research ကြရမလဲ” နဲ့ “ဘယ်လို research ကြရမလဲ” ဆိုတဲ့ မေးခွန်းနှစ်ခုဟာ လွယ်မလိုနဲ့ အတော်ခက်ပါတယ်။
US မှာတော့ အထက်တန်းကျောင်းသားတွေဟာ တက္ကသိုလ် professor တွေနဲ့ အချိန်မရွေးဆက်သွယ်နိုင်ကြတယ်၊ Dual-enrollment လို့ခေါ်တဲ့ အထက်တန်းကျောင်းတက်နေရင်း တက္ကသိုလ်က ဘာသာရပ်တွေပါ သင်ယူနိုင်တဲ့ program တွေရှိကြတဲ့အတွက် research လုပ်နိုင်တဲ့ opportunities တွေ များပါတယ်။ ဒါ့အပြင် ကိုယ်လုပ်ထားတဲ့ research project တွေကို စာတမ်းပြုစု publish ပေးမယ့် journal တွေကလည်း သူတို့အတွက်တော့ လက်တစ်ကမ်း အကွာမှာပါ။ ဒါတင် မကသေးပါဘူး၊ ဒီလို Reserch project တွေကို လူအများရှေ့ချပြနိုင်တဲ့ science competition တွေဟာဆိုရင်လည်း အမြောက်အများပါ။

ဒါပေမယ့် ကျွန်မတို့လို့ international student တွေအတွက်တော့ research activity ဆိုတာ တော်တန်ရုံ မဟုတ်ပါဘူး။ အထူးသဖြင့် independent research ဆို ပိုတောင် မလုပ်နိုင်ကြပါဘူး။ ကိုယ်လုပ်တဲ့ research ကို ဘယ်သူ့အကူအညီမှ မပါပဲ publish လုပ်ဖို့ဆိုတာကလည်း မဖြစ်နိုင်တဲ့ အခက်အခဲကြီးတစ်ခုပါ။ ဒါပေမယ့်၊ independent research မလုပ်နိုင်တဲ့ မြန်မာကျောင်းသားတွေဟာ research လုပ်နေကြပြီးသား ဆရာ၊ဆရာမကြီးတွေရဲ့ တပည့်အနေနဲ့တော့ ပါဝင်နိုင်ပါသေးတယ်။

st opportunity: Email the Professors
တက္ကသိုလ်တွေရဲ့ professor တွေ၊ PhD student တိုင်းက သူတို့လက်ရှိလုပ်ကိုင်နေကြတဲ့ research ကိုယ်စီရှိကြပါတယ်။ ဒါကြောင့် ကိုယ်က သူတို့တွေရဲ့ research မှာ စိတ်ဝင်စားကြောင်းနဲ့၊ ကိုယ့်မှာရှိတဲ့ skill တွေ၊ background knowledge တွေ၊ academic grades တွေကို ချပြနိုင်တဲ့ email တွေလိုက်ပို့ပါ။ ဒီလို email ပို့ရာမှာလည်း researcher တစ်ယောက်ထဲကိုပဲ ပို့လို့မရပါဘူး၊ ဘာကြောင့်ဆို အငြင်းခံရမှာပါ။ Researcher ဆယ်ယောက်နဲ့အထက်ကို email တွေပို့ရပါမယ်။ ဒီလို ကိုယ့်ရဲ့ personality အကြောင်း အသေးစိတ်မပါဘဲ မိတ်ဆက်စာသာသာ email တွေကို “cold email” လုပ်တယ်လို့ခေါ်ပါတယ်။
ဒါပေမယ့်လည်း ကိုယ် email ပို့နေတဲ့ researcher ရဲ့ research topic အကြောင်းကိုတော့ သိရမှာပေါ့နော်။ မသိရင် researcher စိတ်ဆိုးပါဦးမယ်

nd opportunity: Apply To Research Programs
Research programs တွေဟာ အထက်တန်းကျောင်းသားတွေကို university professor တွေ၊ PhD students တွေ၊ Teachers’ Assistant (TA) တွေနဲ့ ချိတ်ဆက်ပေးတဲ့ programs တွေပါ။ ကျောင်းသားရဲ့ စိတ်ဝင်စားတဲ့ field အောက်က researcher တွေနဲ့ match ပေးပြီးတော့ 1-on-1 mentoring program တွေရယ်၊ group research ရယ်ဆိုပြီး ရှိပါတယ်။

Lumiere Education

Lumiere Education ဆိုတာကတော့ Harvard နဲ့ Oxford က PhD students နှစ်ယောက်အတူတူ ထူထောင်ခဲ့တဲ့ အဖွဲ့အစည်းပါ။ သူတို့က အထက်တန်းကျောင်းသားတစ်ဦးဆီကို researcher တစ်ယောက်ဆီနဲ့ ချိတ်ဆက်ပေးပြီး၊ mentor-apprentice အနေနဲ့ research အတူတူလုပ်ကြရမှာပါ။ ဘယ်နိုင်ငံက ကျောင်းသားမဆို လျှောက်ထားနိုင်ပြီးတော့ partial to full scholarship တွေလည်း offer ပါတယ်။
https://www.lumiere-education.com
EnergyMag Research Internship
EnergyMag က လက်ရှိကမ္ဘာပေါ်မှာ လူတွေသုံးစွဲနေတဲ့ energy နဲ့ energy resources တွေကို လေ့လာနေတဲ့ non-profit organization တစ်ခုပါ။ သူက high school နဲ့ college ကျောင်းသားတွေကို organization ရဲ့ research တွေမှာ intern researcher အနေနဲ့ ခေါ်ယူပါတယ်။ Half-time internship ဆိုတဲ့ ၂-၈ ပတ် နဲ့ quarter-time internship ဆိုတဲ့ ၁-၉လ ကြာ နှစ်မျိုးရှိပါတယ်။ သူ့ရဲ့ကောင်းတဲ့အချက်ကတော့ လုံးဝ free of charge ပါ။ ကိုယ့်ကို intern အနေနဲ့ ရွေးပြီးတာနဲ့ researcher ရဲ့ mentorship အောက်မှာ လုပ်နိုင်ပါပြီ။
https://energymag.net/internships/

PHC Group, LLC Mary-Miller Summer Program

ဒီ program ကတော့ အထက်တန်းကျောင်းသားတွေ နွေရာသီ ကျောင်းပိတ်ရက်မှာ ပါဝင်နိုင်မယ့် program ပါ။ ဒီ program မှာ ရွေးချယ်ခံရတဲ့ ကျောင်းသားတွေဟာ PHC ကုမ္ပဏီရဲ့ Public Health Director ရဲ့ mentorship အောက်မှာ social media အကြောင်း research တွေ၊ community service တွေနဲ့ PHC Group ရဲ့ နိုင်ငံတကာက client တွေနဲ့ ဆက်သွယ် ရမယ့် internship program တစ်ခုပါ။ သူက အခကြေးငွေတစ်ခုမှ မပေးရတဲ့အပြင် paid internship ဖြစ်တဲ့အတွက် လစာပါ ပြန်ရမှာနော်။
http://www.thephcgroup.com/high-school-summer-program

Horizon Inspires

ဒီ program က Lumiere Education နဲ့ ပုံစံတူပါတယ်။ အထက်တန်းကျောင်းသားတွေကို PhD students တွေနဲ့ ချိတ်ဆက်ပေးပြီးတော့ 20-page research paper ရေးရပါတယ်။ ကျောင်းသား စိတ်ဝင်စားတဲ့ ဘယ် topic မှာမဆို လျှောက်ထားနိုင်ပြီးတော့ STEM course နဲ့ Social Science Course ဆိုတဲ့အောက်မှာ course သေးသေးလေးများစွာရှိပါတယ်။ Winter cohort နဲ့ Summer cohort နှစ်ခုရှိပေမယ့် Winter cohort က applicant တွေကိုပဲ scholarship ပေးပါတယ်။
https://www.horizoninspires.com
Research program တွေက အများကြီးရှိပါတယ်။ ဒီ ပို့စ်မှာ ပါဝင်တာတွေကတော့ prestigious ဖြစ်သလို financial aid ရှိတဲ့၊ ဒါမှမဟုတ် ပိုက်ဆံမပေးရတဲ့ program တွေကိုဖော်ပြပေးလိုက်ပါတယ်။

လက်တလောမှာ US တက္ကသိုလ်တွေ လျှောက်ကြတဲ့ ကျောင်းသားတွေဟာ research ကို extracurricular အနေနဲ့ အများကြီးပိုလုပ်လာကြတာ တွေ့ရပါတယ်။ ဒါကြောင့် ကိုယ်နဲ့ ဆင်တူတဲ့ applicant တွေကြားမှာ ထင်ပေါ်ဖို့ဆိုရင် research လုပ်ရာမှာ reputation ရှိတဲ့ organization တွေမှာ လုပ်သင့်ပါတယ်။ ဒါ့အပြင် ကိုယ်က ကိုယ့် research topic အပေါ်မှာ အမှန်တကယ် စိတ်ဝင်စားတယ်ဆိုတဲ့ အချက်က အရေးအကြီးဆုံးပဲ ဖြစ်ပါတယ်။
Research အပျံစားတွေနဲ့ ကျောင်းအပျံစားတွေ ဝင်ခွင့်ရကြပါစို့ 

Chate your dreams
ချိတ် - The Hook

Content writer - Phuu Pwint Thura
Graphic Designer - Kyail Nay La

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

Community College Application

ဒီအပတ်ကတော့ အားလုံးနဲ့ ရင်းနှီးပြီးသား ဖြစ်တဲ့ Community Collegeကို ဆရာကျကျ ဘယ်လိုလျှောက်ရမလဲဆိုတာကို Tipsတွေနဲ့ အသေးစိတ်ပြောပြပေးသွားမှာပါ။ Bonusအနေနဲ့လည်း cost-effectiveဖြစ်ပြီး စျေးသက်သာလှတဲ့ Community College ကို တစ်ပြားမှ မကုန်ပဲ တက်နိုင်တဲ့ နည်းလေးကိုလဲ မျှဝေပေးအုံးမှာမို့လို့ ဖတ်ရှုပေးကြအုံးနော်။

* ပထမဆုံးအနေနဲ့ Community Collegeဆိုတာ ဘာလဲ။

Community Collegeဟာ ယေဘုယအားဖြင့် two-year Associate's degree programsတွေကိုသာ offerပေးတာဖြစ်ပြီး ကျောင်းသားတွေအနေနဲ့ ccမှာ (၂)နှစ်တက်ပြီး 4-year universityကို transferနိုင်ပါတယ်။ ဒါကို 2+2 planလို့ ခေါ် ပြီး ကုန်ကျစရိတ်အရမ်းသက်သာတာရယ်၊ flexible class timesတွေရယ်ကြောင့် ကျောင်းသားအများစုရွေးကြတဲ့ လမ်းလဲ ဖြစ်ပါတယ်။

Community collegeရဲ့ programsအများစုဟာ ကျောင်းသားတွေကို 100%လက်ခံတာဖြစ်ပြီး တစ်ချို့သော nursingနဲ့ engineering programs တို့သာ selective လက်ခံတာပါ။

* ဘယ်သူတွေ Community Collegeကိုတက်ကြတာလဲ။

Community collegeကျောင်းသားတွေရဲ့ average age ကတော့ (၂၈)နှစ် အထက်မှာ ရှိပါတယ်။ ဘာဖြစ်လို့လဲဆိုရင် လုပ်ငန်းခွင်နယ်ပယ်က အလုပ်ပြောင်းချင်တာကြောင့် နဲ့ ရာထူးတိုးချင်တာတွေကြောင့် ကျောင်းပြန်လာတက်တဲ့ လူကြီးတွေ နဲ့ နောက်ဆုံး 4-year universityကို transferကြမယ့် ကောလိပ်ကျောင်းသားတွေ ရှိကြပါတယ်။ ဒါ့အပြင် Liberal Arts College တွေနဲ့ University ကြီးတွေရဲ့ ကြီးမားလှတဲ့ Tuition Fees ကြောင့် 2 နှစ်လောက် Tuition Fees သက်သက်သာသာနဲ့ CC အရင်တက်ပြီး မှ College Transfer ချင်သူတွေ လည်း ရှိပါတယ်။

* Community Collegeဆိုတာ ဘယ်လိုနေရာမျိုးလဲ။

Community Collegeမှာ လူပေါင်းစုံရှိလို့ ကိုယ့်ရဲ့ ရည်မှန်းချက်၊ ရည်ရွယ်ချက်တွေ အလွယ်ပျောက်နိုင်တဲ့ နေရာလည်း ဖြစ်ပါတယ်။ ဒါပေမယ့်လည်း ကိုယ့်ရဲ့ ရည်ရွယ်ချက်ကို သေချာဆုတ်ကိုင်ပြီး အောင်မြင်ကြတဲ့ လူတွေလည်း အများကြီးပါ။

အမှန်တော့ Community collegeမှာ
- collegesတွေ လျှောက်တုန်း ကိုယ့်ရဲ့ dream schoolနဲ့ လွဲခဲ့သူတွေ၊
- အကြောင်းအမျိုးမျိုးကြောင့် ကျောင်းစာတွေနဲ့ ဝေးခဲ့ရသူတွေ၊
- high schoolမှာတုန်းက အမှတ်မကောင်းတဲ့ သူတွေ နဲ့
- ကိုယ်ဘာကို စိတ်ဝင်စားမှန်းမသိ လမ်းပျောက်နေတဲ့ သူတွေအတွက်‌‌တော့ သူတို့ရဲ့ life goalsတွေ အတွက် ဒုတိယအခွင့်အရေးကြီးပါဘဲ။

Community College ကို ဘယ်လိုလျှောက်ကြမလဲ

Step 1 : Decide Where to Apply

CC လျှောက်ဖို့ ပထမဆုံးအချက်ကတော့ ကျောင်းရွေးတာပါပဲ။
>> ccပြီးရင် ကိုယ်က ဘယ်ကျောင်းကို ပြောင်းချင်တာလဲ။<<

>>ကိုယ်က ဘယ်မေဂျာကို စိတ်ဝင်စားတာလဲ။<<

>>ကိုယ့်ရဲ့ community collegeက ဘယ်ကျောင်းတွေနဲ့ transfer agreementsတွေ ရှိလဲ။<<

Community collegeအများစုမှာ သူတို့ရဲ့ Local State Universities တွေနဲ့ "Articulation Agreements"တစ်နည်းအားဖြင့် "Credits Transfer Agreements"ရှိပါတယ်။ သို့မှသာ ကျောင်းသားတွေ အနေနဲ့ ကိုယ့်တက်ခဲ့တဲ့ Credits တွေ အကုန် အချည်းနှီးမဖြစ်စေဘဲ Universityကို Transfer လုပ်နိုင်မှာပါ။

>>ဘယ်stateမှာ နေချင်တာလဲ။<< ရာသီဥတု၊ အစားအသောက်၊ ပတ်ဝန်းကျင်အခြေအနေ စသည်ဖြင့် ထည့်သွင်းစဉ်းစားသင့်ပါတယ်။

>>Community collegeတွေမှာ အဆောင်တွေ မရှိတဲ့ အတွက် ကျောင်းနဲ့ နီးတဲ့ တိုက်ခန်း (သို့) အိမ်တွေ ရှိလား။<<

>>အိမ်ငှား စျေးကရော ကိုယ့်ရဲ့ ဘက်ဂျက်နဲ့ ကိုက်ရဲ့လား။ <<
(ဉပမာအနေဖြင့် New Yorkလို မြို့ကြီးတွေမှာ အိမ်ဌားခဟာ ယေဘုယအားဖြင့် တစ်လကို $1500 ကနေ $3000အထိ ရှိပြီး တစ်ခြားမြို့ငယ်တွေမှာတော့ တစ်လကို $600ကနေ $1000အထိ ရှိပါတယ်။)

ပြီးတော့ကျောင်းနဲ့ နီးနီးနားနားအိမ်ကို မရရင်လည်း ကိုယ်နေတဲ့ မြို့က (transportation) busတွေ ရှိရဲ့လား လေ့လာသင့်ပါတယ်။ ဘာလို့လဲဆိုရင် တစ်ချို့မြို့တွေမှာ busတွေ သိပ်မရှိတတ်လို့ပါ။ ကိုယ်က ကားမောင်းတတ်တယ်၊ ကားလည်းတတ်နိုင်တယ် ဆိုရင်တော့ ကားနဲ့သွားလို့ ရပါတယ်။ ဒါပေမယ့် ဒီမှာ သတိပြုသင့်တာက သူတို့ရဲ့ stateတစ်ခုနဲ့ တစ်ခု မတူတဲ့ lawတွေပါ။ ကိုယ်က "international driving license"နဲ့ လာပင်မယ့်လည်း တစ်ချို့ပြည်နယ်တွေမှာ အချိန်အကန့်အသန့်ရပင်မယ့် တစ်ချို့ကတော့ "international driving license"ကို လက်မခံပါဘူး။ ဥပမာအားဖြင့် North Carolina Stateမှာ international license ကို အသိအမှတ်မပြုပါဘူး။

ရေမြေခြားပြီး မတူညီတဲ့ lawsတွေ၊ cultureနဲ့ environment တွေအပြင် မရင်းနှီးတဲ့ education systemတွေကြောင့် international studentsတွေအနေနဲ့ ကိုယ့်ရဲ့ အသိ (သို့) အကူအညီပေးနိုင်တဲ့ မြန်မာလူမျိုးတွေ ရှိတဲ့ မြို့ကို ရွေးဖို့ အကြံပေးချင်ပါတယ်။ ကိုယ့်မှာ အသိမရှိ၊ အဖော်လည်း မရှိဘူးသေးဘူးဆိုရင်တော့ ကျောင်းရဲ့ DSO (Designated School Official)တွေနဲ့သာ ရင်းနှီးအောင် ပေါင်းသင်းထားပါ။ သူတို့က International Studentsတွေရဲ့ Immigration ကိစ္စအဝဝကို ကိုင်တွယ်ပြီး များသော အားဖြင့် ဖော်ရွေလို့ အခက်အခဲရှိရင် သူတို့နဲ့ တိုင်ပင်နိုင်ပါတယ်။

Step 2 : Prepare for Requirements and Apply

ကျောင်းရွေးပြီးရင်တော့ ကိုယ့်ကျောင်းရဲ့ application formဖြည့်ရပါမယ်။ အချို့ကျောင်းတွေက ကိုယ်ပိုင်online application ရှိပြီး တစ်ချို့ကတော့ ပြည်နယ်အလိုက် ကျောင်းတွေအတွက် သီးသန့် platformကနေ ကျောင်းလျှောက်ရပါတယ်။ ဥပမာ - California Community Collegesတွေကို လျှောက်နိုင်တဲ့ CCCApply ၊ North Carolinaက ကျောင်းတွေကို လျှောက်နိုင်တဲ့ CFNC ( College Foundation of North Carolina )

Application Formတင်ပြီးရင်တော့ international studentsတွေ အတွက် မဖြစ်မနေလိုတဲ့ Application Fee ပေးရပါတယ်။ တစ်ချို့ကျောင်းတွေအတွက် မပေးရတာတွေ၊ fee waiverတွေ ရှိတတ်ပါတယ်။
Application Formတင်ပြီးရင်တော့ ကျောင်းက တောင်းတဲ့ လိုအပ်ချက်တွေကို ပြင်ဆင်ပြီး ပို့ရုံပါပဲ။

Community collegeလျှောက်တဲ့အခါ ထွေထွေထူးထူး ဘာမှ သိပ်ပြင်စရာ မလိုပါဘူး။ ယေဘုယအားဖြင့် -
* High School (သို့) GED ပြီးထားကြောင်း လက်မှတ် (ဒါမှမဟုတ်) College degreeတစ်ခုခု ပြီးထားတဲ့ လက်မှတ်နဲ့ transcriptတွေ၊
* English Proficiency Test Scores (Duolingo, IELTS, TOEFL)တွေနဲ့
* ကိုယ့်ရဲ့ ငွေကြေးတတ်နိုင်ကြောင်း အထောက်အထား (Bank Statement)
* သက်တမ်းမကုန်သေးတဲ့ passport - စသဖြင့် လိုပါတယ်။

တစ်ချို့ကျောင်းတွေကတော့ English Proficiency Test Scoreတွေ လက်မခံဘဲ သူတို့ကျောင်းက Placement testတွေကိုသာ ဖြေခိုင်းပါတယ်။ ဥပမာအားဖြင့် Accuplacer ESL Testတို့၊ RISE Placement Testတွေ ဖြေခိုင်းပါတယ်။

Step 3 : Get I-20 and Prepare to Get Visa

ကျောင်းကို လိုအပ်တာတွေ အကုန်ပြင်ပြီး ပို့ပြီးရင်တော့ ကျောင်းက Admission Letterနဲ့ I-20ကို ပို့ပါလိမ့်မယ်။ ပုံမှန်အားဖြင့် တစ်ပတ်ကနေ နှစ်ပတ်အတွင်း ကြာပါတယ်။ ဒီ့ထက်ကြာတဲ့ ကျောင်းလည်း ရှိပါတယ်။
I-20ရရင်တော့ SEVIS fee (SEVIS - Student and Exchange Visitor Information System)ပေးပြီးတော့ Visaဖြေဖို့ ပြင်ရုံပါပဲ။

 Suggestion (Do Your Own Research)

Community Collegeတွေမှာ ကောင်းတဲ့ ကျောင်းတွေလဲ ရှိသလို သိပ်မကောင်းတဲ့ ကျောင်းတွေလဲ ရှိပါတယ်။ မိမိအနေနဲ့ ကျောင်းရှာရာမှာ သူများတွေရဲ့ အပြောကို နားယောင်တာထက် ကိုယ့်ဘာသာလေ့လာသင့်ပါတယ်။ ဥပမာအနေနဲ့ niche.com လို websiteကနေ ကျောင်းတွေရဲ့ Gradingတွေ လေ့လာနိုင်တဲ့ အပြင် အဲ့ဒီက ကျောင်းသားတွေရဲ့ ထင်မြင်ချက်တွေ၊ အတွေ့အကြုံတွေကိုလည်း လေ့လာနိုင်ပါတယ်။

နောက်တစ်ခုက ကိုယ့်ကျောင်းရဲ့ Student-to-Faculty ratioကိုလဲ လေ့လာသင့်ပါတယ်။ ဥပမာအနေနဲ့ Houston Community Collegeရဲ့ Student-to-Faculty ratioက 18-to-1 နဲ့ Durham Technical Community Collegeရဲ့ Student-to-Faculty ratioကတော့ 7-to-1 ဖြစ်ပါတယ်။ Student-to-Faculty ratio နည်းလေလေ ကိုယ့်ကို professorက ကောင်းကောင်းဂရုစိုက်နိုင်လေ ပါပဲ။

ကိုယ့်ရဲ့ professorအကြောင်း၊ သူ့ရဲ့ သင်ကြားပုံတွေ သိချင်ရင်လည်း ratemyprofessor.com မှာ စပ်စုနိုင်ပါတယ်။

*နောက်ဆုံးတစ်ချက်ကတော့ အားလုံးမျှော်နေတဲ့ Bonus Section ပါပဲ။*

Community Collegeကို free ဘယ်လိုတက်မလဲ?

International studentsတွေ အနေနဲ့ Scholarshipတွေ၊ Grantတွေ ရနိုင်ပင်မယ့် Tuition fees ကို အပြည့် coverဖို့ မဖြစ်နိုင်ပါဘူး။ ဒါ‌ပေမယ့်... North Carolinaမှာတော့ ဖြစ်နိုင်ပါတယ်။ အဲ့တာကတော့ Non-Profit Sponsored In-State Tuitionပဲ ဖြစ်ပါတယ်။

Non-Profit Sponsored In-State Tuitionဆိုတာ North Carolinaမှာထုတ်ထားတဲ့ lawတစ်ခုအရ non-resident တစ်ယောက်က NCရဲ့ Community collegeတစ်ကျောင်းမှာ ကျောင်းတက်ပြီး အဲ့ကျောင်းသားကို Non-profit Organizationတစ်ခုခုက ထောက်ပံ့မယ်ဆိုရင် ကျောင်းလခကို In-state Tuition Feeဖိုးနဲ့သာ Organizationက ပေးရတာပါ။

Non-profit organizationကိုလည်း North Carolina Stateကသာ ရှာရမယ်လို့ သတ်မှတ်ထားခဲ့သော်လည်း မကြာသေးခင်က United Statesတစ်နိုင်လုံးကနေ ရှာနိုင်တယ်လို့ ထပ်တိုးပေးခဲ့ပါတယ်။
အသေးစိတ်သိချင်ရင်တော့ North Carolinaက ကျောင်းတစ်ကျောင်းရဲ့ websiteက Non-Profit Sponsored In-State Tuitionအကြောင်းကို အောက်က လင့်မှာ လေ့လာလို့ ရပါတယ်။

Steps to Apply for Non-Profit Sponsored In-State Tuition | Durham Technical Community College

Reference from How to Apply for Community College: 9-Step Guide (prepscholar.com)

ဒါဆိုရင်တော့ Community College Application Process တစ်ခုလုံးကို သေချာလေး သိရှိသွားလိမ့်မယ်လို့မျှော်လင့်ပါတယ်။ ချိတ်ကနေပြီး နောက်ထပ်လည်း Content အသစ်တွေ တင်တက်ပေးသွားပါဦးမယ်။

Content Writer - Shoon Lai Paing
Graphics - Kyail Nay La
Chate Your Dreams 
ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

“Transfer Application”

Community College to 4-year College

Community College ကျောင်းသားတွေဟာ college က Associate’s Degree ရပြီးသည် ဖြစ်စေ၊ သင်ယူနေဆဲဖြစ်စေ၊ 4-year college ကို transfer ပြီး Bachelor’s Degree ရယူနိုင်ပါတယ်။ ဒါဆိုရင် စုစုပေါင်း ကြာချိန်ကတော့ ၄ နှစ်ဖြစ်သွားမှာပါ။

4-year College to another 4-year College

International Institutions to US Colleges and Universities

4-year College to 2-year College

ဒါကတော့ တက္ကသိုလ်တက်နေရင်း Community College ကို transferကြတဲ့ကျောင်းသားတွေအတွက်ပါ။

ဒါဆို စာဖတ်သူကကော ဒီလို transfer ချင်တဲ့ ကျောင်းသားတစ်ယောက်လား? ဒါပေမယ့်နေပါဦး၊ transfer လုပ်ရာမှာ requirement တွေရှိပါသေးနော်။ ကိုယ်က eligible ကော ဖြစ်ရဲ့လား

Requirements တွေကကော

Official High School Transcript

Standardised Test Scores

Application

Supplementary Essays

လက်ရှိတက်ရောက်နေတဲ့ college က ဆရာတွေရဲ့ Academic Letters of Recommendation

Official College Transcript

College ရဲ့ Dean ကဖြည့်ရမယ့် College Report (Report of Good Standing)

Mid Term Report တွေနဲ့

Financial Aid လိုချင်သူတွေအတွက် Financial Aid Application တို့ပဲဖြစ်ပါတယ်။

Credit Transfer

Grade တွေကောင်းရပါမယ်။ GPA ကို အမြင့်ဆုံး ထိန်းထားရမယ့် တာဝန်ရှိပါတယ်။

Extracurricular တွေကလည်း ပြောစရာမရှိအောင် ဖြစ်နေရပါမယ်။ Research တွေလုပ်တာ၊ Campus Job တွေ Summer Job တွေ လုပ်ကိုင်တာ၊ club တွေမှာ ပါဝင်တာ စတာတွေလုပ်ရပါမယ်။

Recommendation letters တွေကလည်း အရေးပါတဲ့ အတွက် professors တွေနဲ့ ရင်းနှီးအောင်နေတာ၊ class တိုင်းမှာ အားတက်သရော ပါဝင်ဖို့လိုပါတယ်။

နောက်ဆုံးကတော့ transfer ရာမှာ “why transfer” ဆိုတဲ့ ရည်ရွယ်ချက် ကောင်းကောင်းပေးနိုင်ရပါမယ်။ ကိုယ်က “လက်ရှိတက်ရောက်နေတဲ့ ကျောင်းကိုမကြိုက်လို့ပါ” ဆိုတဲ့ ပေါ့ပျက်ပျက် ရည်ရွယ်ချက်မဟုတ်ဘဲ “ပိုခက်တဲ့ ကျောင်းမှာ ပိုခက်တဲ့ ဘာသာတွေ သင်ယူပြီး ကိုယ့်ကိုယ်ကိုပြန် challenge” ဖို့ “rigorous setting တစ်ခုလိုချင်လို့” စတဲ့ reason ပေးရပါမယ်။ ဒါဟာ transfer application ရဲ့ essay တွေမှာ ရေးရမှာပါ။

Chate Your Dreams

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

𝐘𝐢𝐞𝐥𝐝 𝐏𝐫𝐨𝐭𝐞𝐜𝐭𝐢𝐨𝐧 အကြောင်း တစေ့တစောင်း

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

𝐓𝐨𝐩 𝐏𝐮𝐛𝐥𝐢𝐜 𝐔𝐧𝐢𝐯𝐞𝐫𝐬𝐢𝐭𝐢𝐞𝐬 𝐢𝐧 𝐭𝐡𝐞 𝐔𝐒 - 𝐏𝐚𝐫𝐭 𝐈

Public Universities ဆိုတဲ့အတိုင်း တက္ကသိုလ်တွေရဲ့ Funding တွေကို သက်ဆိုင်ရာပြည်နယ်အစိုးရတွေရဲ့ အထောက်အပံ့တွေကနေ အဓိကရရှိကြပါတယ်။ ဒါကြောင့်မို့ Private ကျောင်းတွေရဲ့ Tuition Fee တွေက ဒေါ်လာ‌ “ခြောက်သောင်း” လောက်ကနေ စကြတဲ့အချိန်မှာ Public Universities တွေရဲ့ ပညာသင်ယူစရိတ်ကတော့ တစ်နှစ်ကို ဒေါ်လာ “သုံးသောင်းဝန်းကျင်” မှာပဲရှိပါတယ်။ ဒါပေမဲ့ … ဒေါ်လာသုံးသောင်းဝန်းကျင်ဆိုတာ သူ့တို့ရဲ့ ပြည်နယ်သားတွေအတွက် သီးသန့်ဖြစ်ပြီး ပြည်နယ်သားမဟုတ်သူတွေနဲ့ ကျွန်တော်တို့လို International Students တွေအတွက်တော့ Sticker Price က နှစ်ဆကနေ သုံးဆအထိရှိနိုင်ပါတယ်။ ဒါကြောင့်မို့ Public Universities တွေရဲ့ ကုန်ကျစရိတ်တွေကို ကြည့်လိုက်တဲ့အခါ In-state tuition နဲ့ Out-of-state tuition ဆိုပြီး ဈေးနှစ်မျိုးရှိတာကို တွေ့ကြရပါတယ်။ ဒါပေမဲ့လည်း Public Universities တွေရဲ့ Out-of-state tuition စရိတ်က Private Universities တွေရဲ့ tuition fee ထက်အများကြီး သက်သာနေပါသေးတယ်။

ဒါ့အပြင် 𝐏𝐮𝐛𝐥𝐢𝐜 𝐔𝐧𝐢𝐯𝐞𝐫𝐬𝐢𝐭𝐢𝐞𝐬 တွေက ကျောင်းသားအင်အားတောင့်တင်းလေ့ရှိတာမို့ Campus အကျယ်အဝန်းပိုကျယ်ပြန့်သလို အဆောက်အုံတွေလည်း အမြောက်အမြားရှိပါတယ်။ ဒါကြောင့် နိုင်ငံတကာ လူအမျိုးမျိုးနဲ့တွေ့ဆုံနိုင်ပြီး လုပ်ငန်းခွင်ဝင်တဲ့အခါမရှိမဖြစ်လိုအပ်တဲ့ Communication and Leadership ကိုလုံးဝ တိုးမြင့်နိုင်မှာ ဖြစ်ပါတယ်။ ရွေးချယ်စရာ မေဂျာနဲ့ Programs တွေရာနဲ့ချီရှိကြတာကြောင့် ကိုယ်တက်ချင်တဲ့ မေဂျာမရှိမှာလည်း စိုးရိမ်စရာမရှိနိုင်ပါဘူး။ ဒါ့အပြင် Public Universities တွေဟာ ပြည်နယ်အစိုးရကနေ ထောက်ပံ့ကြေးငွေတွေ ရရှိနေတာကြောင့် Research Funding တွေကို ရက်ရက်ရောရော မတည်နိုင်ကာ တစ်နိုင်ငံလုံးရဲ့ Research အပိုင်းမှာ Public Universities တွေက ဦးဆောင်နိုင်ကြပါတယ်။ ဥပမာပေးရမယ်ဆို 𝐔 𝐌𝐢𝐜𝐡𝐢𝐠𝐚𝐧-𝐀𝐧𝐧 𝐀𝐫𝐛𝐨𝐫 နဲ့ 𝐆𝐞𝐨𝐫𝐠𝐢𝐚 𝐓𝐞𝐜𝐡 တွေဟာ US News Undergraduate Research Ranking ရဲ့ Top 10 အတွင်းမှာရှိပါတယ်။

International ကျောင်းသားတွေအတွက် Harvard, Yale, Cornell စတဲ့ Private တက္ကသိုလ်တွေက နာမည်ပိုကြီးပေမဲ့ Public တက္ကသိုလ်တွေကိုတော့ International ကျောင်းသားတွေအကြား ရွေးချယ်မှုအနည်းငယ်နည်းကြပါတယ်။ (အကြောင်းအရင်း အသေးစိတ်ကိုတော့ ဒီမှာ ဖတ်ရှုနိုင်ပါတယ်။) ဒါပေမဲ့လည်း Public Universities တွေမှာ သူမတူတဲ့ အားသာချက်တွေရှိတာမို့ ကိုယ့်မိဘက ငွေကြေးထောက်ပံ့နိုင်တယ်ဆိုရင် Public ကျောင်းဘက်တွေကိုလည်း တစ်ချက်စဉ်းစားသင့်ပါတယ်။ ဒီလို စဉ်းစားရ လွယ်ကူအောင်လည်း ကျွန်တော်တို့ရဲ့ ချိတ်-The Hook ကနေ အကောင်းတကာ့ အကောင်းဆုံး 𝐓𝐨𝐩 𝐏𝐮𝐛𝐥𝐢𝐜 𝐔𝐧𝐢𝐯𝐞𝐫𝐬𝐢𝐭𝐢𝐞𝐬 𝐢𝐧 𝐭𝐡𝐞 𝐔𝐒 - 𝐏𝐚𝐫𝐭 𝐈 ကိုတင်ဆက်လိုက်ရပါတယ်။

Content: 𝘒𝘺𝘢𝘸 𝘡𝘪𝘯 𝘛𝘶𝘯

Graphic: 𝘞𝘪𝘯𝘦 𝘡𝘪𝘯 𝘔𝘰𝘦

𝐔𝐧𝐢𝐯𝐞𝐫𝐬𝐢𝐭𝐲 𝐎𝐟 𝐌𝐢𝐜𝐡𝐢𝐠𝐚𝐧—𝐀𝐧𝐧 𝐀𝐫𝐛𝐨𝐮𝐫 #3 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #21 in National Universities
Acceptance Rate: 18%
Cost of Attendance: ~$75k
Popular Majors: Computer and Information Science; Business Administration and Management
Location: Ann Arbor, Michigan

Michigan ပြည်နယ်ရဲ့ အချက်အချာမြို့ဖြစ်တဲ့ Detroit မြို့နားမှာတည်ရှိပြီး၊ လှပတဲ့ Campus တွေအပြင် Research Opportunites တွေကြောင့် နာမည်ကြီးတဲ့ ထိပ်တီးတက္ကသိုလ်တစ်ခုကိုညွှန်းပါဆိုရင် University of Michigan လို့ခေါ်တဲ့ UM Ann Arbor ကိုပဲညွှန်းဆိုရမှာပါ။ ဘွဲ့ကြိုကျောင်းသားပေါင်း (၃)သောင်းကျော်တက်ရောက်နေတာကြောင့် ကိုယ့်နဲ့စိတ်တူကိုယ်တူသူငယ်ချင်းတွေအပြင် Background မတူညီတဲ့ ကျောင်းသားအမျိုးမျိုးနဲ့လည်း တွေ့ဆုံရမှာဖြစ်ပါတယ်။ Student-Faculty Ratio ကလည်း (၁၅း၁) ဖြစ်တာကြောင့် စာသင်ခန်းမှာ လူနည်းနည်းနဲ့သင်ယူနိုင်ပြီး Professor နဲ့လည်း ရင်းနှီးမှုရယူနိုင်မှာဖြစ်ပါတယ်။

Business, Management, Finance စတဲ့ Program တွေဟာ UM အတွက်အားသာရာဖြစ်ပြီး 𝐑𝐚𝐧𝐤𝐢𝐧𝐠 #𝟒 𝐢𝐧 𝐁𝐮𝐬𝐢𝐧𝐞𝐬𝐬 အဖြစ် US News မှာဖော်ပြထားပါတယ်။ တစ်ခြားသော Science ပိုင်းနဲ့ Liberal Arts အပိုင်းမှာလည်း ဦးဆောင်နေတဲ့ ကျောင်းတစ်ကျောင်းလည်းဖြစ်ပါတယ်။

Public School ဖြစ်တာကြောင့်ကောတစ်ကြောင်း၊ No Aid Policy ကြောင့်ကောတစ်ကြောင်း Non Resident Students တွေကို Financial Aid မပေးပါဘူး။ University of Michigan Campus (Dearborn) အခွဲတွေမှာတော့ Merit Based Scholarship တွေပေးပါတယ်။

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐍𝐨𝐫𝐭𝐡 𝐂𝐚𝐫𝐨𝐥𝐢𝐧𝐚 𝐚𝐭 𝐂𝐡𝐚𝐩𝐞𝐥 𝐇𝐢𝐥𝐥 #4 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #22 in National Universities
Acceptance Rate: 17%
Cost of Attendance: ~$40k
Popular Majors: Social Science; Biological and Biomedical Sciences
Location: Chapel Hill, NC

UNC, Chapel Hill လို့သိကြတဲ့ တက္ကသိုလ်ဟာ အမေရိကန်နိုင်ငံရဲ့ ပထမဆုံး Public တက္ကသိုလ်တစ်ခုဖြစ်ပါတယ်။ (၁၇၉၅) ကတည်းက ကျောင်းသားတွေကိုပညာသင်ကြားပို့ချရာ ဌာနကြီးတစ်ခုဖြစ်တာကြောင့် UNC, Chapel Hill ကို “1𝘴𝘵 𝘢𝘯𝘥 𝘰𝘯𝘭𝘺 𝘱𝘶𝘣𝘪𝘤 𝘶𝘯𝘪𝘷𝘦𝘳𝘴𝘪𝘵𝘺 𝘪𝘯 𝘵𝘩𝘦 𝘜𝘯𝘪𝘵𝘦𝘥 𝘚𝘵𝘢𝘵𝘦𝘴 𝘵𝘰 𝘢𝘸𝘢𝘳𝘥 𝘥𝘦𝘨𝘳𝘦𝘦𝘴 𝘪𝘯 𝘵𝘦𝘩 18𝘵𝘩 𝘤𝘦𝘯𝘵𝘶𝘳𝘺” ဆိုပြီး သိထားကြပါတယ်။

ဒါ့အပြင် Public Univerisity တွေရဲ့ ထုံးစံအတိုင်း North Carolina ပြည်နယ်အတွင်းက Public Universities ကိုစုပေါင်းဖွဲ့ထားတဲ့ University of North Carolina System ရဲ့ အဖွဲ့ဝင်တက္ကသိုလ်တစ်ခုလည်းဖြစ်ပါတယ်။ သက်တမ်းရင့်တဲ့ တက္ကသိုလ်ဖြစ်တာနဲ့အညီ တက္ကသိုလ်ရဲ့ ရာဇဝင်တွေ၊ ဓလေ့ထုံးတမ်းတွေဟာလည်း ကျောင်းသားတွေအတွက် စိတ်ဝင်စားစရာတစ်ခု ဖြစ်နေပါတယ်။ ပြင်ပလူတွေ သိခွင့်မရတဲ့ အကြောင်းအရာတွေလည်း ကျောင်းအတွင်း အမြောက်အမြားရှိနေတယ်လို့လည်း ဆိုကြပါတယ်။

Business Administration and Management, Biology, Registered Nursing, Pharmacy, and Psychology စတဲ့ဘာသာရပ်တွေမှာဆိုရင် UNC က အလွန်အားသာသလို တက္ကသိုလ်ရဲ့ 𝐔𝐍𝐂 𝐄𝐬𝐡𝐞𝐥𝐦𝐚𝐧 𝐒𝐜𝐡𝐨𝐨𝐥 𝐨𝐟 𝐏𝐡𝐚𝐫𝐦𝐚𝐜𝐲 ကပေးအပ်တဲ့ Pharmacy Programs တွေဟာ အမေရိကန်တစ်နိုင်ငံလုံးမှာ အကောင်းဆုံး ဆေးဝါးဆိုင်ရာ Program ဖြစ်ပါတယ်။ STEM ဘက်မှာပဲ အားသာနေတာမဟုတ်ဘဲ Social Science ဘက်မှာလည်း ဟန်ချက်မပျက် နာမည်ရှိတာကြောင့် “Peace, War, and Defense” မေဂျာဟာ ကျောင်းသားတွေကြား နာမည်ကြီးတဲ့ မေဂျာတစ်ခုဖြစ်ပါတယ်။

UNC ကတော့ Public University ဖြစ်တာကြောင့် International Student တွေကို ငွေကြေးမထောက်ပံ့ပါဘူး။

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐕𝐢𝐫𝐠𝐢𝐧𝐢𝐚 #5 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #24 in National Universities
Acceptance Rate: 19%
Cost of Attendance: ~$58k
Popular Majors: Liberal Arts and Science; Social Science
Location: Charlottesville, VA

အမေရိကန်တမ္မတကြီး Thomas Jefferson ကိုယ်တိုင်တည်ထောင်ခဲ့တဲ့ University of Virginia ဟာဆိုရင် US Top Public School မှာအကောင်းဆုံးတွေထဲက တစ်ခုဖြစ်သလို ကမ္ဘာ့သမိုင်းဝင်အမွေအနှစ်စာရင်းဝင် (𝐔𝐍𝐄𝐒𝐂𝐎 𝐖𝐨𝐫𝐥𝐝 𝐇𝐞𝐫𝐢𝐭𝐚𝐠𝐞 𝐒𝐢𝐭𝐞) တစ်ခုလည်းဖြစ်ပါတယ်။ နိုင်ငံရေး၊ လူမှုရေးနဲ့ စီးပွားရေးနယ်ပယ်ဘက်မှာ သူမတူအောင် ကျော်ကြားတဲ့ တက္ကသိုလ်တစ်ခုလည်း ဖြစ်ပါတယ်။ Greek Life လည်း အတော်အသင့်ထွန်းကားတာကြောင့် နိုင်ငံရေးနဲ့ စီးပွားရေးလောကထဲ ခြေဆန့်မဲ့ကျောင်းသားတွေအတွက် အလွန်အဆင်ပြေပါတယ်။

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐅𝐥𝐨𝐫𝐢𝐝𝐚 #6 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #28 in National Universities
Acceptance Rate: 23%
Cost of Attendance: ~$44k
Popular Majors: Biological Science; Business Administration and Management
Location: Gainesville, Florida

မက်ဆီကိုပင်လယ်ကွေ့ထဲ ငေါထွက်နေပြီး ရာသီဥတုမျှမျှတတရှိတဲ့ Florida ပြည်နယ်ဟာ International ကျောင်းသားတွေအကြိုက်တွေ့တဲ့ ပြည်နယ်တစ်ခုဖြစ်ပါတယ်။ ပြည်နယ်ရဲ့အလှတရားတစ်ခုတည်းကြောင့်မဟုတ်ဘဲ Florida ကကောင်းမွန်တဲ့တက္ကသိုလ်တွေရဲ့ ဂုဏ်သတင်းကြောင့်လည်း ကျောင်းသားအများစု ဆွဲဆောင်နိုင်တာဖြစ်ပါတယ်။ ဒီထဲမှာမှ 𝐓𝐨𝐩 𝐒𝐜𝐡𝐨𝐨𝐥 𝐢𝐧 𝐅𝐥𝐨𝐫𝐢𝐝𝐚, Top (6) in Public Schools ဖြစ်တဲ့ University of Florida ကတော့ အထင်ရှားဆုံးဖြစ်ပါတယ်။

တရုတ်၊ အိန္ဒိယ၊ ဖိလစ်ပိုင်၊ ဘင်္ဂလားဒေ့ရှ်၊ မလေးရှား စတဲ့အာရှနိုင်ငံတွေအပြင် ဥရောပ၊ အာဖရိကနိုင်ငံတွေက ကျောင်းသားတွေတက်ရောက်နေကြတာမို့ Culturally Diverse ဖြစ်တဲ့ တက္ကသိုလ်ကြီးတစ်ခုဖြစ်ပါတယ်။ University of Florida ဟာ STEM ဘက်ပိုင်းမှာ ထိထိရောက်ရောက် သုတေသနတွေပြုလုပ်နေသလို အနုပညာဘက်ပိုင်းမှာလည်း တက်တက်ကြွကြွလုပ်ဆောင်နေတဲ့ တက္ကသိုလ်တွေထဲက တစ်ခုဖြစ်ပါတယ်။ ဘွဲ့ကြိုကျောင်းသားတွေအများစုဟာ သုတေသနလုပ်ငန်းတွေမှာ ပါဝင်နိုင်ကြတယ်လို့ တက္ကသိုလ်က ဆိုပါတယ်။

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐓𝐞𝐱𝐚𝐬 𝐚𝐭 𝐀𝐮𝐬𝐭𝐢𝐧 #9 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #32 in National Universities
Acceptance Rate: 31%
Cost of Attendance: ~$62k
Popular Majors: Electrical and Electronics Engineering; Computer Science
Location: Austin, Texas

ပစိဖိတ်ဒေသ ကယ်လီဖိုးနီးယားပြည်နယ်မှာရှိတဲ့ University of California Public School System နည်းတူ Texas ပြည်နယ်မှာလည်း အစိုးရတက္ကသိုလ်တွေပေါင်းစုပြီး ဖွဲ့ထားတဲ့ စနစ်တစ်ခုရှိပါတယ်။ UT System လို့လူသိများပြီး 𝐓𝐡𝐞 𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐓𝐞𝐱𝐚𝐬 𝐒𝐲𝐬𝐭𝐞𝐦 လို့ခေါ်ပါတယ်။ ဒီထဲမှာမှ University of Texas at Austin က အဖွဲ့ဝင်တစ်ကျောင်းဖြစ်ပြီး Texas ပြည်နယ်ရဲ့ အကောင်းဆုံးကျောင်းတွေထဲက တစ်ခုဖြစ်ပါတယ်။

UT Austin ဟာ Engineering နဲ့ နည်းပညာပိုင်းကို အဓိကသင်ကြားပေးတဲ့ ကျောင်းတစ်ကျောင်းဖြစ်ပါတယ်။ ဒါကြောင့်မို့ Computer Engineering, Mechanical Engineering, Electrical Engineering, Computer Science စတဲ့ပရိုဂရမ်တွေဟာ UT Austin ကကျောင်းသားအများစုသင်ယူကြတဲ့ Course တွေဖြစ်ပါတယ်။

International ကျောင်းသားတွေကို Scholarship နှစ်စဉ်နှစ်ကြိမ်ပေးလေ့ရှိပါတယ်။

Georgia Institute of Technology #10 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔

Ranking: #33 in National Universities
Acceptance Rate: 16%
Cost of Attendance: ~$49k
Popular Majors: Computer and Information Science
Location: Atlanta, Capital of Georgia State

အမေရိကန်တောင်ပိုင်း Georgia ပြည်နယ်မှာ ရှိတဲ့ Georgia Institute of Technology ကတော့ နည်းပညာပိုင်းနဲ့ Engineering မှာတော်တော်လေးကို နာမည်ကျော်ကြားတဲ့ ကျောင်းတစ်ကျောင်းဖြစ်ပါတယ်။ US News Ranking ကနေလည်း Georgia Tech ကို Engineering Program တက်ဖို့အတွက်အကောင်းဆုံးကျောင်းတွေထဲမှာ အဆင့် (၃)ဆိုပြီး သတ်မှတ်ပေးထားပါတယ်။ ဒါကြောင့်မို့ Civil, Chemical, Biomedical, Aerospace စတဲ့ အမျိုးမျိုးသော Engineering Program တွေကိုစိတ်ဝင်စားသူဆိုရင် Georgia Tech ကို ဦးစားပေးလျှောက်ထားမဲ့ တက္ကသိုလ်စာရင်းထဲ ထည့်ထားရင်လည်းမမှားပါဘူး။

International Student တွေကို ဝင်ခွင့်ပေးရာမှာ “𝑯𝒊𝒈𝒉𝒍𝒚 𝑺𝒆𝒍𝒆𝒄𝒕𝒊𝒗𝒆” (10%) ဖြစ်တာကြောင့် Georgia Tech ကိုဝင်ခွင့်ရချင်ရင် ကျောင်းသားတွေဘက်ကနေ သေသေချာချာပြင်ဆင်သင့်ပါတယ်။

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐖𝐢𝐬𝐜𝐨𝐧𝐬𝐢𝐧—𝐌𝐚𝐝𝐢𝐬𝐨𝐧 #12 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #35 in National Universities
Acceptance Rate: 49%
Cost of Attendance: ~40k$
Popular Majors: Computer and Information Science
Location: Madison, Wisconsin

ကျောင်းသား (၄)သောင်းကျော်တက်ရောက်နေတဲ့ UW Madison ကတော့ နာမည်အတိုင်း Wisconsin ပြည်နယ်ရဲ့မြို့တော်ဖြစ်တဲ့ Madison မှာတည်ရှိပါတယ်။ Lake Mendota ကန်ပေါ်မှာ မေးတင်ပြီးတင်ရှိတာကြောင့် အေးအေးချမ်းချမ်းရှိပြီး လေတဖြူးဖြူးတိုက်နေတဲ့ Campus Life ကိုအပြည့်အဝခံစားရမှာဖြစ်ပါတယ်။

ကျောင်းသားဦးရေများပေမဲ့လည်း ကျောင်းကနေ ကောင်းကောင်းစီမံခန့်ခွဲနိုင်တာကြောင့် Student Satisfication မြင့်တဲ့ ကျောင်းတစ်ကျောင်းဖြစ်ပါတယ်။ စာသင်ခန်းအပြင် Community Based ပြင်ပလှုပ်ရှားမှုတွေကို တက်တက်ကြွကြွဦးဆောင်နေတဲ့ ဒေသတွင်းတက္ကသိုလ်တစ်ခုဖြစ်ပါတယ်။ ဒါ့အပြင် ဆေးရုံကြီးတစ်ခုကိုလည်းပိုင်ဆိုင်ထားတာဖြစ်လို့ ဆေးပညာဆိုင်ရာကျောင်းသားတွေအနေနဲ့ အတွေ့အကြုံရယူနိုင်မှာဖြစ်ပါတယ်။

Academic Award တွေအမြောက်အမြားပေးပေမဲ့ Tuition စရိတ်ကို မကာနိုင်တာကြောင့် သေချာပြင်ဆင်သင့်ပါတယ်။

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐖𝐚𝐬𝐡𝐢𝐧𝐠𝐭𝐨𝐧—𝐒𝐞𝐚𝐭𝐭𝐥𝐞, 𝐖𝐀 #15 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #40 in National Universities
Acceptance Rate: 48%
Cost of Attendance: ~$41k
Popular Majors: Research and Experimental Psychology; Computer Science
Location: Seattle, Washington

ဝါရှင်တန်မြို့မှာမဟုတ်ဘဲ ပစိဖိတ်သမုဒ္ဒရာဘက်က ဝါရှင်တန်ပြည်နယ်မှာရှိတဲ့ University of Washington ဟာဆိုရင် West Coast Region မှာဆိုရင် သက်တမ်းအရင့်ဆုံးတက္ကသိုလ်ကြီးတွေထဲက တစ်ခုဖြစ်ပါတယ်။ တက္ကသိုလ်ကြီးဖြစ်တဲ့အလျောက် စာကြည့်တိုက်၊ သတင်းအချက်အလက်၊ အဆောက်အဦး၊ သုတေသနလုပ်ငန်း စတဲ့အရာတွေကို “ကျားကြီးခြေရာကြီး” လို့ဆိုရလောက်အောင် ခြေလှမ်းကြီးကြီးနဲ့ ဦးဆောင်နေတဲ့ တက္ကသိုလ်ဖြစ်ပါတယ်။

Research ပိုင်းကို တော်တော်အလေးထားတဲ့ တက္ကသိုလ်ဖြစ်ပြီး Budget အနေနဲ့ တစ်နှစ်ကို ဒေါ်လာ (8 billion)ကျော်သုံးစွဲလေ့ရှိပါတယ်။ Campus က ဧက (၇၀၀)ကျော်ရှိပါတယ်။ ရာသီဥတုအနေနဲ့လည်း အရမ်းလည်းမအေး၊ အရမ်းလည်းမပူဖြစ်တာကြောင့် သက်တောင့်သက်သာရှိစေမဲ့အပြင်၊ သဘာဝတရားနဲ့လည်း အပြည့်အဝထိတွေ့နိုင်မဲ့ ဒေသဖြစ်တာကြောင့် ငွေကြေးဆိုင်ရာအဆင်ပြေမယ်ဆိုရင် လျှောက်ကြည့်သင့်ပါတယ်။

𝐏𝐮𝐫𝐝𝐮𝐞 𝐔𝐧𝐢𝐯𝐞𝐫𝐬𝐢𝐭𝐲 #17 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
Ranking: #43 in National Universities
Acceptance Rate: 50%
Cost of Attendance: ~$49k
Popular Majors: Computer Science; Mechanical Engineering
Location: West Lafayette, Indiana (Main Campus)

Indiana ပြည်နယ် Great Lakes ဒေသမှာရှိတဲ့ Purdue University ကတော့ မြန်မာကျောင်းသားတွေနဲ့ ရင်းရင်းနှီးနှီးရှိတဲ့ Public University တစ်ခုဖြစ်ပါတယ်။ Georgia Tech နည်းတူ Purdue University ဟာ နည်းပညာဘက်ကို အလေးပေးသင်ကြားပေတဲ့ တက္ကသိုလ်ကြီးတစ်ခုဖြစ်ပြီး သူ့ရဲ့ Engineering Programs တွေဟာဆိုရင် US News Ranking မှာ အဆင့် (၈) ချိတ်ပါတယ်။

ယခင်နှစ်ကလည်း Purdue University ကိုမြန်မာကျောင်းသားတွေ ဝင်ခွင့်အလားအလာကောင်းလို့ ကျောင်းကပေးတဲ့ Program တွေကိုကြိုက်တယ်ဆိုရင် လျှောက်ကြည့်သင့်ပါတယ်။ Public School တစ်ကျောင်းဖြစ်တာကြောင့် International Student တွေကို Financial Aid အပြည့်ပေးလေ့မရှိပါဘူး။ Tuition စရိတ်က ဒေါ်လာ (၅)သောင်းနီးပါးရှိပြီး International Student တွေကို ပျှမ်းမျှအနေနဲ့ Financial Aid (၁)သောင်းကျော်ပေးလေ့ရှိတာမို့ ကျန်စရိတ်တွေအတွက် သေချာစဉ်းစားသင့်ပါတယ်။

𝐕𝐢𝐫𝐠𝐢𝐧𝐢𝐚 𝐓𝐞𝐜𝐡 #20 𝒊𝒏 𝑻𝒐𝒑 𝑷𝒖𝒃𝒍𝒊𝒄 𝑺𝒄𝒉𝒐𝒐𝒍𝒔
(𝘰𝘧𝘧𝘪𝘤𝘪𝘢𝘭𝘭𝘺 𝘝𝘪𝘳𝘨𝘪𝘯𝘪𝘢 𝘗𝘰𝘭𝘺𝘵𝘦𝘤𝘩𝘯𝘪𝘤 𝘐𝘯𝘴𝘵𝘪𝘵𝘶𝘵𝘦 𝘢𝘯𝘥 𝘚𝘵𝘢𝘵𝘦 𝘜𝘯𝘪𝘷𝘦𝘳𝘴𝘪𝘵𝘺)

Ranking: #47 in National Universities
Acceptance Rate: 57%
Cost of Attendance: ~$36k
Popular Majors: Management Science; Finance; Mechanical Engineering
Location: Blacksburg, Virginia

မြို့တစ်မြို့လုံးကို ဖုံးလွမ်းထားတဲ့ တက္ကသိုလ်တစ်ခုမှာ ပညာသင်ယူချင်ပါသလား။ တောင်ပေါ်ဒေသအေးအေးချမ်းချမ်းဖြစ်ပြီး သုတတေသနအတွေ့အကြုံတွေကို ရယူချင်ပါသလား။ ဒါဆိုရင်တော့ Virginia ပြည်နယ်၊ Blacksburg မြို့မှာအခြေစိုက်ထားတဲ့ Virginia Tech ကိုညွှန်းပါရစေ။ Blacksburg မြို့တစ်ဝက်ကျော်ကျော်လောက်ကို Virginia Tech ရဲ့ Campus ကနေ နေရာယူထားတာဖြစ်လို့ စီးပွားရေးအရကော၊ လူမှုရေးအရကော မြို့အပေါ်လွမ်းမိုးမှုတော်တော်ကြီးတဲ့ တက္ကသိုလ်တစ်ခုဖြစ်ပါတယ်။

Office of Naval Research ကနေ သုတေသီနလုပ်ငန်းစဉ်တွေအတွက်ထောက်ပံ့ပေးထားပြီး သုတေတနပိုင်းကို အားပေးလုပ်ဆောင်နေတဲ့ တက္ကသိုလ်တစ်ခုလည်း ဖြစ်ပါတယ်။ အားကစားပိုင်းကိုလည်း အလေးထားပြီး ဟောကီအားကစားဟာဆိုရင် Virginia Tech မှာနာမည်အကြီးဆုံးအားကစားဖြစ်ပါတယ်။

Public School ဖြစ်တာကြောင့် International Students တွေငွေကြေးထောက်ပံ့တာ မရှိသလောက် ဖြစ်ပါတယ်။

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

“အမျိုးမျိုး အဖုံဖုံ 𝐄𝐬𝐬𝐚𝐲 𝐓𝐲𝐩𝐞 အစုံ”

US ကျောင်းတွေမှာ ဝင်ခွင့်ရဖို့အပြင် Financial Aid ပါများများရပြီး အေးအေးဆေးဆေးနဲ့ ကျောင်းတက်နိုင်ဖို့ဆိုတာ ကျောင်းသားတိုင်းအတွက် ထီဆုကြီးပေါက်သလို ပျော်ရမယ့် အခွင့်အလမ်းပါပဲ။ သို့ပေမယ့် အဲ့လိုတက်နိုင်ဖို့အတွက် လုံးဝကို အရေးကြီးဆုံးနဲ့ အခြေခံအကျဆုံးနေရာမှာ ပါဝင်နေတဲ့ Essay တွေ အကြောင်းကိုရော သိထားကြရဲ့လား။ အကယ်၍ မသိသေးဘူးဆိုရင်တော့ အခု “ချိတ်” ကနေပြီး တစ်ခုချင်းစီ ရှင်းပြပေးသွားပါမယ်။

𝐂𝐨𝐦𝐦𝐨𝐧 𝐀𝐩𝐩 𝐏𝐞𝐫𝐬𝐨𝐧𝐚𝐥 𝐄𝐬𝐬𝐚𝐲𝐬

𝐀𝐝𝐝𝐢𝐭𝐢𝐨𝐧𝐚𝐥 𝐈𝐧𝐟𝐨𝐫𝐦𝐚𝐭𝐢𝐨𝐧 𝐄𝐬𝐬𝐚𝐲𝐬

𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐄𝐬𝐬𝐚𝐲𝐬

အခုဆိုရင် Common App လည်း August လ အစပိုင်းလောက်ကတည်းက စဖွင့်နေပြီဖြစ်လို့ တကယ်လို့ သုံးရတာ အကျွမ်းတဝင်မရှိသေးဘူးဆိုရင် ခဏခဏ သွားကလိကြပြီး ကြိုရေးထားလို့ရတဲ့ Personal Essay တွေဆိုရင် ခုကတည်းက ကြိုပြင်ထားလို့ ရပါပြီ မိုင်ဖရန့်တို့။

Chate your dream

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

တက္ကသိုလ်လျှောက်ကြရာဝယ် လိုတာထက်ပို ပိုက်ဆံ မကုန် ကြစေဖို့

အားလုံးပဲ မင်္ဂလာပါ။ အမေရိကန် တက္ကသိုလ်တွေရဲ့ ကျောင်းစရိတ်၊ နေစားစရိတ်ဟာ မြန်မာကျောင်းသားတွေအတွက် အလွန်မြင့်မားကြတယ်ဆိုတာ အားလုံးသိပြီးသား ဖြစ်ကြမှာပါ။ ကျောင်းသားတွေ သိပ်မသိကြတာကတော့ ဒီတက္ကသိုလ်တွေကို ဝင်ခွင့်ရဖို့ ကျောင်းလျှောက်ရုံ application မှာပဲ ကုန်ကျနိုင်တဲ့ စရိတ်စက များစွာ အကြောင်းပါ။ ကျောင်းလျှောက်ကြေးတွေ၊ standardised test score၊ English test score တွေကို ကျောင်းတွေကို report ရာမှာ ကုန်ကျစရိတ်တွေ၊ Financial aid လျှောက်ဖို့ လိုအပ်တဲ့ profile တွေတင်ရာမှာ ပေးရမယ့် ပိုက်ဆံတွေ…

ကျောင်းလျှောက်ကြေး 𝐀𝐩𝐩𝐥𝐢𝐜𝐚𝐭𝐢𝐨𝐧 𝐅𝐞𝐞 ဆိုတာ ဘာလဲ

ဒီ fee ပေးရတဲ့အတွက် မိမိလျှောက်တဲ့ တက္ကသိုလ် အရေအတွက် များလေ ကုန်ကျစရိတ် များလေပဲ ဖြစ်ပါတယ်။ ကျောင်းလျှောက်သူက တက္ကသိုလ်ပေါင်း 20 ကိုလျှောက်လွှာတင်ရင် 𝐚𝐩𝐩𝐥𝐢𝐜𝐚𝐭𝐢𝐨𝐧 𝐟𝐞𝐞 ဖိုးပဲ အနိမ့်ဆုံး $𝟗𝟎𝟎 ကုန်နေပါပြီ

ဒါပေမယ့် 𝐚𝐩𝐩𝐥𝐢𝐜𝐚𝐭𝐢𝐨𝐧 𝐟𝐞𝐞 ကို နည်းနိုင်သမျှ နည်းစေမယ့် နည်းလမ်းတွေ ရှိတယ်နော်

ကျောင်းလျှောက်ကြေး မပေးရတဲ့ ကျောင်းတွေ လျှောက်ကြမယ်

𝐀𝐩𝐩𝐥𝐢𝐜𝐚𝐭𝐢𝐨𝐧 𝐟𝐞𝐞 ကင်းလွတ်ခွင့် 𝐟𝐞𝐞 𝐰𝐚𝐢𝐯𝐞𝐫 တွေ ယူကြမယ်

𝐅𝐞𝐞 𝐰𝐚𝐢𝐯𝐞𝐫 ရနည်းပေါင်းများစွာ

အသုံးအဝင်ဆုံးနဲ့ အလွယ်ကူဆုံး နည်းကတော့ ကျောင်းလျှောက်ကြရတဲ့ platform တွေ ဖြစ်တဲ့ 𝐂𝐨𝐦𝐦𝐨𝐧 𝐀𝐩𝐩, 𝐂𝐨𝐚𝐥𝐢𝐭𝐢𝐨𝐧 𝐀𝐩𝐩 ကနေ တစ်ဆင့် 𝐟𝐞𝐞 𝐰𝐚𝐢𝐯𝐞𝐫 𝐟𝐨𝐫𝐦 ကို တင်ခြင်းပါ။ Fee waiver form တင်ရာမှာ ကျောင်းလျှောက်သူက ဒီ platform တွေက ဘယ်သူဟာ fee waiver ရသင့်တယ်ဆိုပြီး သက်မှတ်ထားတဲ့ requirements နဲ့တော့ ကိုက်ညီဖို့ လိုပါတယ်။ ဒါ့အပြင့် ကျောင်းလျှောက်သူရဲ့ counselor က ကျောင်းလျှောက်သူဟာ ငွေကြေး မတတ်နိုင်သူဖြစ်ကြောင်း certify လုပ်နိုင်ရမှာလည်း ဖြစ်ပါတယ်။

ဒုတိယနည်းကတော့ ကျောင်းရဲ့ 𝐚𝐝𝐦𝐢𝐬𝐬𝐢𝐨𝐧 𝐰𝐞𝐛𝐬𝐢𝐭𝐞 မှ တစ်ဆင့် fee waiver တောင်းယူခြင်းပါ။ အချို့ တက္ကသိုလ်တွေက သူတို့ရဲ့ website မှာတင် 𝐟𝐞𝐞 𝐰𝐚𝐢𝐯𝐞𝐫 𝐫𝐞𝐪𝐮𝐞𝐬𝐭 𝐟𝐨𝐫𝐦 တွေ လွယ်လင့်တကူ ဖြည့်လို့ရပါတယ်။ သတိပြုသင့်တာကတော့ waiver form လက်ခံတဲ့ deadline တွေပဲဖြစ်ပါတယ်။ Deadline ကျော်သွားရင်တော့ တင်လို့မရတော့ပါဘူး။

ကျောင်းတွေရဲ့ 𝐦𝐚𝐢𝐥𝐢𝐧𝐠 𝐥𝐢𝐬𝐭 တွေကို 𝐬𝐢𝐠𝐧 𝐮𝐩 လုပ်ခြင်းဖြင့်လည်း fee waiver တွေ ရနိုင်ပါသေးတယ်။ ဒီနည်းက သိပ်တော့ မသေချာပါဘူး။ Mailing list တွေ အများကြီး လိုက်လံ sign up လုပ်တဲ့အခါ တက္ကသိုလ်တွေက promotional email ပေါင်းများစွာကို ဆက်တိုက် ပို့တဲ့အတွက် ကိုယ့်အတွက် အရေးကြီးတဲ့ important email တွေ မတွေ့လိုက်ရလည်း ဖြစ်နိုင်ပါတယ်။

နောက်ဆုံးနည်းကတော့ 𝐚𝐝𝐦𝐢𝐬𝐬𝐢𝐨𝐧 𝐛𝐨𝐚𝐫𝐝 ကို တိုက်ရိုက် 𝐞𝐦𝐚𝐢𝐥 ပို့ပြီး 𝐰𝐚𝐢𝐯𝐞𝐫 𝐫𝐞𝐪𝐮𝐞𝐬𝐭 လုပ်ခြင်းပါ။ ဒီလို email ပို့တဲ့အခါမှာလည်း ကိုယ်က ကျောင်းလျှောက်ရန် ငွေကြေးမတတ်နိုင်သူဖြစ်ကြောင်း တိတိကျကျ လေးလေးစားစား ရေးသင့်ပါတယ်။ Faculty ဖက်က reply email ပြန်မလာရင်၊ waiver မပေးရင်လည်း email တွေ ထပ်ပို့တာ လုံးဝ (လုံးဝ) မလုပ်သင့်ပါဘူး။

𝐖𝐚𝐢𝐯𝐞𝐫 မပေးတဲ့ ကျောင်းတွေမလျှောက်ဘူး

𝐓𝐞𝐬𝐭 𝐬𝐜𝐨𝐫𝐞 တွေပို့ရာမှာ ကုန် ကြမယ်

တက္ကသိုလ်လျှောက်ရာမှာ𝐒𝐀𝐓 𝐬𝐜𝐨𝐫𝐞, 𝐀𝐂𝐓 𝐬𝐜𝐨𝐫𝐞 တွေတင်ရမယ်၊ 𝐈𝐄𝐋𝐓𝐒, 𝐓𝐎𝐄𝐅𝐋, 𝐃𝐮𝐨𝐥𝐢𝐧𝐠𝐨 စတဲ့ 𝐄𝐧𝐠𝐥𝐢𝐬𝐡 𝐏𝐫𝐨𝐟𝐢𝐜𝐢𝐞𝐧𝐜𝐲 𝐒𝐜𝐨𝐫𝐞 တွေ ကျောင်းတွေကို ပို့ရပါမယ်။ ဒီနေရာမှာလဲ testing institute တစ်ခုချင်းဆီက fee မတူပါဘူး။ SAT score ပို့ရင် တက္ကသိုလ် တစ်ခုဆီကို $12 ကျပြီး၊ ACT score ကတော့ $16 တောင်းပါတယ်။ TOEFL ဟာဆိုရင် တစ်ကျောင်း ပို့ခ $25 တောင် ပေးရပါတယ်။ IELTS နဲ့ Duolingo ကတော့ သူတို့ရဲ့ E-certificate အတွက် ဘာအခကြေးငွေမှ မပေးရပါဘူးရှင်။

ကံကောင်းတာကတော့ ဒီ အမှတ်တွေကို ကျောင်းလျှောက်သူကိုယ်တိုင် တင်ပြနိုင်ခြင်း“𝐬𝐞𝐥𝐟-𝐫𝐞𝐩𝐨𝐫𝐭𝐢𝐧𝐠” ပဲဖြစ်ပါတယ်။ Self-reporting ကတော့ လွယ်ပါတယ်၊ ကိုယ့်အမှတ်တွေကို PDF file အနေနဲ့ သိမ်းထားပြီး ကျောင်းရဲ့ application portal မှာ တင်လိုက်ရုံပါ။

𝐅𝐢𝐧𝐚𝐧𝐜𝐢𝐚𝐥 𝐚𝐢𝐝 လျှောက်ရာမှာ ထပ်ကုန် ကြမယ်

ကံကောင်းစွာနဲ့ပဲ 𝐂𝐒𝐒 𝐏𝐫𝐨𝐟𝐢𝐥𝐞 မှာလည်း 𝐟𝐞𝐞 𝐰𝐚𝐢𝐯𝐞𝐫 တွေရှိပါတယ်။ ကျောင်းလျှောက်ကြေး ကင်းလွတ်ခွင့် Application fee waiver လျှောက်သလိုမျိုးပဲ CSS Profile waiver လျှောက်ရမှာလည်း တစ်ချို့ကျောင်းတွေက website မှာတင် ကလစ်တစ်ချက် နှိပ်ရုံနဲ့ ရနိုင်သလို၊ တချို့ကျောင်းတွေကိုတော့ email ပေးပို့ တောင်းယူရပါမယ်။

ဒီနေရာမှာ ကျွန်မတို့ရဲ့ ကယ်တင်ရှင်ကြီးကတော့ fee တစ်ပြားတစ်ချပ်မှ မပေးရတဲ့ 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐒𝐭𝐮𝐝𝐞𝐧𝐭 𝐀𝐩𝐩𝐥𝐢𝐜𝐚𝐭𝐢𝐨𝐧 𝐟𝐨𝐫 𝐅𝐢𝐧𝐚𝐧𝐜𝐢𝐚𝐥 𝐀𝐬𝐬𝐢𝐬𝐭𝐚𝐧𝐜𝐞 (𝐈𝐒𝐀𝐅𝐀) 𝐅𝐨𝐫𝐦 ပါ။ ISAFA Form ကို ပြီးပြည့်စုံစွာ ဖြည့်စွက်ပြီးရင် PDF file အဖြစ်နဲ့ ကျောင်းရဲ့ application portal မှာ လွယ်ကူစွာ တင်လိုက်ရုံနဲ့ရပါပြီ။

အမေရိကန် တက္ကသိုလ်အများစုက CSS Profile ကော၊ ISAFA Form နှစ်မျိုးလုံးကို လက်ခံကြပါတယ်။ ဒါ့ကြောင့် CSS Profile နဲ့ ငွေကြေးများစွာ ကုန်ကျမခံပဲ ISAFA ကိုပဲ self- report နိုင်ပါတယ်။

ကဲ၊ အမေရိကန် တက္ကသိုလ်တွေလျှောက်ရာမှာ ငွေကုန်ကျနိုင်မယ့် နေရာတွေနဲ့၊ တတ်နိုင်သမျှ ငွေခြွေတာနည်းတွေကိုတော့ ဖော်ပြပြီးပါပြီ။ Total fee $0 နဲ့ application season ကို ဖြတ်သန်းနိုင်ကြပါစေရှင်

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

(𝐏𝐚‌𝐫𝐭 𝐈𝐈)

မင်္ဂလာပါ။ ချိတ်-𝐓𝐡𝐞 𝐇𝐨𝐨𝐤 ကနေ ပြန်လည် ကြိုဆိုလိုက်ပါတယ်

ဒီအပတ်မှာတော့ အမေရိကန်နိုင်ငံက ၀င်ခွင့်ခက်ခဲပြီး၊ နာမည်ကြီး ကျော်ကြားတဲ့ ထိပ်တန်း တက္ကသိုလ် (Top-Tier) များကို Part II အနေနဲ့ ထပ်မံ ဖော်ပြလိုက်ရပါတယ်။

𝐓𝐨𝐩 𝐓𝐢𝐞𝐫 𝐂𝐨𝐥𝐥𝐞𝐠𝐞𝐬 𝐢𝐧 𝐔𝐒 (𝐏𝐚𝐫𝐭 𝐈) ကို မဖတ်ရှု ရသေးဘူး ဆိုရင်တော့ အောက်ပါ Link

Georgetown University

University of Southern California (USC)

Emory University

Boston College

Tufts University

University of Notre Dame

Carnegie Mellon University

New York University

Northeastern University

Case Western Reserve University တို့ပဲ ဖြစ်ပါတယ်။

Top Tier ဖြစ်တဲ့ အလျောက်၊ ၀င်ခွင့် ခက်ခဲပြီး၊ Academic Excellency strong ဖြစ်ဖို့ မဖြစ်မနေ လိုအပ်ပါတယ်။

တက္ကသိုလ် တစ်ခုချင်းစီ ရဲ့ နာမည်ကျော်ကြားတဲ့ ဘာသာရပ်တွေ၊ Admission Requirements အကြမ်းဖျင်း၊ Standardized Tests များ ပြင်ဆင်ဖို့ လိုမလိုနှင့် Financial Aid , Loan ရှိမရှိ စတဲ့ အရေးကြီးပြီး သိထားသင့်တဲ့ အချက်အလက်များကို ဖော်ပြထားတာ ဖြစ်တဲ့အတွက် ပုံတစ်ပုံချင်းစီ မှာ အသေးစိတ် ဖတ်ရှုနိုင်မှာပါ။

တက္ကသိုလ် ဆိုင်ရာ အချက်အလက်များဟာ အချိန်နှင့် တစ်ပြေးညီ၊ intake အလိုက် ပြောင်းလဲနိုင်ခြင်းမျိုး ရှိတဲ့အတွက်၊ ဖော်ပြထားတဲ့ အချက်အလက်များဟာ အစဉ်အမြဲ မှန်ကန်နေမည် မဟုတ်ကြောင်း အသိပေးချင်ပါတယ်။

ဒါ့ကြောင့် အသေးစိတ် အချက်အလက်များကို ပိုမို သိရှိနိုင်ဖို့အတွက် သက်ဆိုင်ရာ တက္ကသိုလ်များရဲ့ Official Website များတွင် ထပ်ဆောင်း ဖတ်ရှုလေ့လာသင့်ကြောင်း သတင်းကောင်းပါးလိုက်ရပါတယ်။

Chate Your Dreams

ချိတ် - The Hook

________________________
𝐆𝐞𝐨𝐫𝐠𝐞𝐭𝐨𝐰𝐧 𝐔𝐧𝐢𝐯𝐞𝐫𝐬𝐢𝐭𝐲

Established: 1789
Campus Location : Washington, D.C., USA
U.S News Ranking : 20th
Acceptance Rate : Approximately 11-14%

International Relations နှင့် Law ဘာသာရပ်များကို စိတ်၀င်စားတဲ့ ကျောင်းသားကျောင်းသူများအတွက် Georgetown ဟာ ဆိုရင်ဖြင့် နာမည်ကြီး တက္ကသိုလ် တစ်ခုဆိုရင်လည်းမမှားပါဘူး။

Georgetown Neighbourhood မှာတည်ရှိတဲ့အပြင် Washington D.C. နဲ့လည်း နီးစပ်တဲ့နေရာမှာ တည်ရှိပြီး၊ ကျောင်းသားကျောင်းသူများအတွက် Internships experiences များအပြင် Nation's Capital မှာကျင်းပပြုလုပ်တဲ့ events များအတွက် Unique Access ရရှိသွားဦးမှာပါ။ 

Georgetown University ဟာဆိုရင်ဖြင့် US ရဲ့ Top University တစ်ခုအနေနဲ့ စဉ်ဆက်မပြတ် စာရင်း၀င်ခဲ့တာ ဖြစ်ပြီး၊ IR , Law , Business program များနှင့် နာမည်ကြီးတဲ့ တက္ကသိုလ်တစ်ခုပဲ ဖြစ်ပါတယ်။

U.S. ရဲ့ Former President ဖြစ်တဲ့ Bill Clinton, Supreme Court ရဲ့ Justice Antonin Scalia , King Felipe VI of Spain တို့လို့ ကမ္ဘာ့အကျော်အမော်တို့ တက်ရောက်ခဲ့တဲ့ တက္ကသိုလ် တစ်ခုလည်း ဖြစ်ပါသေးတယ်။

ကျောင်းသားကျောင်းသူပေါင်း 19,000 ၀န်းကျင်ခန့် ရှိတဲ့အပြင်၊ မတူညီတဲ့ နေရာဒေသက ကျောင်းသားကျောင်းသူအများအပြားလည်း ပါ၀င်ပါတယ်။

Intake period အနေနဲ့ Fall (August) ရှိပါတယ်။

Admission Requirements အနေနဲ့ Standardized Tests Optional ဖြစ်သလို၊ ပြင်ဆင်ထားရင်တော့ ပိုမို အဆင်ပြေလွယ်ကူစေမှာပါ။

Tuition Fee အနေနဲ့ Program အပေါ် မူတည်၍ $60,000 per year ရှိပြီး၊ နေစားစရိတ်အပါအ၀င်ဆိုရင်တော့ ယေဘုယျအားဖြင့် $80,000 ၀န်းကျင်အထိ ရှိနိုင်ပါတယ်။ 

International Students တွေအနေနဲ့ English Proficiency Tests မဖြစ်မနေ ပြင်ဆင်ရမှာဖြစ်ပြီး၊ Need Based Scholarship Provide ပေးခြင်းမျိုးလည်း ရှိပါတယ်။

________________________

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐒𝐨𝐮𝐭𝐡𝐞𝐫𝐧 𝐂𝐚𝐥𝐢𝐟𝐨𝐫𝐧𝐢𝐚 (𝐔𝐒𝐂)

Established: 1880
Campus Location: Los Angeles, California, USA.
U.S. News Ranking: 19th
Acceptance Rate: Approximate 13-16%

USC ရဲ့ Main Campus ဟာဆိုရင်ဖြင့် University Park Neighbourhood of Los Angeles တည်ရှိတဲ့အပြင်၊ Entertainment industry, Tech Startup, နှင့် အခြားအစရှိတဲ့ ကျွမ်းကျင် အခွင့်အလမ်းတွေ တစ်နေရာတည်းမှာ ရရှိခံစား နိုင်မယ့် နေရာတစ်ခုပဲ ဖြစ်ပါတယ်။

Hollywood မှာနာမည်ကြီးတဲ့ USC School of Cinematic Arts, Thornton School of Music အစရှိတာတွေပါ တည်ရှိတဲ့ University of Southern California Campus ဟာဆိုရင်ဖြင့် 226 ဧက ကျယ်၀န်းတာဖြစ်ပါတယ် 

Business, Cinematic Arts, Engineering, Law , Arts, Film and Television Production အစရှိတဲ့ majors တွေကတော့ နာမည်ကျော်ကြားပြီး degrees နှင့် programs ပေါင်းများစွာကိုလည်း တစ်နေရာတည်းမှာ စုံစုံလင်လင် တက်ရောက်နိုင်မှာပါ။

Filmmaker George Lucas, TV Producer Shonda Rhimes, Astronaut Neil Armstrong တို့ တက်ရောက်ခဲ့တဲ့ တက္ကသိုလ်ဖြစ်ပြီး၊ Film and Media Studies နှင့် ပတ်သက်၍ ထိပ်တန်း အဆင့်ရှိတဲ့ တက္ကသိုလ် တစ်ခုဆိုရင်လည်း မမှားပါဘူး။

International Students ပေါင်း 12,000 ကျော်ရှိပြီး ကျောင်းသားကျောင်းသူပေါင်း 49,000 ကျော်အထိ ရှိတာပဲ ဖြစ်ပါတယ်။

Intake အနေနဲ့ Fall and Spring ဆိုပြီး 2 မျိုးရှိပါတယ်။

USC ဟာဆိုရင်လည်း Test Optional Policy ကျင့်သုံးတဲ့ တက္ကသိုလ်တစ်ခု ဖြစ်သော်ငြား ပြင်ဆင်ထားရင်တော့ အကောင်းဆုံးပဲ ဖြစ်ပါမယ်။

Tuition fee အနေနဲ့ တစ်နှစ်ကို $66,000 ၀န်းကျင် အထိရှိပြီး program ‌အပေါ် မူတည်ပြီး အနည်းငယ်မျှ ပြောင်းလဲနိုင်ပါသေးတယ်။ 

International Students များအတွက် Need Based Scholarship သာမကဘဲ Merit Scholarship ပါ ပေးလေ့ရှိတဲ့ တက္ကသိုလ် ဖြစ်ပြီး၊ အများအားဖြင့် Merit Based Scholarship ကို ပိုမို ပေးအပ်လျက် ရှိပါတယ်။

________________________

𝐄𝐦𝐨𝐫𝐲 𝐔𝐧𝐢𝐯𝐞𝐫𝐬𝐢𝐭𝐲

Established: 1836
Campus Location: Atlanta, Georgia, USA
U.S. News Ranking: 21st
Acceptance Rate: Approximately 16-19%

Emory University ဟာဆိုရင်ဖြင့် Programs ပေါင်းများစွာရှိပြီး၊ Business Law, Medicine, Public Health, Humanities တွေနဲ့ နာမည်ကြီးတဲ့ တက္ကသိုလ် တစ်ခုလည်း ဖြစ်ပါတယ်။ 

အမေရိကန်နိုင်ငံရဲ့ Top 25 University တွေထဲက တစ်ခုဖြစ်သလို၊ United Methodist Church ရဲ့ လက်အောက်မှာလည်း တည်ရှိပါသေးတယ်။

Emory University ရဲ့ Alumni တွေဟာဆိုရင်ဖြင့် Business, Healthcare, Law and Public Service အပိုင်းတွေမှာ တွင်တွင်ကျယ်ကျယ် လုပ်ကိုင်နေကြသူတွေများပါတယ်။

နာမည်ကျော်ကြားတဲ့ Alumni တွေအနေနဲ့ US ရဲ့ 39 ယောက်မြောက် သမ္မတ Jimmy Carter , Former Speaker of the House ဖြစ်တဲ့ Newt Gingrich , CNN ၏ Founder Ted Turner တို့က တက်ရောက်ခဲ့တာပဲ ဖြစ်ပါတယ်။ 

ကျောင်းသားကျောင်းသူပေါင်း 15,000 ကျော်ရှိပြီး၊ နိုင်ငံပေါင်း 100 ကျော်က International Students ပေါင်း 2,000 ၀န်းကျင်လည်းရှိပါသေးတယ်။

Intake အနေနဲ့ Fall (August) intake အဓိက ရှိတာဖြစ်ပြီး၊ အချို့ program များမှာတော့ Spring Intake (January) အတွက် offer တာမျိုးလည်း ရှိပါတယ်။

Standardized Tests နှင့် ပတ်သက်ပြီး Test Optional Policy ကျင့်သုံးတဲ့ တက္ကသိုလ် တစ်ခုလည်း ဖြစ်သလို၊ International Students တွေအနေနဲ့ English Proficiency test တစ်ခုခု မဖြစ်မနေ ပြင်ဆင်ထားဖို့ လိုပါတယ်။

Tuition fee အနေနဲ့ တစ်နှစ်ကို $61,000 ၀န်းကျင် အထိရှိပြီး program ‌အပေါ် မူတည်ပြီး အနည်းငယ်မျှ ပြောင်းလဲနိုင်ပါသေးတယ်။ 

International Students များအတွက် Need Based Scholarship သာမကဘဲ Merit Scholarship ပါ ပေးလေ့ရှိတဲ့ တက္ကသိုလ် ဖြစ်ပြီး၊ Students Loan များလည်း စီစဉ်ပေးထားခြင်းမျိုး ရှိပါတယ် 

________________________
𝐁𝐨𝐬𝐭𝐨𝐧 𝐂𝐨𝐥𝐥𝐞𝐠𝐞

Established: 1863
Campus Location: Chestnut Hill, Massachusetts, USA
U.S. News Ranking: 36th
Acceptance Rate: Approximately 23-26%

Boston College ဟာဆိုရင်ဖြင့် အမေရိကန်ရဲ့ ထိပ်တန်း ကျောင်း 40 ထဲက တစ်ကျောင်း အပါအ၀င်ဖြစ်ပြီး၊ စီးပွားရေး အခွင့်အလမ်းတွေ ပေါများတဲ့ Boston မြို့ အနီးမှာ တည်ရှိတာပဲ ဖြစ်ပါတယ်။ 

Program ပေါင်းများစွာကို တစ်နေရာတည်းမှာ တက်ရောက်နိုင်မှာ ဖြစ်ပြီး၊ Business, Law , Education, Psychology, Liberal Arts အစရှိတဲ့ Major တွေနဲ့ နာမည်ကျော်ကြားတဲ့ တက္ကသိုလ် တစ်ခုဆိုရင်လည်း မမှားပါဘူး။

Former U.S. Secretary of State တစ်ဦးဖြစ်တဲ့ John Kerry, Bank of America ရဲ့ CEO ဖြစ်တဲ့ Brian Moynihan အစရှိတဲ့ ထင်ရှားကျော်ကြားတဲ့ ပုဂ္ဂိုလ်များက တက်ရောက်ခဲ့တဲ့ ကျောင်းတစ်ခုပဲ ဖြစ်ပါတယ်။

Intake အနေနဲ့ Fall (August) intake အဓိက ရှိတာဖြစ်ပြီး၊ အချို့ program များမှာတော့ Spring Intake (January) အတွက် offer တာမျိုးလည်း ရှိပါတယ်။

Standardized Tests နှင့် ပတ်သက်ပြီး Test Optional Policy ကျင့်သုံးတဲ့ တက္ကသိုလ် တစ်ခုလည်း ဖြစ်သလို၊ International Students တွေအနေနဲ့ English Proficiency test တစ်ခုခု မဖြစ်မနေ ပြင်ဆင်ထားဖို့ လိုပါတယ်။

Tuition fee အနေနဲ့ တစ်နှစ်ကို $65,000 ၀န်းကျင် အထိရှိပြီး program ‌အပေါ် မူတည်ပြီး အနည်းငယ်မျှ ပြောင်းလဲနိုင်ပါသေးတယ်။ 

International Students များအတွက် Need Based Scholarship သာမကဘဲ Merit Scholarship ပါ ပေးလေ့ရှိတဲ့ တက္ကသိုလ် ဖြစ်ပြီး၊ Students Loan, Grants များလည်း စီစဉ်ပေးထားခြင်းမျိုး ရှိပါတယ် 

________________________
𝐓𝐮𝐟𝐭𝐬 𝐔𝐧𝐢𝐯𝐞𝐫𝐬𝐢𝐭𝐲

Established: 1852
Campus Location: Medford, Massachusetts, USA
U.S. News Ranking: 29th
Acceptance Rate: Approximately 14-18%

အမေရိကန်နိုင်ငံရဲ့ ထိပ်တန်း တက္ကသိုလ် 30 အတွင်း စာရင်း၀င်တဲ့ Tufts ဟာဆိုရင်ဖြင့် International Relations , Biomedical Science, Engineering နှင့် Liberal Arts major များဖြင့် နာမည်ကျော်ကြားတဲ့ တက္ကသိုလ် တစ်ခုပဲ ဖြစ်ပါတယ်။

Programs များစွာကို တစ်နေရာတည်းမှာ စုံလင်စွာ တက်ရောက်နိုင်မှာ ဖြစ်ပြီး၊ Global Perspective, Interdisciplinary Studies အစရှိတာတွေနဲ့ လူသိများတာပဲ ဖြစ်ပါတယ်။

EBay ရဲ့ Founder ဖြစ်တဲ့ Pierre Omidyar , JPMorgan Chase ရဲ့ Founder Jamie Dimon အစရှိတဲ့ နာမည်ကျော်ကြားတဲ့ ပုဂ္ဂိုလ်တွေ တက်ရောက်ခဲ့ကြတာပဲ ဖြစ်ပါတယ်။ 

ကျောင်းသားကျောင်းသူပေါင်း 11,000 ကျော်ရှိပြီး၊ Undergraduate program အတွက် နိုင်ငံပေါင်း 80 ကျော် နှင့် ပြည်တွင်းက Students ပေါင်း 5,500 ၀န်းကျင် တက်ရောက်နေတာပဲ ဖြစ်ပါတယ်။

Intake အနေနဲ့ Fall (September) intake အဓိက ရှိတာဖြစ်ပါတယ်။

Standardized Tests နှင့် ပတ်သက်ပြီး Test Optional Policy ကျင့်သုံးတဲ့ တက္ကသိုလ် တစ်ခုလည်း ဖြစ်သလို၊ International Students တွေအနေနဲ့ English Proficiency test တစ်ခုခု မဖြစ်မနေ ပြင်ဆင်ထားဖို့ လိုပါတယ်။

Tuition fee အနေနဲ့ တစ်နှစ်ကို $66,000 ၀န်းကျင် အထိရှိပြီး program ‌အပေါ် မူတည်ပြီး အနည်းငယ်မျှ ပြောင်းလဲနိုင်ပါသေးတယ်။ 

International Students များအတွက် Need Based Scholarship သာမကဘဲ Merit Scholarship ပါ ပေးလေ့ရှိတဲ့ တက္ကသိုလ် ဖြစ်ပါတယ်။

ဒါ့အပြင် ကျောင်းသားကျောင်းသူများအတွက် Grants , Loans , Work-Study Opportunities အစရှိတာတွေကိုလည်း စီစဉ်ပေးထားခြင်းမျိုး ရှိပါတယ် 

________________________

𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐍𝐨𝐭𝐫𝐞 𝐃𝐚𝐦𝐞

Established: 1842
Campus Location: Notre Dame, Indiana, USA
U.S. News Ranking: 18th
Acceptance Rate: Approximately 15-18%

University of Notre Dame ဟာဆိုရင်ဖြင့် North Indiana ရဲ့ မြို့လေးတစ်မြို့ဖြစ်တဲ့ South Blend မှာတည်ရှိပြီး၊ အေးချမ်းသာယာတဲ့ ဒေသတစ်ခုဆိုရင်လည်း မမှားပါဘူး။

Notre Dame ဟာဆိုရင်ဖြင့် အမေရိကန်နိုင်ငံရဲ့ ထိပ်တန်း အစိုးရ တက္ကသိုလ် 20 အတွင်းက တစ်ခုဖြစ်သလို၊ Business, Law , Engineering, Liberal Arts major များနှင့် နာမည်ကြီးတဲ့ တက္ကသိုလ်တစ်ခုပဲ ဖြစ်ပါတယ် 

Notre Dame မှ ကျောင်းသားကျောင်းသူ alumni တွေရဲ့ စည်းလုံးမှုဟာဆိုရင်လည်း ကမ္ဘာ့အကြီးဆုံးနဲ့ Engagement အဖြစ်ဆုံး Association တစ်စခုအနေနဲ့ Notre Dame Alumni Association က အသိအမှတ် ပြုထားခြင်းခံရတာပဲ ဖြစ်ပါတယ်။

Former Secretary of State ဖြစ်တဲ့ Condoleezza Rice , U.S. ရဲ့ Former Senator Joe Donnelly အစရှိတဲ့ ပုဂ္ဂိုလ်များကလည်း ဒီတက္ကသိုလ်ရဲ့ ကျောင်းသားဟောင်းတွေ ဖြစ်ကြပါသေးတယ်။

ကျောင်းသားကျောင်းသူပေါင်း 12500 ကျော်ရှိပြီး၊ Undergraduate program အတွက် နိုင်ငံပေါင်း 70 ကျော် နှင့် ပြည်တွင်းက Students ပေါင်း 8600 ၀န်းကျင် တက်ရောက်နေတာပဲ ဖြစ်ပါတယ်။

Intake အနေနဲ့ Fall (August) intake အဓိက ရှိတာဖြစ်ပါတယ်။

Standardized Tests နှင့် ပတ်သက်ပြီး Test Optional Policy ကျင့်သုံးတဲ့ တက္ကသိုလ် တစ်ခုလည်း ဖြစ်သလို၊ International Students တွေအနေနဲ့ English Proficiency test တစ်ခုခု မဖြစ်မနေ ပြင်ဆင်ထားဖို့ လိုပါတယ်။

Tuition fee အနေနဲ့ တစ်နှစ်ကို $65,000 ၀န်းကျင် အထိရှိပြီး program ‌အပေါ် မူတည်ပြီး အနည်းငယ်မျှ ပြောင်းလဲနိုင်ပါသေးတယ်။ 

International Students များအတွက် Need Based Scholarship သာမကဘဲ Merit Scholarship ပါ ပေးလေ့ရှိတဲ့ တက္ကသိုလ် ဖြစ်ပါတယ်။

________________________

𝐂𝐚𝐫𝐧𝐞𝐠𝐢𝐞 𝐌𝐞𝐥𝐥𝐨𝐧 𝐔𝐧𝐢𝐯𝐞𝐫𝐬𝐢𝐭𝐲

Established: 1900

Campus Location: Pittsburgh, Pennsylvania, USA

U.S. News Ranking: 25th

Acceptance Rate: Approximately 17-20%

Pittsburgh, Pennsylvania မှာ တည်ရှိတဲ့ Carnegie Mellon University ဟာ ဆိုရင်ဖြင့် အမေရိကန်နိုင်ငံ၏ ထိပ်တန်း အစိုးရ တက္ကသိုလ် 25 ခုအတွင်းက တစ်ခုပဲ ဖြစ်ပါတယ်။

Carnegie Mellon ရဲ့ The School of Computer Science ဟာတိုရင်ဖြင့် ကမ္ဘာ့အကောင်းဆုံးစံချိန်ထဲက တစ်ခုဖြစ်သလို၊ The College of Engineering ဟာဆိုရင်ဖြင့် Research and Innovation ပိုင်းနှင့် ပတ်သက်၍ ဂုဏ်သတင်း ကျော်ကြားတဲ့ တက္ကသိုလ် တစ်ခုပဲ ဖြစ်ပါတယ်။

နာမည်ကျော်ကြားတဲ့ ဘာသာရပ်တွေအနေနဲ့ အပေါ်မှာ ဖော်ပြခဲ့သလို Computer Science နှင့် Engineering က မဖြစ်မနေ ပါ၀င်တာ ဖြစ်ပြီး၊ Business, Fine Arts တို့ကလည်း Notable Programs အနေနဲ့ အသိအမှတ်ပြုထားကြတာ ဖြစ်ပါတယ်။

Andy Warhol, သင်္ချာပညာရှင် John Nash , Computer Scientist Randy Pausch အစရှိတဲ့သူများကလည်း CMU ရဲ့ alumni တွေဆိုရင် မမှားပါဘူး 🥰

ကျောင်းသားကျောင်းသူပေါင်း 15,000 ကျော်ရှိပြီး၊ Undergraduate program အတွက် နိုင်ငံပေါင်း 100 ကျော် နှင့် ပြည်တွင်းက Students ပေါင်း 7000 ၀န်းကျင် တက်ရောက်နေတာပဲ ဖြစ်ပါတယ်။

Intake အနေနဲ့ Fall & Spring ဆိုပြီး အဓိက ရှိတာဖြစ်ပါတယ်။

Standardized Tests နှင့် ပတ်သက်ပြီး Test Optional Policy ကျင့်သုံးတဲ့ တက္ကသိုလ် တစ်ခုလည်း ဖြစ်သလို၊ International Students တွေအနေနဲ့ English Proficiency test တစ်ခုခု မဖြစ်မနေ ပြင်ဆင်ထားဖို့ လိုပါတယ်။

Tuition fee အနေနဲ့ တစ်နှစ်ကို $60,000 ၀န်းကျင် အထိရှိပြီး program ‌အပေါ် မူတည်ပြီး အနည်းငယ်မျှ ပြောင်းလဲနိုင်ပါသေးတယ်။ 💸💸

International Students များအတွက် Need Based Scholarship သာမကဘဲ Merit Scholarship ပါ ပေးလေ့ရှိတဲ့ တက္ကသိုလ် ဖြစ်ပါတယ်။ ✅

________________________

𝐍𝐞𝐰 𝐘𝐨𝐫𝐤 𝐔𝐧𝐢𝐯𝐞𝐫𝐬𝐢𝐭𝐲 (𝐍𝐘𝐔)

Established: 1831

Campus Location: New York City, New York

U.S. News Ranking: 24th

Acceptance Rate: 12-16% (Including Domestic + International)

NYU လို့ လူသိများကြတဲ့ New York University ဟာဆိုရင်ဖြင့် New York City မှာပဲ တည်ရှိတာ ဖြစ်တဲ့အပြင်၊ Campus ဟာလည်း တကယ့်ကိုမှ မြို့ပြနဲ့အတူ လိုက်လျောညီထွေစွာ တည်ရှိတာပဲ ဖြစ်ပါတယ်။

NYU ဟာဆိုရင်ဖြင့် globally ထိပ်တန်းတက္ကသိုလ်အဖြစ် အမြဲတမ်း စံချိန်၀င်ခဲ့တဲ့ တက္ကသိုလ်ဆိုရင်လည်း မမှားပါဘူး။

ဒါ့အပြင် NYU ရဲ့ Business (Stern School) , Arts (Tisch School of the Arts) , Law (NYU School of Law) သာမကဘဲ International Relations (Steinhardt and Global Programs) တွေက နာမည်ကျော်ကြားတဲ့ Program တွေပဲ ဖြစ်ပါတယ်။ ✨

နာမည်ကျော်ကြားတဲ့ အနုပညာရှင် ၊ စီးပွားရေးပညာရှင် နဲ့ နိုင်ငံရေးစိတ်ပါ၀င်စားသူအချို့ကလည်း NYU Alumni တွေဖြစ်ကြပြီး၊ X ရဲ့ Co-founder Jack Dorsey , နာမည်ကြီးအနုပညာရှင် Angelina Jolie တို့ကလည်း NYU မှာ တက်ရောက်ခဲ့ကြတာပါ 🤩

NYU က Extensive Study Abroad အခွင့်အလမ်းတွေကိုလည်း စီစဉ်ပေးတတ်ပါသေးတယ်။ London , Paris , Berlin, Buenos Aires အစရှိတဲ့ မြို့တော်တွေမှာ Global Network ရရှိနိုင်ရန်အတွက် အခွင့်အလမ်းတွေဆိုရင်လည်း မမှားပါဘူး။

NYU ဆိုတဲ့အတိုင်း Academic Requirements အနေနဲ့ 3.7-4.0 GPA Range ရှိထားရမှာပဲ ဖြစ်ပါတယ်။

Test Optional ဆိုသော်ငြား SAT , ACT ပြင်ဆင်ထားမယ်ဆိုရင်တော့ ပိုမို အဆင်ပြေစေမှာပါ။

English Proficiency test အနေနဲ့

IELTS - 7.5

TOEFL - 100 ရရှိထားဖို့ လိုပါမယ်။

Tuition fees အနေနဲ့ $58,000 ၀န်းကျင်အထိ Program အပေါ် မူတည်၍ ရှိနိုင်ပါတယ်။ ✅

Scholarship များလည်းရှိတဲ့အပြင်၊ International Students များအတွက် Financial Aid ကတော့ အကန့်အသတ်ရှိတာပဲ ဖြစ်ပါတယ်။

New York University ဟာဆိုရင်ဖြင့် မြို့ပေါ်မှာပဲ တည်ရှိတဲ့အပြင်၊ အခြားသော experience များကိုလည်း ရရှိသွားနိုင်မယ့် တက္ကသိုလ် တစ်ခုပဲ ဖြစ်ပါတယ် ✨

________________________

𝐍𝐨𝐫𝐭𝐡𝐞𝐚𝐬𝐭𝐞𝐫𝐧 𝐔𝐧𝐢𝐯𝐞𝐫𝐬𝐢𝐭𝐲

Established: 1898

Campus Location: Boston , Massachusetts, USA

U.S. News Ranking: 40

Acceptance Rate: 6-20% (Varies by Country)

Boston, Massachusetts မှာ တည်ရှိတဲ့ Northeastern University ဟာဆိုရင်ဖြင့် ကျယ်၀န်းပြီး modern academic building 🏫 တွေနဲ့ ပြည့်နှက်နေတဲ့ တက္ကသိုလ် ဆိုရင်လည်း မမှားပါဘူး။

Cooperative Education (Co-Op) program များနှင့် နာမည်ကြီး တက္ကသိုလ် တစ်ခုလည်း ဖြစ်ပါတယ်။

U.S ရဲ့ ထိပ်တန်း ကျောင်း 50 ထဲမှ တစ်ကျောင်းအပါအ၀င် ဖြစ်တဲ့အပြင်၊ Cyber security, Computer Science နှင့် Entrepreneurship Major များနှင့် နာမည်ကြီးတဲ့ တက္ကသိုလ်တစ်ခုပဲ ဖြစ်ပါတယ်။

Northeastern ရဲ့ Hallmark ဟာ Co-Op Program ဖြစ်တဲ့အတွက် Google , Amazon အစရှိတဲ့ ကုမ္ပဏီများနှင့် ချိတ်ဆက်လုပ်ကိုင်ရတဲ့ project များနှင့်လည်း ကြုံတွေ့ရမှာပါ။

Academic Requirements အနေနဲ့ 3.7-4.0 GPA Range ရှိထားရမှာပဲ ဖြစ်ပါတယ်။

Test Optional ဆိုသော်ငြား SAT , ACT ပြင်ဆင်ထားမယ်ဆိုရင်တော့ ပိုမို အဆင်ပြေစေမှာပါ။

English Proficiency test အနေနဲ့

IELTS - 7

TOEFL - 99 ရှိထားဖို့ လိုပါမယ်။

Tuition fees အနေနဲ့ $58,000 ၀န်းကျင်အထိ Program အပေါ် မူတည်၍ ရှိနိုင်ပါတယ်။ ✅

Merit Based Scholarship များလည်းရှိတဲ့အပြင်၊ International Students များအတွက် Financial Aid ကတော့ အကန့်အသတ်ရှိတာပဲ ဖြစ်ပါတယ်။ ✨

________________________

𝐂𝐚𝐬𝐞 𝐖𝐞𝐬𝐭𝐞𝐫𝐧 𝐑𝐞𝐬𝐞𝐫𝐯𝐞 𝐔𝐧𝐢𝐯𝐞𝐫𝐬𝐢𝐭𝐲

Established: 1826

Campus Location: Cleveland , Ohio, U.S

U.S. News Ranking: 46

Acceptance Rate: 29%

Case Western ဟာဆိုရင်ဖြင့် သူတို့ရဲ့ နာမည်ကြီးတဲ့ Engineering, Medicine, Law အစရှိတဲ့ Major တွေနဲ့ နာမည်ကြီးတဲ့ တက္ကသိုလ် တစ်ခုပဲ ဖြစ်ပါတယ်။

U.S ရဲ့ ထိပ်တန်း ကျောင်း 50 ထဲမှ တစ်ကျောင်းအပါအ၀င် ဖြစ်တဲ့အပြင် Case School of Engineering, School of Medicine တွေဟာဆိုရင်ဖြင့် STEM Fields ထဲမှာ ကျော်ကြားနေတာဆိုရင်လည်း မမှားပါဘူး 🥰

ဒါ့အပြင် တက္ကသိုလ် အတွင်းမှာရှိတဲ့ Think [ Box ] ဟာဆိုရင်ဖြင့် တက္ကသိုလ် အခြေစိုက် ကမ္ဘာ့ပေါ်မှာ နာမည်ကြီးတဲ့ Innovation Center လည်း ဖြစ်ပါတယ်။

Gmail ရဲ့ creator Paul Buchheit တက်ရောက်ခဲ့တဲ့ တက္ကသိုလ်ဖြစ်တဲ့အပြင်၊ ကမ္ဘာတစ်၀န်း Partnership ချိတ်ဆက်ထားတဲ့ တက္ကသိုလ်တွေ ရှိတဲ့အတွက် ကျောင်းသားကျောင်းသူများအနေနဲ့ Exchange Program တွေမှာ ပါ၀င်နိုင်မှာပါ။

Academic Requirements အနေနဲ့ 3.7-4.0 GPA Range ရှိထားရမှာပဲ ဖြစ်ပါတယ်။

Test Optional ဆိုသော်ငြား SAT , ACT ပြင်ဆင်ထားမယ်ဆိုရင်တော့ ပိုမို အဆင်ပြေစေမှာပါ။

English Proficiency test အနေနဲ့

IELTS - 7.0

TOEFL - 90 ရှိထားဖို့ လိုပါမယ်။

Tuition fees အနေနဲ့ $58,000 ၀န်းကျင်အထိ Program အပေါ် မူတည်၍ ရှိနိုင်ပါတယ်။ ✅

Scholarship များလည်းရှိတဲ့အပြင်၊ International Students များအတွက် Financial Aid ကတော့ အကန့်အသတ်ရှိတာပဲ ဖြစ်ပါတယ်။

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

College Application တွေအတွက် အထောက်အကူဖြစ်စေမယ့် " Coalition App "

ဒီ အပတ်မှာတော့ ချိတ် ကနေ College Application နှင့် ပတ်သက်ပြီး The Common App ကိုတော့ လူသိများကြပြီး Coalition ဟာလည်း အထောက်အကူဖြစ်စေတဲ့ အကြောင်း ပြောပြပေးသွားမှာပဲ ဖြစ်ပါတယ်

The Common App အကြောင်းကို ရှေ့အပတ်တွေတုန်းက Content မှာ အသေးစိတ်ရေးပေးထားတာ ဖြစ်တဲ့အတွက် မဖတ်ရသေးဘူးဆိုရင် ဖတ်ကြည့်ဖို့ တိုက်တွန်းလိုက်ရပါတယ်ရှင်။

https://www.facebook.com/share/p/ptBFfEYWMDy9K2Nc/?mibextid=WC7FNe

Coalition App ဟာဆိုရင်ဖြင့် US မှ ကျောင်းတွေကို လျှောက်တဲ့အခါ အသုံးပြုလို့ရတဲ့ Application System တစ်ခုလည်းဖြစ်ပါတယ်။

2016 မှာ စတင်ခဲ့တဲ့ Coalition ဟာဆိုရင် ကျောင်းသားကျောင်းသူတိုင်းအတွက် ကျောင်းလျှောက်ရာမှာ လွယ်ကူအဆင်ပြေစေဖို့ ဖြစ်ပြီး Common App လိုပဲ တစ်ခါတည်းမှာ ကိုယ်လျှောက်ချင်တဲ့ တက္ကသိုလ်တွေကို လျှောက်ထားနိုင်မှာပါ

အားနည်းချက်ကတော့ Common App ကဲ့သို့ ကျောင်းပေါင်းထောင်ကျော်ထဲက ရွေးချယ်ခွင့်ရှိမှာမဟုတ်ဘဲ ချိတ်ဆက်ထားတဲ့ ကျောင်းတွေက ရာဂဏန်းသာ ရှိမှာ ဖြစ်ပြီး Coalition ကနေ လျှောက်ထားနိုင်မှာပါ

Coalition ရဲ့ အဓိက Key Feature တစ်ခုဖြစ်တဲ့ Collaboration Space (Locker) မှာ ကျောင်းလျှောက်တဲ့အခါ လိုအပ်တဲ့ materials , transcripts, essays, Multimedia Files အစရှိတာတွေကို နည်းနည်းချင်းစီ ကြိုတင်စုဆောင်း ပြင်ဆင်ထားနိုင်မှာဆိုတော့ အနားနီးမှ ဗျာများစရာ မလိုတော့ဘူးနော်

Inclusivity ကိုရည်ရွယ်ထားတာဖြစ်ပြီး ကိုယ် စိတ်ဝင်စားတဲ့ ကျောင်းတွေက Coalition app မှာ ပါဝင်တယ်ဆိုရင်တော့ တစ်ခါတည်း Financial aid ပါ လျှောက်ထားနိုင်ဦးမှာပါ

Coalition ဟာဆိုရင်လည်း Common App လိုပဲ သတ်မှတ်ထားတဲ့ စဖွင့်တဲ့ရက်ရှိပါသေးတယ်။ နှစ် နဲ့ လျှောက်ထားနိုင်တဲ့ကျောင်းတွေအပေါ် မူတည်ပြီး Early August ကနေ စ၍ လျှောက်ထားနိုင်မှာပဲ ဖြစ်ပါတယ်။

ကျောင်းလျှောက်ဖို့အတွက်

Coalition App Website မှာ Student Account အနေနဲ့ register ထားဖို့လိုပါတယ်။

Personal Information

Academic Records

Standardized Tests

Extracurricular Activities

Essays

Letters of Recommendation

Financial Information

College List အစရှိတာတွေ ပြင်ဆင်ထားမယ်ဆိုရင်တော့ ကျောင်းလျှောက်တဲ့အခါ Ready ဖြစ်နေမှာပါ

ချိတ် ကနေ နောက်အပတ်တွေမှာလည်း ကျောင်းလျှောက်တဲ့အခါ သိသင့်သိထိုက်တဲ့ အကြောင်းအရာတွေကို sharing လုပ်ပေးသွားမှာ ဖြစ်တဲ့အတွက် စောင့်မျှော်ကြပါဦးနော်

Chate Your Dreams

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

ဒီအပတ်မှာတော့ ချိတ် - The Hook ကနေ မြန်မာဆယ်တန်းပြီးထားတဲ့ သူတွေအတွက် US college တွေကို ဘယ်လိုလျှောက်ရမလဲဆိုတာ step-by-step ရှင်းပြမယ့် အပြင် Application Process မှာ သိသင့်တဲ့ Tips

တွေ အကြောင်းကို မျှဝေပေးသွားမှာပဲ ဖြစ်ပါတယ်။

US College Application ဟာဆိုရင် နားလည်ရခက်သလို Processတွေကလည်း ရှုပ်ထွေးလှတာကြောင့် ကျောင်းလျှောက်တဲ့ သူတွေအနေနဲ့ researchကို သေချာလုပ်ရတဲ့ အပြင် အချိန်တွေ အားစိုက်မှုတွေ အရမ်းပေးရပါတယ်။ ဒီလိုနားလည်ရတဲ့ ခက်တဲ့ Application Processကို တစ်ယောက်ထဲလုပ်ရတာဟာ ကျောင်းသားတွေအတွက် ခေါင်းခဲစေတာ အမှန်ပါပဲ။ ဒါ့အပြင် ကျောင်းသားတွေ အနေနဲ့ ကိုယ့်ရဲ့

Transcripts တွေကို ကိုယ်တိုင် တင်လို့မရပါဘူး။ ကိုယ်တက်တဲ့ ကျောင်းက Counsellors တွေသာ တင်ပေးလို့ ရတာပါ။ USနဲ့ ပညာရေးစနစ် မတူတဲ့ မြန်မာနိုင်ငံက ကျောင်းသားတွေ အနေနဲ့ counsellorsမရှိတဲ့ အခက်အခဲတွေ အများကြီးကြုံတွေ့ရပါတယ်။ အဲ့ဒီ့အခက်အခဲတွေကို ဘယ်လိုကျော်လွှားရမလဲ ဆိုတာ အောက်မှာ သေသေချာချာ ရှင်းပြပေးသွားပါမယ်။

* ဒီ ဆယ်တန်းအမှတ်စာရင်းအပြင် ကျောင်းတော်တော်များများက high school/ secondary transcripts from 9th through 11th gradeတောင်းပါတယ်။ ကျောင်းမှာ Comprehensive Personal Record (CPR) ဆိုတဲ့ ကိုယ့်ရဲ့ အလယ်တန်းကနေ အထက်တန်းအထိ အမှတ်တွေ ရှိပါတယ်။ ကိုယ်က ကျောင်းတွေ ပြောင်းဖူးရင်လဲ နောက်ဆုံးဆယ်တန်းတက်ခဲ့တဲ့ ကျောင်းမှာ ရှိပါတယ်။ CPR ကိုလည်း Scan ဖတ်ပြီး Notary ပြန်ထားပါ။

* ပြီးရင်‌တော့ Counselor အတွက် ကိုယ့်ရဲ့ ကျောင်းက ကျောင်းအုပ် (သို့) Official School Authority တစ်ဦးဦးကို ကိုယ့်ရဲ့ Counsellor အနေနဲ့ Transcript (Notarial Translation နဲ့အတူ) ပို့ပေးဖို့ တောင်းဆိုနိုင်ပါတယ်။ အကယ်၍ အခြေအနေ အမျိုးမျိုးကြောင့် မိမိကျောင်းအုပ်အနေနဲ့ မလုပ်ပေးနိုင်တဲ့အခါမှာ ကျောင်းက ဘာသာရပ် ခေါင်းဆောင် ဆရာ၊ ဆရာမ တစ်ဦးဦးကို အကူအညီတောင်းနိုင်ပါတယ်။ ပို့ပေးတဲ့ဆရာမက မိမိနဲ့ ရင်းနှီးထားရင်တော့ အကောင်းဆုံး ဖြစ်ပါတယ်။ မိမိကျောင်းက ဒါတွေမလုပ်နိုင်ဘူးဆိုရင်တော့ Private Counselling Services ကနေ အကူအညီယူပြီး ပေးဖို့နိုင်ပေမယ့် များသောအားဖြင့် စျေးကြီးတတ်ပါတယ်။

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

ညီနောင် ရှစ်ဖော် Ivy League အကြောင်းပြောပြပြီးတဲ့နောက်မှာ လူသိနည်းနေသေးတဲ့ နတ်သမီး ခုနစ်ဖော် " Seven Sisters Colleges" အကြောင်းမိတ်ဆက်ပေးချင်ပါတယ်။

"Seven Sisters" ဆိုတဲ့ နာမည်ကို ဂရိဒဏ္ဍာရီလာ "The Pleiades" ခေါ် " ကြယ်နတ်သမီး ခုနစ်ယောက်"ကနေ reference ယူထားတာပါ။

Seven Sisters collegesကို 19ရာစုမှာ all-male Ivy League collegesတွေနဲ့ အပြိုင် အမျိုးသမီးတွေ အတွက် တန်းတူပညာရေးရရှိအောင် ရည်ရွယ်ပြီး တည်ထောင်ခဲ့တာပါ။ (အဲ့အချိန်တုန်းက အမျိုးသမီးတွေမှာ Cornell University ကလွဲရင် ကျန်တဲ့ Ivy League ကျောင်းတွေကို တက်လို့မရပါဘူး။ 1960 နဲ့ 1970 လောက်မှ အမျိုးသမီးတွေကို Ivy Leagueကျောင်းတွေက လက်ခံခဲ့ပါတယ်။)

ဘာကြောင့် Seven Sisters Collegesကို ရွေးချယ်သင့်တာလဲ?

Content Writer - Shoon Lai Paing

Graphics - Kyail Nay La

Chate Your Dreams

ချိတ် - The Hook

Barnard College

 Undergraduate Population - 2,500
Student vibe - determined, ambitious, more independent than close-knit and more time spent off-campus

Barnard College ကိုတော့ 1889ခုနစ်မှာ တည်ထောင်ခဲ့ပြီး New Yorkရဲ့ Morningside Heights မှာ တည်ရှိပါတယ်။ Barnard Collegeရဲ့ rankကတော့ National liberal arts collegesမှာ 11နေရာဖြစ်ပြီး acceptance rate ကတော့ 14%အောက်မှာ ရှိပါတယ်။ ဒါ့အပြင် Barnard က Columbia Universityရဲ့ undergraduate collegesထဲက တစ်ခုဖြစ်ပြီး Columbiaနဲ့ close partnershipရှိတဲ့ အတွက် ကျောင်းသားတွေဟာ ‌ကျောင်းနှစ်ကျောင်းပေါင်းစပ် Special degrees တွေ အပြင် အခြားသော shared resourcesနဲ့ အခွင့်အလမ်းများစွာကို ခံစားနိုင်ပါတယ်။ ပြီးတော့ Barnardရဲ့ both rigorous and flexibleဖြစ်တဲ့ Foundations curriculumကလည်း Barnardကို uniqueဖြစ်စေပါတယ်။

Bryn Mawr College

Undergraduate Population - 1,400
Student vibe - intellectual, kind and emphasis on traditions

Bryn Mawr Collegeကိုတော့ 1885ခုနစ်က Bryn Mawr, Pennsylvaniaမှာ တည်ထောင်ခဲ့ပါတယ်။ လက်ရာမြောက်လှတဲ့ architectureကြောင့်လည်း အလှဆုံး campusများထဲမှ တစ်ကျောင်းဖြစ်တဲ့ အပြင် strong academic programsနဲ့ နာမည်ကြီးတဲ့ Bryn Mawr College ကတော့ National liberal arts colleges rankingမှာ 30နေရာမှာ ရပ်တည်နေပါတယ်။ Swarthmore College and Haverford College တို့နဲ့အတူ ဖွဲ့စည်းထားတဲ့ "Tri-College Consortium"ရဲ့ အဖွဲ့ဝင်ဖြစ်ပြီး ဒီကျောင်းသုံးကျောင်းအပြင် University of Pennsylvania ပါဝင်ဖွဲ့စည်းထားတဲ့ “the Quaker Consortium” ကြောင့် ကျောင်းသားတွေဟာ ဒီကျောင်းလေးကျောင်းလုံးက အတန်းတွေ ကြိုက်သလို ယူပြီး တက်နိုင်ပါတယ်။

Mount Holyoke College

Undergraduate Population - 2,200
Student Vibe: friendly and accepting, change-making, the most artsy among Seven Sisters

Mount Holyoke College or Mt Holyoke College ကတော့ နတ်သမီး ခုနစ်ဖော်ထဲမှာ သက်တမ်းအရင့်ဆုံးဖြစ်ပြီး South Hadley, Massachusettsမှာ 1837ခုနစ်က တည်ထောင်ခဲ့ပါတယ်။ sourcesအမျိုးမျိုးကနေ rankingsများစွာ ရရှိထားတဲ့ Mount Holyoke Collegeကတော့ National Liberal arts Colleges မှာ 34နေရာမှာ ရှိပြီး Western Massachusettsမှာ ရှိတဲ့ Amherst College, Hampshire College, Smith College and UMass Amherst တို့နဲ့အတူ ကျောင်း(၅)ကျောင်း consortium လုပ်ထားတဲ့အတွက် ကျောင်းတွေရဲ့ resourcesတွေ၊ transportation servicesတွေနဲ့ coursesတွေကို ကျောင်းသားတွေ မျှဝေအသုံးပြုနိုင်ပါတယ်။

Radcliffe College

Radcliffe Collegeကို Cambridge, Massachusettsမှာ 1879ခုနစ်က တည်ထောင်ခဲ့တာပဲ ဖြစ်ပါတယ်။ နှစ်ပေါင်းခုနစ်ဆယ်ကျော်အတွင်း undergraduate and graduate degrees တွေ offer လုပ်ခဲ့တဲ့ Radcliffe Collegeဟာ 1999 ခုနစ်မှာ Harvard College သို့ ပေါင်းစည်းခဲ့ပြီး Seven Sistersအဖွဲ့မှ နှူတ်ထွက်ခဲ့ပါတယ်။ ယခုဆိုရင်တော့ Harvard University အတွင်းမှာ Radcliffe College ရဲ့ အရင် campus နေရာကတော့ Radcliffe Institute of Advanced Study အဖြစ်ပြောင်းလဲသွားပါပြီ။

Smith College

Undergraduate Population - 2,500
Student Vibe: driven, activist, school-spirit, emphasis on traditions

Smith Collegeကို Northampton, Massachusettsမှာ 1881ခုနစ်က တည်ထောင်ခဲ့ပါတယ်။ အမေရိကန်နိုင်ငံမှာ ရှိတဲ့ အကျယ်ဆုံး women colleges ထဲမှ တစ်ခုဖြစ်ပြီး သူ့ရဲ့ unique housing systemက အတော်နာမည်ကြီးပါတယ်။ ဘာကြောင့်လဲဆိုရင် Smithရဲ့ campus housing က traditional dorms မဟုတ်ဘဲ family-type houses တွေ ဖြစ်နေလို့ပါ။ ကျောင်းသားတွေ အတွက် အိမ်ပေါင်း (၄၁)အိမ်ရှိပြီး ကိုယ့်ရဲ့ house matesတွေနဲ့ friendship bondပိုပြီး ခိုင်မာစေပါတယ်။ National Liberal Arts Collegesမှာ 16 နေရာမှာ ရပ်တည်နေပြီး all-women ABET-accredited engineering programဆိုပြီး အင်ဂျင်နီယာဘာသာရပ်ကို Seven Sistersထဲမှာပထမဆုံး ပို့ချတဲ့ ကျောင်းလည်း ဖြစ်ပါတယ်။ Smith College ဟာ open curriculumကို ကျင့်သုံးတဲ့ အပြင် “the Five College Consortium” လည်း ရှိတဲ့ အတွက် ကျောင်းသားတွေဟာ ကိုယ့်ကျောင်းသာမက Amherst College, Hampshire College, Mt Holyoke College and UMass Amherst ကျောင်းတွေမှာပါ အတန်းတွေ စိတ်ကြိုက်တက်နိုင်ပါတယ်။ 

Vassar College

Undergraduate population - 2500
Student vibe : Liberal, artsy, unexplainable

Vassar College ကို Poughkeepsie, New Yorkမှာ 1861ခုနစ်က စတင်တည်ထောင်ခဲ့ပြီး Radcliffe Collegeလိုဘဲ Vassar ဟာ Yale University လက်အောက်သို့ ပေါင်းစည်းရန် စီစဉ်ခဲ့သော်လည်း school identity မပျောက်စေရန်အတွက် ပေါင်းစည်းရန် အစီအစဉ်ကို ပယ်ဖျက်ပြီး 1969ခုနစ်မှာ ကိုယ်ပိုင်coeducational collegeအဖြစ်ဘဲ ရပ်တည်ခဲ့ပါတယ်။ Vassar Campusရဲ့ 1,000-acre အကျယ်အဝန်းထဲမှာ အဆောက်အဉီးပေါင်း တစ်ရာကျော်ရဲ့ architecture stylesအမျိုးမျိုးအပြင် စာသင်ခန်း၊အဆောင်၊ ပြတိုက်၊ စာကြည့်တိုက်၊ ထမင်းစားခန်းမ စသည်တို့ တစ်စုထဲရှိတဲ့ USရဲ့ အကြီးမားဆုံးအဆောက်အဉီးထဲက တစ်ခုဖြစ်တဲ့ Vassarရဲ့ Main Building တို့ကြောင့်လည်း နာမည်ကျော်ကြားပါတယ်။ Vassarဟာ National Liberal Arts Collegesမှာ 16 နေရာမှာ ရပ်တည်နေပြီး လောလောဆယ်မှာတော့ ကျား 40% နဲ့ မ 60% ရှိပါတယ်။

Wellesley College

Undergraduate Population - 2500
Student vibe - overachievers, hard-working, more independent than close-knit, open to new ideas, emphasis on traditions

Wellesley Collegeကို Wellesley, Massachusettsမှာ 1875ခုနစ်က တည်ထောင်ခဲ့ပါတယ်။ Top prestigious women college ဖြစ်တဲ့ Wellesley Collegeဟာ National Liberal Arts Collegesမှာ 4 နေရာမှာ ရပ်တည်နေပါတယ်။ Science subjectsတွေမှာ နာမည်ကြီးပြီး women collegesတွေထဲမှာ Scientific Laboratoriesရှိတဲ့ ပထမဆုံးကျောင်းလည်း ဖြစ်ပါတယ်။ Women leadership commitment မှာ နာမည်ကြီးတဲ့ Wellesley College က ကျောင်းသူတွေဟာ the Massachusetts Institute of Technology, Brandeis University, Babson College, and Olin College တို့မှာ အတန်းတွေ စာရင်းသွင်းတက်နိုင်ပါတယ်။ 

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

ဒီနေ့မှာတော့ ချိတ်-The Hook ကနေပြီး Admission Decision နဲ့ Status တွေအကြောင်း တစေ့တစောင်း ပြောပြပေးချင်ပါတယ်။

မိမိအနေနဲ့ Application Submit လုပ်ပြီးပြီးဆိုရင် ဘယ်လို အဖြေလာမလဲဆိုပြီး စိတ်လှုပ်ရှားရင်း မိမိရဲ့ admission status တွေရဲ့ terms တွေကို အကျွမ်းတ၀င် ရှိထားဖို့လိုပါတယ်။ သို့မှသာ Admission Letter မှာရေးထားတာတွေကို အထိတ်တလန့်မဖြစ်ဘဲ ဘာကိုဆိုလိုသလဲ သေချာ‌နားလည်နိုင်မှာဖြစ်ပါတယ်။ နောက်ထပ်မိမိ application status ပေါ်မှာမူတည်ပြီးလည်း ပြင်ဆင်စရာရှိတာ ပြင်ဆင်နိုင်မှာဖြစ်ပါတယ်။

Admission Status ကတော့ စုစုပေါင်း ၇ မျိုး ရှိပါတယ်။ အများစုအနေနဲ့ Admit, Reject, Waitlist နဲ့ Deferred စတဲ့ decision တွေကိုသာ သိကြပေမယ့် ချိတ်ကနေပြီး အသေးစိတ်ပြောပြသွားချင်ပါတယ်။

Admitted/ Accepted

မိမိရဲ့ Admission letter က Admit ဆိုတဲ့ decision ဆိုရင်တော့ Congratulations ပါ

ဒါကတော့ရှင်းပါတယ်။ ‌ကိုယ်လျှောက်ထားတဲ့ ကျောင်းကို ၀င်ခွင့်ပြီလို့ ဆိုလိုပါတယ်။ မိမိအနေနဲ့ ထပ်ဆောင်း application တွေ တင်စရာမလိုတော့ဘဲ အကြွင်းမဲ့ ၀င်ခွင့်ရတယ်ဆိုရင်တော့ Admit ဆိုတဲ့ Decision ကိုရပါတယ်

Admit ဖြစ်ပြီဆိုရင်တော့ Applicants အနေ‌နဲ့

* Accept the offer - ၀င်ခွင့်ကို လက်ခံတယ်

* Reject the offer - ၀င်ခွင့်ကို ငြင်းပယ်တယ်ဆိုပြီး

တစ်ခုခုကို အကြောင်းပြန်နိုင်ပါတယ်။

လက်ခံလိုက်ပြီဆိုရင်တော့ Acceptance Letter ပြီးရင် ကျောင်းလခ သွင်းဖို့ paying deposit နဲ့ registration ဆိုင်ရာတွေကို ကျောင်းဘက်က ပေးပို့ပါလိမ့်မယ်။

Conditional Admit

Conditional Admit ကတော့ ကျောင်း၀င်ခွင့်ကို လက်ရှိမှာ လက်ခံလိုက်ပြီဖြစ်ပေမယ့် လိုအပ်တဲ့ သက်ဆိုင်ရာ အခြေအနေတစ်ခုခု သို့မဟုတ် Course ယူတာမျိုး၊ GPA ထိန်းထားတာမျိုး လုပ်ပေးနိုင်မှ ၀င်ခွင့်ကို သေချာစေမှာဖြစ်ပါတယ်။ မိမိက conditions ကို မပြည့်မီခဲ့ရင် ၀င်ခွင့်ကို ရုတ်သိမ်းလိုက်မှာဖြစ်ပါတယ်။

ဥပမာဆိုရင်- IB Diploma Program ရဲ့ predicted grades နဲ့ ကျောင်းလျှောက်ထားတယ်ဆိုရင် Conditional Admit နဲ့ ကျောင်း၀င်ခွင့်ပေးထားပေမယ့် Final Exam မှာ အမှတ် 40 ထက်မနည်းရ စသဖြင့် Condition သတ်မှတ်ချက်ပါ၀င်ပါတယ်။

Conditional Admit ရပြီဆိုရင် မိမိအနေနဲ့ offer ကို လက်ခံပြီး လိုအပ်တဲ့ သတ်မှတ်ချက်ပြည့်မီအောင် ကြိုးစားရပါမယ်။ Conditional Admit ရရှိထားတယ်ဆိုရင် Backups အနေနဲ့ တခြားကျောင်းတွေကနေ ၀င်ခွင့်ရထားရင် ပိုပြီး စိတ်အေးရပါတယ်။ မိမိအနေနဲ့ Conditions ကို သဘောမကျလို့ လက်မခံဖြစ်ဘူးဆိုရင် တခြားသော Applicant တွေ အတွက် နေရာရအောင် reject လုပ်ပေးဖို့ မမေ့သင့်ပါဘူး။

Referred

Referred ဆိုတာကတော့ ကျောင်းဘက်ကနေပြီး ထပ်ဆောင်း လိုအပ်တဲ့ အချက်အလက်တွေကို တောင်းပြီး Decision မချသေးဘဲ စောင့်နေတဲ့ Status ဖြစ်ပါတယ်။

Talent-based Program တွေဖြစ်တဲ့ Music တို့ Performing Arts တို့လို ပရိုဂရမ်တွေ လျှောက်ထားတယ်ဆိုရင် Audition လိုအပ်တာမျိုး၊ Art Portfolio လိုအပ်တာမျိုး ရှိတတ်ပါတယ်။

Community College ကနေပြီး 2+2 transfer program မျိုးနဲ့ လျှောက်တယ်ဆိုရင်လည်း Credit လိုအပ်ချက် သို့မဟုတ် Special Program တွေကို တောင်းတာမျိုးဆိုရင် Referred ဆိုတဲ့ Status ကိုရနိုင်ပါတယ်။

Referred အလုပ်ခံရတယ်ဆိုရင် ကျောင်းဘက်ကတောင်းဆိုတဲ့ ထပ်ဆောင်း လိုအပ်ချက်ကို တင်ပြနိုင်အောင် ကြိုစားရပါတယ်။

Deferred

Deferred ဆိုတဲ့ Status ကတော့ Early Round က application က်ု Regular Decision pool ကို ရွေ့လိုက်တာပဲဖြစ်ပါတယ်။ Early Round မှာ လက်ခံဖို့ competitive ဖြစ်တဲ့အတွက် Admission Committee ကနေပြီး စိစစ်ဖို့ အချိန်ပိုလိုတာဖြစ်ပါတယ်။ သူတို့အနေနဲ့ Early Pool မှာ ကိုယ့်ကို လက်ခံဖို့ အဆင်သင့်မဖြစ်သေးတာမျိုး၊ လူဦးရေ ပြည့်နေတာမျိုးဆိုရင်

Regular Decision Round က Applicants Pool နဲ့ပါ ယှဉ်ကြည့်ပြီးမှ လက်ခံဖို့အတွက် နောက်တစ်ကြိမ် စိစစ်ကြတာမျိုးပါ။

Deferral ကတော့ Admit လည်း မဟုတ်‌သေး၊ Reject လည်း မဟုတ်ပါဘူး။ Applicants တွေအနေနဲ့ ထပ်ပြီး Test Score နဲ့ Additional Information တွေ တင်ရတာမျိုး ရှိပါတယ်။

Deferral ရတယ်ဆိုရင်တော့ ကိုယ့် Application မှာလိုအပ်ချက်တွေကို ပိုပြီး ဖြည့်စည်းထားသင့်ပါတယ်။ GPA ပိုကောင်းအောင်လုပ်တာ၊ Additional Recommendation Letter တောင်းခံတာမျိုး Extracurricular တွေကို ပိုကောင်းအောင် ကြိုးစားသင့်ပါတယ်။

မိမိအနေနဲ့ ဒီကျောင်းကို ဆက်ပြီး စိတ်၀င်စားကြောင်း “Letter of continued interest” ကို ပေးပို့သင့်ပါတယ်။

Deferred ရတဲ့ ကျောင်းကိုကြည့်ပြီး မိမိ Application ရဲ့ potential နဲ့ လိုအပ်ချက်တွေကို အနည်းနဲ့ အများ သိရပြီမလို့ College List ကိုပြန်ပြီးလည်း ချိန်ဆသင့်ပါတယ်။

Waitlisted

Waitlisted ဆိုတာကတော့ မိမိရဲ့ application က ကျောင်းရဲ့ requirements ကိုပြည့်မီပေမယ့် ဒီနှစ်ကျောင်းလျှောက်ရာသီမှာ လက်ခံမယ့် ကျောင်းသားအရေအတွက်က ပြည့်ပြီဖြစ်တာကြောင့် Waitlist ထဲမှာ ထည့်ထားတာဖြစ်ပါတယ်။ အကယ်၍ Offer ကို decline လုပ်တဲ့ Applicants တွေရှိရင် Waitlist ထဲက ကျောင်းသားတွေက ၀င်ခွင့်ရနိုင်ချေရှိပါတယ်။

Waitlist ရတယ်ဆိုရင် မိမိအနေနဲ့ Waitlist offer ကို လက်ခံပြီး ကျောင်းကို စိတ်၀င်စားကြောင်းပြသသင့်ပါတယ်။ တစ်ချိန်ထဲမှာပဲ မိမိ offer ရထားတဲ့ ကျောင်းတွေကို ရွေးချယ်ထားသင့်ပါတယ်။ Waitlist ထဲကနေ Acceptance ရဖို့ဆိုတာဟာ မသေချာတဲ့ အခြေအနေဖြစ်တာကြောင့် ၀င်ခွင့်‌ရထားတဲ့ ကျောင်းတွေကိုလည်း ကြည့်ထားရပါမယ်။

Rejected

Rejected ကတော့ အားလုံးပဲ နားလည်ထားသလိုပဲ ကျောင်း၀င်ခွင့်ကို လက်မခံဘဲ ငြင်းလိုက်တာပဲ ဖြစ်ပါတယ်။

Rejected အလုပ်ခံရပေမယ့် ကိုယ့်အနေနဲ့ ဒီကျောင်းကို အရမ်းတက်ချင်တယ်ဆိုရင် လုပ်နိုင်တာတစ်ခုရှိပါတယ်။ “Appeal the decision” လို့ခေါ်ပြီး မိမိရဲ့ Grades တွေနဲ့ Test Scores တွေက အများကြီး တိုးတက်မှုရှိတယ်ဆိုတာ သေချာတယ်ဆိုရင် Appeal တင်နိုင်ပါတယ်။ သတိချပ်ရမှာက Appeal လုပ်နိုင်တဲ့ ကျောင်းကအလွန် နည်းပါးပါတယ်။ ထိပ်တန်းကျောင်းတွေထဲမှာဆိုရင် University of Southern California (USC) မှာ Appeal တင်နိုင်ပါတယ်။ Reject Letter ရပြီဆိုရင်တော့ ကိုယ်လိုချင်တဲ့ results မဟုတ်ပေမယ့် စိတ်ဓာတ်မကျဘဲ တခြားကျောင်းတွေရဲ့ Acceptance ကို စောင့်မျှော်သင့်ပါတယ်။

Cancel

Cancel ဆိုတာကတော့ Early Decision မှာ ၀င်ခွင့်ရသွားပြီဆိုရင် binding agreement အရ နောက်ထပ်လျှောက်မယ့် Application တွေကို Cancel ပေးရတာပဲဖြစ်ပါတယ်။ ဒါကတော့ Early Round မှာ ၀င်ခွင့်ရထားတဲ့ ကျောင်းသားတွေလုပ်ရတဲ့ Admission Status တစ်ခုဖြစ်ပါတယ်။

ကျွန်မတို့ရဲ့ ချိတ်-The Hook က‌ ခုဆိုရင် Admission Status တွေနဲ့ Decision တွေ အကြောင်းကို ပြည့်ပြည့်စုံစုံတင်ပြခဲ့တာဖြစ်ပါတယ်။ Acceptance တွေ တသီကြီးနဲ့ College Application Journey ကြီးကို ဂုဏ်ယူစွာနဲ့ ကျော်ဖြတ်နိုင်ပါစေလို့ ဆုတောင်းပေးလိုက်ပါတယ်။

Chate your dreams

ချိတ်- The Hook

Content - Yoon Ei Ko Ko

Graphics - Kyail Nay La

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

❝နွေခေါင်ခေါင် သဲကန္တာရမှာ အိုအေစစ်ရှာတွေ့သလို 𝐂𝐨𝐥𝐥𝐞𝐠𝐞 𝐀𝐩𝐩𝐥𝐢𝐜𝐚𝐭𝐢𝐨𝐧 အတွက် 𝐋𝐢𝐟𝐞 𝐒𝐚𝐯𝐞𝐫 သဖွယ် ကူညီပေးမယ့် 𝐂𝐨𝐦𝐦𝐨𝐧 𝐀𝐩𝐩 အကြောင်း❞

အရင်တုန်းကတော့ ကျောင်းတွေက Application တင်ခိုင်းတဲ့အခါမှာ တစ်ကျောင်းချင်းစီတင်ပြီး လျှောက်ရတာဖြစ်တဲ့အပြင် တောင်းတဲ့ Requirement တွေကလည်း မတူညီကြတာမလို့ ကျောင်းသားတွေအတွက် အချိန်ကုန်ပြီး လူပင်ပန်းပါတယ်။ ဒါပေမယ့် နောက်ပိုင်းမှာတော့ ကျောင်းအများစုက Common App ကနေပြီး တစ်ပြိုင်တည်းလျှောက်လို့ရမယ့် Application System ကို စတင်ကျင့်သုံးလာကြတာမလို့ တစ်ကျောင်းစီလိုက်လျှောက်ဖို့ ဗျာများနေရမှာ ပူစရာမလိုတော့ပါဘူး။

Common App Application ကိုတော့ နှစ်တိုင်း August 1 ရက်နေ့မှာ စဖွင့်တာဖြစ်ပြီးတော့ အဲ့ဒီရက်မှာပဲ အဆင်သင့်ဖြစ်နေတဲ့ ကျောင်းသားတွေက သူတို့ရဲ့ Application တွေကို တန်းတင်လိုက်ရုံပါပဲ။ ဒါကြောင့် သူတို့မဖွင့်ခင် ကိုယ်က ကြိုတင်ပြီးအဆင်သင့်ဖြစ်ထားအောင် ဒီအချက်တွေကို လုပ်ထားသင့်ပါတယ်။

အရင်ဆုံး Common App Website ထဲကို သွားပြီး Student Account ဖွင့်ရပါမယ်။

ကိုယ်က အခုမှ ကျောင်းစလျှောက်မယ့်သူဆိုရင် “First-year Student” Optionကို ရွေးရမှာ ဖြစ်ပြီးတော့ တခြား 4-year Institution ဒါမှမဟုတ်ရင် 2-year Community College ကနေ ပြောင်းလာတဲ့သူတွေဆိုရင်တော့ “Transfer Student” Option ကိုရွေးရမှာ ဖြစ်ပါတယ်။

ပြီးရင်တော့ ကိုယ့်ရဲ့ Personal Information တွေဖြစ်တဲ့ Email, Phone Number စတဲ့အချက်တွနဲ့ ကိုယ်ဘယ်နှစ်မှာ ကျောင်းလျှောက်ဖို့ရည်ရွယ်ထားလဲဆိုတာတွေကို ဖြည့်ပေးရမှာဖြစ်ပါတယ်။

ဒါ့အပြင် အရေးအကြီးဆုံးကတော့ ကိုယ့်ရဲ့ အသေးစိတ်အချက်တွေဖြစ်တဲ့ Education Background, Extracurriculars တွေနဲ့ Household Information စတာတွေကို အဆင်သင့်ဖြည့်ထားရပါမယ်။

ဒီအချက်တွေ အကုန် လုပ်ပြီးသွားပြီဆိုရင်တော့ August 1 ရက်နေ့မှာ Application တွေစဖွင့်တဲ့အခါ ဘယ်လိုလျှောက်ရသလဲ၊ ဘာ application requirements တွေ လိုအပ်သလဲဆိုတာကို လေ့လာထားဖို့လိုပါမယ်။ Common App မှာ ကျောင်းလျှောက်တဲ့အခါမှာ ရေးခိုင်းတဲ့ Essay Prompts တွေကိုပါ Provide လုပ်ပေးထားတာမလို့ ကြိုရေးပြီး လေ့ကျင့်ထားလို့လည်းရပါတယ်။ ဒါဆိုရင်တော့ August 1 ရက် ရောက်တာနဲ့ အကုန်အဆင်သင့်ဖြစ်နေပြီး လျှောက်တဲ့အခါ Easy Peasy ဖြစ်နေမှာ အသေအချာပါပဲ။

ဒါနဲ့ လာမယ့်အပတ်တွေမှာ ချိတ်ကနေ Common App ကို ဘယ်လိုသုံးပြီး ကျောင်းတွေလျှောက်ရမလဲဆိုတာကို Step-by-Step ရှင်းပြပေးသွားမယ့် Webinar လေးတစ်ခုလုပ်ဖို့ အစီအစဉ်ရှိတာမလို့ လွတ်မသွားရလေအောင် ဒီရက်ပိုင်းကို မျက်ခြေမပြတ် စောင့်ကြည့်ထားကြဦးနော်။

Chate your dream

ချိတ် - The Hook

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

“𝐄𝐱𝐭𝐫𝐚𝐜𝐮𝐫𝐫𝐢𝐜𝐮𝐥𝐚𝐫𝐬 တွေရဲ့ အရေးပါပုံ အဖုံဖုံ”

အကယ်၍ Extracurricular တွေက Academic နဲ့မှ မဆိုင်တာ တကယ်ရော လိုတာဟုတ်ရဲ့လားလို့ မေးလာတဲ့အခါ….

Extracurriculars ထဲမှာ ဘာတွေပါသလဲ..

Volunteering အတွက် မသိမဖြစ် ဆေးတစ်မြစ်

ECs တွေကို အထာကျကျ ရွေးကြမယ်

Common App မှာ ECs ကို ဘယ်လိုဖြည့်ကြမလဲ..

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

ငွေရေးကြေးရှင်းတမ်း (ခေါ်) 𝗖𝗦𝗦 𝗣𝗿𝗼𝗳𝗶𝗹𝗲

အမေရိက က ကျောင်းတွေကို လျှောက်တဲ့အခါ College Application အတွက်ဆိုရင် Common App ကို သတိရဖို့လိုသလို Financial Aid လျှောက်ဖို့ဆိုရင် CSS Profile ကို မေ့ထားလို့မဖြစ်လို့ပါဘူး။ ဘာလို့လဲဆိုရင် CSS Profile က Financial Aid လျှောက်ရတဲ့ Platform တစ်ခုဖြစ်ပြီးတော့ ပုံမှန် Application Process ထဲမှာ မပါဘဲ ကျောင်းသားတွေ သီးသန့်လျှောက်ရတာဖြစ်ပါတယ်။ ဒီအပေါ်မှာမူတည်ပြီးတော့ ကျောင်းသားတစ်ယောက်ရနိုင်တဲ့ Financial Aid ပမာဏကွာခြားသွားနိုင်တာမလို့ ကျောင်းလျှောက်မယ့်သူတွေ နှံ့နှံ့စပ်စပ် သိထားဖို့ အရမ်းအရေးကြီးပါတယ်။

ဒါကြောင့် CSS Profile အတွက် Application တင်ဖို့ဆိုရင် အရင်ဆုံး သူ့ရဲ့ Website ကိုသွားပြီး Account ဖွင့်ရပါမယ်။ ချောချောမွေ့မွေ့နဲ့ ဘာအခက်အခဲမှ မရှိဘဲလျှောက်နိုင်ဖို့ဆိုရင် Website ဘယ်လို အလုပ်လုပ်သလဲဆိုတာ ရင်းနှီးထားမှ အဆင်ပြေမှာမလို့ Drop down menus တွေလိုက်နှိပ်ကြည့်ပြီး ကလိလို့ရပါတယ်။ Financial Aid Application Form တင်တဲ့အခါ ပထမဆုံးကျောင်းအတွက် $25 ကုန်ကျမှာဖြစ်ပြီးတော့ နောက်ထပ်လျှောက်တဲ့ Additional ကျောင်းတွေအတွက်တော့ $16 ပဲ ကျသင့်မှာဖြစ်ပါတယ်။ Website မှာပါတဲ့ Section headings တွေက တစ်နှစ်နဲ့တစ်နှစ် ကွာခြားနိုင်ပေမယ့်လို့ လိုအပ်တဲ့အဓိက Key Information ကတော့ အတူတူပါပဲ။ အဲ့တာတွေကတော့…

Scholar မှ Scholar ဆိုပြီး တောင့်တနေသူတွေအတွက် Up to 100% အထိ Financial Aid ရတာဟာဘဝမှာ ထီအကြီးကြီးပေါက်သလိုပါပဲ။ ဒါကြောင့် ကိုယ်လည်း အဲ့လို ထီပေါက်သူတွေထဲက တစ်ယောက်ဖြစ်နိုင်အောင် ကျောင်းလျှောက်ဖို့ လိုအပ်တဲ့အကြောင်းတွေကို “ချိတ်” က အဆင်သင့်ရှာဖွေရေးထားပြီးသားမလို့ အခုကတည်းက တစ်ခုချင်းစီ နှံ့နှံ့စပ်စပ်လေ့လာထားလိုက်ကြပါတော့ရှင်။

Chate your dream

ချိတ် - The Hook

Content- Wai Hnin Paing

Graphics - Thu San Htet

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International

Letter of Recommendation ဘယ်လိုတောင်းမလဲ။

ဘယ်သူ့တွေဆီက Letter of Recommendation တောင်းကြမလဲ။

ဥပမာဆိုရင်- MIT ကနေပြီး Science Teacher ဆီက တစ်စောင်၊ Humanities Teacher ဆီက တစ်စောင် တောင်းဖို့လိုအပ်တာမျိုး ရှိတတ်ပါတယ်။

အကယ်၍ ဘယ်ဆရာဆရာမကိုမှ မသိဘူး။ မရင်းနှီးနေဘူးဆိုရင်ကော။

ဘယ်ချိန်စတောင်းသင့်လဲ။

အရေးကြီးပြီ။ တောင်းမယ့် Recommender တွေကို ဘယ်လို ချဉ်းကပ်ရမလဲ

“It’s all about communication” ဖြစ်ပါတယ်။ Media Platform ပေါ်ကမဟုတ်ဘဲအပြင်မှာ ကိုယ်တိုင်ကိုယ်ကျတောင်းခံသင့်ပါတယ်။ အပြင်မှာ Face-to-face စကားပြောဆိုပြီး Recommendation Letter တောင်းတာက ဆရာ့အပေါ်လေးစားမှုကို ပြသသလို သူရေးပေးလိုက်မယ့် စာက ကျောင်းသားအတွက် အရေးကြီးကြောင်းလည်း ဆိုလိုရာရောက်ပါတယ်။ ကိုယ်နဲ့ ဆရာနဲ့က နီးနီးနားနားမရှိဘဲ အဝေးရောက်နေတယ်ဆိုရင် ဖုန်းဆက်ပြီး တောင်းခံနိုင်ပါတယ်။ နောက်ဆုံးဖုန်းဆက်ဖို့လည်း အဆင်မပြေမှ Email ကနေစာပို့ပြီး ဆက်သွယ်တောင်းခံသင့်ပါတယ်။

အပြင်မှာ ကိုယ်တိုင်ကိုယ်ကျ Recommendation Letter တောင်းတဲ့အခါ ဆရာတွေအစားစားနေတဲ့အချိန်မတောင်းသင့်ပါဘူး။

ဒါ့အပြင်စာမသင်ခင်အချိန်မှာလည်း မတောင်းသင့်ပါဘူး။

ဆရာတွေ စိတ်မကြည်မလင်ဖြစ်နေတဲ့အချိန်၊ ဒေါသဖြစ်နေတဲ့အချိန်မှာလည်း မတောင်းသင့်ပါဘူး။

Social Media အကောင့်တွေကနေ Texting လုပ်ပြီးလည်း မတောင်းသင့်ပါဘူး။

အခြားကျောင်းသားတွေရှိနေတဲ့ အချိန်မှာလည်း မတောင်းသင့်ပါတယ်။ (ဆရာနဲ့ ကိုယ် နှစ်ကိုယ်ကြားရှိနေတဲ့အချိန်မှာ တောင်းခံသင့်ပါတယ်)။

Recommendation Letter ထဲမှာ ကိုယ်ပါစေချင်တဲ့ အချက်တွေကို ဆရာကို သေသေချာချာပြောပြထားသင့်ပါတယ်။ ကိုယ်လုပ်ခဲ့တဲ့ Extracurriculm Activities တွေ၊ ကိုယ့်ရဲ့ထူးခြားတဲ့ Talent တွေကိုလည်း ပြောပြထားသင့်ပါတယ်။ ဒါမှ ဆရာကနေ ကိုယ့်အတွက် Recommendation Letter ကို ကောင်းကောင်းရေးသားနိုင်မှာဖြစ်ပါတယ်။ ဒါမှမဟုတ်လည်း ကိုယ့်ဖာကိုယ် ကိုယ့်အကြောင်းတွေ သေသေချာချာ ပြုစုထားတဲ့ Resume Sheet တစ်ခုလုပ်ပြီး ဆရာကို Reference Sheet အနေနဲ့ ပို့ပေးလို့ရပါတယ်။

ဆရာတွေကို College Deadline ပြောပြပေးပါ။ ဒါမှ ဆရာဘက်ကနေ Letter ရေးဖို့အတွက် အချိန်စီစဉ်လို့ရမှာဖြစ်ပါတယ်။ Deadline မတိုင်ခင် နှစ်ပတ်အလို လောက်တည်းက Rec Letter ကို ရအောင်လုပ်တာက အကောင်းဆုံးဖြစ်ပါတယ်။

Recommendation Letter ဘယ်နှစောင်လိုလဲ။

Recommendation Letter ဘယ်လို ထပ်မလဲ။

ကောင်းမွန်တဲ့ Letter of Recommendation သာဓက

ဒီမှာကတော့ ချိတ်ရဲ့ Co-Founder ကို အောင်ခန့်ပိုင်အတွက် သူ့ဆရာ ရေးပေးခဲ့တဲ့ Rec Letter Sample တစ်ခုဖြစ်ပါတယ်။

ချိတ် - The Hook Articles by ချိတ် - The Hook is licensed under Creative Commons Attribution-NonCommercial-ShareAlike 4.0 International